કેન્દ્રીય ગૃહમંત્રી અમિત શાહે, આજે સોમવારે સોશિયલ મીડિયા થકી જાહેરાત કરી હતી કે, સ્વતંત્રતા દિવસ પહેલા ISI સમર્થિત શહેઝાદ ભટ્ટીના આતંકવાદી નેટવર્કનો સફાયો કરવામાં આવ્યો હતો. સુરક્ષા દળોએ ખતરનાક હુમલાઓ કરવાની આતંકવાદીઓની યોજનાઓને નિષ્ફળ બનાવી હતી. અમિત શાહે, સોશિયલ મીડિયામાં કરેલ પોસ્ટમાં જણાવ્યું હતું કે 14 રાજ્યોમાં સંકલિત કામગીરી દ્વારા આંતકી નેટવર્કના 200 થી વધુ કાર્યકરોની ધરપકડ કરવામાં આવી હતી.

સોશિયલ મીડિયા ટ્વીટર કે જે હવે X તરીકે ઓળખાય છે તેના પર કરેલ પોસ્ટમાં, અમિત શાહે જણાવ્યું હતું કે, મોદી સરકારે સ્વતંત્રતા દિવસ પહેલા ISI સમર્થિત શહેઝાદ ભટ્ટી આતંકવાદી નેટવર્કનો નાશ કર્યો હતો અને 200 થી વધુ કાર્યકરોની ધરપકડ કરીને ખતરનાક હુમલાઓની તેની યોજનાઓને નિષ્ફળ બનાવી હતી.

આતંકવાદી નેટવર્કનો નાશ

તેમણે વધુમાં ઉમેર્યું કે, ભારતીય સુરક્ષા દળોએ 14 રાજ્યોમાં વિવિધ સ્થળોએ સંકલિત કાર્યવાહી શરૂ કરીને નેટવર્કનો નાશ કર્યો છે. જે આતંકવાદ પ્રત્યે ભારતની શૂન્ય-સહિષ્ણુતા નીતિનું એક તેજસ્વી ઉદાહરણ છે.

કેન્દ્રીય ગૃહમંત્રીએ જણાવ્યું હતું કે, ISI દ્વારા ભંડોળ પૂરું પાડવામાં આવેલા જૂથમાંથી મળી આવેલી વસ્તુઓમાં ઇમ્પ્રુવાઇઝ્ડ એક્સપ્લોઝિવ ડિવાઇસ (IED), પાકિસ્તાન ઓર્ડનન્સ ફેક્ટરીના નિશાનવાળા ગ્રેનેડ, પિસ્તોલ, જીવંત દારૂગોળો અને દેખરેખ માટે ઉપયોગમાં લેવાતા CCTV કેમેરાનો સમાવેશ થાય છે. વધુમાં, નેટવર્ક અનેક આતંકવાદી પ્રવૃત્તિઓમાં સામેલ હતું.

80 થી વધુ FIR, 253 ધરપકડ

સોમવારે જાહેર કરાયેલ એક પ્રેસ રિલીઝમાં, ગૃહ મંત્રાલયે જાહેરાત કરી હતી કે, ઘણા રાજ્યોમાં ફેલાયેલા એક મોટા ઓપરેશન દરમિયાન આતંકવાદી સિન્ડિકેટનો પર્દાફાશ કરવામાં આવ્યો હતો, જેના પરિણામે 14 રાજ્યોમાં 253 વ્યક્તિઓની અટકાયત કરવામાં આવી હતી.

મંત્રાલયે જણાવ્યું હતું કે, સરહદ પાર આતંકવાદ પ્રત્યે ‘શૂન્ય-સહિષ્ણુતા’ નીતિ અનુસાર, શહજાદ ભટ્ટી નેટવર્કના સંબંધમાં 80 થી વધુ FIR નોંધવામાં આવી છે અને 200 થી વધુ ધરપકડ કરવામાં આવી છે. પ્રેસ રિલીઝમાં જણાવાયું છે કે શહજાદ ભટ્ટી નેટવર્ક (SBN) એ પાકિસ્તાનમાં કાર્યરત ISI-સમર્થિત આતંકવાદી સિન્ડિકેટ છે, જે ગ્રેનેડ, IED અને પેટ્રોલ બોમ્બ હુમલાઓ તેમજ સમગ્ર ભારતમાં લક્ષિત હત્યાઓ સાથે જોડાયેલું છે. તેમાં વધુમાં જણાવ્યું છે કે આતંકવાદી જૂથ પોલીસ, સંરક્ષણ અને ધાર્મિક સ્થળોની જાસૂસી કરવા અને દેખરેખ હેતુ માટે CCTV કેમેરા ઇન્સ્ટોલ કરવા માટે સ્થાનિક લોકોને પૈસા ચૂકવી રહ્યું હતું.

Modi govt destroyed the ISI-backed terror group Shahzad Bhatti Network ahead of Independence Day and thwarted its plans for subversive attacks by arresting more than 200 operatives.

Indian security forces ripped apart the network by launching coordinated operations across…

— Amit Shah (@AmitShah) August 17, 2026

SBN એ ISI-સમર્થિત આતંકવાદી સિન્ડિકેટ છે

તેમાં ઉલ્લેખ છે કે 12 ઓગસ્ટના રોજ, SBN દ્વારા ઉભા થયેલા જોખમોનો સામનો કરવા માટે રાજ્ય પોલીસ દળોના સહયોગથી – રીઅલ-ટાઇમ ઇન્ટેલિજન્સ-શેરિંગ સિસ્ટમનો ઉપયોગ કરીને – એક સંકલિત ઓપરેશન શરૂ કરવામાં આવ્યું હતું.

ગૃહ મંત્રાલયે જણાવ્યું હતું કે આના કારણે 14 રાજ્યોમાં 253 વ્યક્તિઓની અટકાયત કરવામાં આવી હતી. ઉત્તર પ્રદેશ (62), હરિયાણા (52), દિલ્હી (51), પંજાબ (44), રાજસ્થાન (15), મહારાષ્ટ્ર (8), ઉત્તરાખંડ (5), કર્ણાટક, ગુજરાત અને બિહાર (3-3), અને તેલંગાણા, હિમાચલ પ્રદેશ, J&K, અને કેરળ (2-2) – અને દિલ્હી અને કર્ણાટકમાં નવી FIR નોંધવામાં આવી હતી.

Breaking News : અમિત શાહનો કોંગ્રેસ પર મોટો પ્રહાર! “વોટ બેંક માટે વંદે માતરમ્‌નું અપમાન, દેશની જનતા સોનિયા ગાંધીને માફ નહીં કરે”