UP Elections: BJP અને સહયોગી નિષાદ પાર્ટીની આજે પ્રથમ રેલી, અમિત શાહ હાજરી આપશે, ‘સરકાર બનાવો, હક મેળવો’નું સૂત્ર આપ્યું
લખનૌમાં આજે યોજાનારી રેલીમાં નિષાદ પાર્ટી (NISHAD Party)ના અધ્યક્ષ સંજય નિષાદની સાથે કેન્દ્રીય ગૃહ પ્રધાન અમિત શાહ, મુખ્ય પ્રધાન યોગી આદિત્યનાથ, નાયબ મુખ્ય પ્રધાન દિનેશ શર્મા, કેશવ પ્રસાદ મૌર્ય અને ભાજપ પ્રદેશ અધ્યક્ષ સ્વતંત્ર દેવ સિંહ મંચ પર હાજર રહેશે.
UP Elections: ઉત્તર પ્રદેશમાં યોજાનારી વિધાનસભાની ચૂંટણી (Assembly elections) પહેલા આજે ફરી એકવાર ભારતીય જનતા પાર્ટીના મોટા ચૂંટણી રણનીતિકાર અને કેન્દ્રીય ગૃહમંત્રી અમિત શાહ (Union Home Minister Amit Shah) યુપીના પ્રવાસે છે. ભારતીય જનતા પાર્ટી (Bharatiya Janata Party)તેની સહયોગી નિષાદ પાર્ટી (Nishad Party)સાથે લખનૌમાં સંયુક્ત રેલી કરવા જઈ રહી છે અને આ રેલીમાં અમિત શાહ પણ ભાગ લેશે. રાજધાની લખનૌના રમાબાઈ આંબેડકર મેદાનમાં યોજાનારી રેલી માટે ભાજપ અને નિષાદ પાર્ટીએ ‘सरकार बनाओ अधिकार पाओ’નો નારો આપ્યો છે.
હાલમાં રાજ્યની ચૂંટણી (Election)ને ધ્યાનમાં રાખીને આ રેલીને ખૂબ મહત્વની માનવામાં આવી રહી છે. કારણ કે રાજ્યમાં નિષાદ (Nishad Party)ની વિશાળ વોટબેંક છે અને ચૂંટણીમાં તે મોટી ભૂમિકા ભજવે છે.
લખનૌમાં આજે યોજાનારી રેલીમાં નિષાદ પાર્ટીના અધ્યક્ષ સંજય નિષાદની સાથે કેન્દ્રીય ગૃહ પ્રધાન અમિત શાહ(Union Home Minister Amit Shah) , મુખ્ય પ્રધાન યોગી આદિત્યનાથ, નાયબ મુખ્ય પ્રધાન દિનેશ શર્મા, કેશવ પ્રસાદ મૌર્ય અને ભાજપ પ્રદેશ અધ્યક્ષ સ્વતંત્ર દેવ સિંહ મંચ પર હાજર રહેશે. રાજ્યમાં આગામી વિધાનસભાની ચૂંટણીને ધ્યાનમાં રાખીને, મોટા પક્ષો નાના પક્ષોને સાથે લઈ રહ્યા છે અને ભાજપે રાજ્યમાં નિષાદ પાર્ટી સાથે ગઠબંધન કર્યું છે. તે જ સમયે, ભાજપ રાજ્યમાં અપના દળ સાથે ગઠબંધનમાં છે અને માનવામાં આવે છે કે બંને પક્ષો સાથે મળીને વિધાનસભા ચૂંટણી લડશે.
115 બેઠકોને અસર થશે
મળતી માહિતી મુજબ, આજે યોજાનારી સંયુક્ત નિષાદ રેલી દ્વારા ભાજપ નિષાદ-માછીમારોના મતદારોને લાવવા માંગે છે, જેઓ રાજ્યની લગભગ ચાર ટકા વસ્તી છે. કારણ કે રાજ્યની લગભગ 115 બેઠકો પર નિષાદ અને માછીમારોનો પ્રભાવ છે અને ઉમેદવારને પોતાની તરફ લાવવા પ્રયાસ કરશે. સંયુક્ત રેલી દ્વારા, ભાજપની નજર ઘણી નાની પાર્ટીઓ પર છે. જેમણે હજુ સુધી કોઈ પક્ષ સાથે જોડાણ કર્યું નથી.
સપાએ મોટા ભાગના નાના પક્ષો સાથે ચૂંટણી ગઠબંધન કર્યું
રાજ્યમાં યોજાનારી વિધાનસભા ચૂંટણી માટે નિષાદ પાર્ટી અને ભાજપે ગઠબંધન કર્યું છે. તે જ સમયે, રાજ્યમાં સૌથી મોટી સંખ્યામાં નાના પક્ષોએ સમાજવાદી પાર્ટીનું નેતૃત્વ સ્વીકાર્યું છે અને ગઠબંધન કર્યું છે. છેલ્લી ચૂંટણીમાં ભાજપના સહયોગી સુભાસપા પણ સમાજવાદી પાર્ટી સાથે ગઠબંધન કર્યું છે.
સિદ્ધાર્થનાથ સિંહ અને સંજય નિષાદે તૈયારીઓનું નિરીક્ષણ કર્યું
આજે યોજાનારી રેલી માટે રાજ્યના MSME મંત્રી સિદ્ધાર્થ નાથ સિંહ ગુરુવારે રમાબાઈ આંબેડકર મેદાન પર પહોંચ્યા હતા અને તૈયારીઓની સમીક્ષા કરી હતી અને જરૂરી સૂચનાઓ આપી હતી. તે જ સમયે તેમની સાથે નિષાદ પાર્ટીના અધ્યક્ષ સંજય નિષાદ અને સાંસદ પ્રવીણ નિષાદ પણ હાજર હતા.
આ પણ વાંચો : Cricket Fights : ટીમ ઈન્ડિયાના ખેલાડીઓ એકબીજા સાથે અથડાયા, મેદાનમાં જ લડાઈ શરૂ થઈ ગઈ !
