Bageshwar Dham: ધીરેન્દ્ર શાસ્ત્રીના દરબારમાં મચી અફરાતફરી, ઘણા ભક્તો બેભાન થઈને પડ્યા

Greater Noida: બુધવારે ગ્રેટર નોઈડામાં બાગેશ્વર ધામ સરકાર ધીરેન્દ્ર કૃષ્ણ શાસ્ત્રીના (Dhirendra Shastri) દરબારમાં અરાજકતાનું વાતાવરણ જોવા મળ્યું હતું. જેમ જ લોકોને ખબર પડી કે પંડિત ધીરેન્દ્ર કૃષ્ણ શાસ્ત્રીનો દરબાર યોજાવા જઈ રહ્યો છે. હજારો લોકો તેમના દર્શને પહોંચ્યા હતા. આ પછી ભીડને કાબૂમાં લેવામાં પોલીસનો પરસેવો છૂટી ગયો હતો.

બીજી તરફ ભારે ભીડને કારણે ગરમી અને ભેજના કારણે લોકોની હાલત કફોડી બની હતી. જેના કારણે લોકોની તબિયત લથડવા લાગી અને ઘણા ભક્તો બેભાન થવા લાગ્યા. આ પછી, પોલીસે આયોજકોને કાર્યક્રમ સમાપ્ત કરવાની જાહેરાત કરી અને ધીરેન્દ્ર કૃષ્ણ શાસ્ત્રીનો કાર્યક્રમ સમાપ્ત કરવો પડ્યો. આયોજકોની બેદરકારીના કારણે અવ્યવસ્થા ઉભી થઈ અને અફરાતફરીનો માહોલ સર્જાયો, ત્યારબાદ તંત્ર હરકતમાં આવ્યું.

આ પણ વાંચો: નાગણનો બદલો: જ્યાં સુધી જીવ ના ગયો ત્યાં સુધી નાગણે જડબામાં પગ પકડી રાખ્યો, તડપી તડપીને આખરે મોત !

બાબાના દરબારમાં ઉભી થઈ અવ્યવસ્થા

હાલના દિવસોમાં દિલ્હી NCRમાં વરસાદ પડી રહ્યો છે અને લોકોને ગરમીથી રાહત મળી છે. આ કારણોસર બુધવારે પણ વરસાદની સંભાવનાને પગલે દરબાર સ્થળે પંખા કે કુલર ચાલતા ન હતા. આ ભારે ભીડ અને ભેજને કારણે પંડાલમાં આવેલા અનેક લોકોની તબિયત લથડી હતી. આયોજકોએ ભીડ માટે એવી વ્યવસ્થા કરી ન હતી, જેની અપેક્ષા હતી. જો કે આયોજકની બેદરકારીના કારણે શ્રદ્ધાળુઓને મોટી હાલાકી ભોગવવી પડી હતી.

જાણો બાબાનો કાર્યક્રમ

ઉલ્લેખનીય છે કે, ગ્રેટર નોઈડામાં બાગેશ્વર ધામના પીઠાધીશ્વર ધીરેન્દ્ર શાસ્ત્રીનો દરબાર 16 જુલાઈ સુધી ચાલશે. 14મી જુલાઈએ ગ્રેટર નોઈડામાં સનાતન ધર્મ સભાનું આયોજન કરવામાં આવશે. એક રિપોર્ટ અનુસાર બાબા બાગેશ્વરની ગાદી સહારનપુરથી દિવ્ય દરબારમાં આવી છે. જ્યારે જમ્મુમાંથી કાર્પેટની માંગણી કરવામાં આવી છે. ધીરેન્દ્ર શાસ્ત્રીના સ્ટેજને સજાવવા માટે વૃંદાવનથી ફૂલો લાવવામાં આવ્યા છે. અગાઉ ગ્રેટર નોઈડામાં બાગેશ્વર બાબાની કથામાં વિવાદ થયો હતો. પંડાલમાં રોકાયેલા ખાનગી સુરક્ષા કર્મચારીઓ પર આરોપ છે કે તેઓએ લોકો પર હુમલો કર્યો.

દેશના તમામ સમાચાર વાંચવા માટે અહીં ક્લિક કરો