Breaking News: દિલ્હીની શાળાને બોમ્બથી ઉડાવી દેવાની મળી ધમકી, બોમ્બ સ્ક્વોડ ઘટનાસ્થળે પહોંચી
પોલીસની એક ટીમ સૂચના પર તરત જ સ્કૂલ પહોંચી ગઈ હતી. દિલ્હી પોલીસે સાવચેતીના પગલા તરીકે સ્કૂલને ખાલી કરાવી દીધી છે. કહેવામાં આવી રહ્યું છે કે શાળાના બાળકોને ઘરે મોકલી દેવામાં આવ્યા છે. સાથે જ બોમ્બ સ્ક્વોડ પણ ઘટનાસ્થળે પહોંચી ગઈ છે.
છેલ્લા ઘણા દિવસોથી દિલ્હીની (Delhi) શાળાઓને એક પછી એક ધમકીઓ મળી રહી છે. હવે ફરી એક શાળાને આવી જ ધમકી મળી છે. આ શાળા દક્ષિણ દિલ્હીના પુષ્પ વિહાર વિસ્તારમાં આવેલી છે. શાળાનું નામ અમૃતા છે. કહેવામાં આવી રહ્યું છે કે આ ધમકી મેનેજમેન્ટને મેઈલ કરવામાં આવી છે. ઈમેલ આજે સવારે 6.35 વાગ્યે આવ્યો હતો.
દિલ્હી પોલીસે સાવચેતીના પગલા તરીકે સ્કૂલને ખાલી કરાવી
સ્કૂલ મેનેજમેન્ટે તરત જ આ અંગે દિલ્હી પોલીસ અધિકારીઓને જાણ કરી હતી. આ પછી પોલીસની એક ટીમ સૂચના પર તરત જ સ્કૂલ પહોંચી ગઈ હતી. દિલ્હી પોલીસે સાવચેતીના પગલા તરીકે સ્કૂલને ખાલી કરાવી દીધી છે. કહેવામાં આવી રહ્યું છે કે શાળાના બાળકોને ઘરે મોકલી દેવામાં આવ્યા છે. સાથે જ બોમ્બ સ્ક્વોડ પણ ઘટનાસ્થળે પહોંચી ગઈ છે. બોમ્બ સ્ક્વોડની એક ટીમ એ જાણવાનો પ્રયાસ કરી રહી છે કે સ્કૂલની અંદર કોઈ વિસ્ફોટક પદાર્થ મૂકવામાં આવ્યો છે કે કેમ.
આ પણ વાંચો: Karnataka: ડીકે શિવકુમાર કે સિદ્ધારમૈયા ? આજે ઊંચકાશે પડદો, કોંગ્રેસ સરકાર રચવા અંગે લેશે નિર્ણય
પોલીસ અધિકારીએ જણાવ્યું કે સ્કૂલ મેનેજમેન્ટને મળેલા મેઈલની પણ તપાસ કરવામાં આવશે. પોલીસ તેનું આઈપી એડ્રેસ પણ ટ્રેસ કરશે. જો કે આ ઘટનાને લઈને શાળામાં ભયનો માહોલ છે. આવી ધમકીઓથી સ્કૂલ મેનેજમેન્ટ ગભરાટમાં છે. પોલીસ અધિકારીઓએ કહ્યું છે કે આ કૃત્ય કોણે કર્યું છે તેને શોધી કાઢવામાં આવશે. પોલીસ પણ મજાકમાં કોઈએ મેઈલ કર્યો નથી તેવી માહિતી એકત્ર કરવામાં વ્યસ્ત છે.
દિલ્હીની શાળાઓને ભૂતકાળમાં પણ મળી છે ધમકીઓ
આ કોઈ નવી વાત નથી, આ પહેલા પણ એપ્રિલમાં દિલ્હી પબ્લિક સ્કૂલમાં બોમ્બની ધમકી મળી હતી. જો કે, જ્યારે પોલીસ ત્યાં પહોંચી ત્યારે કોઈ વિસ્ફોટક સામગ્રી મળી ન હતી. પોલીસ અધિકારીઓએ કહ્યું હતું કે આ એક અફવા છે. ત્યાર બાદ આ વર્ષે 12 એપ્રિલે દિલ્હીની એક સ્કૂલને પણ આવી જ ધમકી આપવામાં આવી હતી. સ્કૂલનું નામ ઈન્ડિયન સ્કૂલ હતું, જે ડિફેન્સ કોલોની પોલીસ સ્ટેશન વિસ્તારમાં છે. આ તમામ ધમકીઓ ઈ-મેલ દ્વારા સ્કૂલ મેનેજમેન્ટને આપવામાં આવી હતી.
