અમિત શાહે લાલકૃષ્ણ અડવાણીને પાછળ છોડીને બનાવ્યો નવો એક રેકોર્ડ, જાણો

Amit Shah’s record : અમિત શાહે ભારતના ગૃહમંત્રી તરીકે સૌથી લાંબો કાર્યકાળ પૂર્ણ કરીને એક નવો રેકોર્ડ બનાવ્યો છે. તેમણે 6 વર્ષ અને 65 દિવસ સુધી આ પદ સંભાળ્યું હતું, જે લાલકૃષ્ણ અડવાણીનો અગાઉનો રેકોર્ડ તોડી નાખ્યો હતો.

દેશના વર્તમાન ગૃહમંત્રી અમિત શાહે પોતાના નામે એક નવો રેકોર્ડ બનાવ્યો છે. આ રેકોર્ડ સાથે, તેઓ ભારતના સૌથી લાંબા સમય સુધી ગૃહમંત્રી પદ સંભાળનારા નેતા બન્યા છે. અમિત શાહ 30 મે 2019 થી આજ દિવસ સુધી દેશના ગૃહમંત્રી પદે બિરાજમાન છે. અમિત શાહે કેન્દ્રીય ગૃહપ્રધાન તરીકે 6 વર્ષ અને 65 દિવસનો કાર્યકાળ પૂર્ણ કર્યો છે. આ સાથે, શાહે ભાજપના નેતા લાલકૃષ્ણ અડવાણીના અગાઉના રેકોર્ડને પાછળ છોડી દીધો છે.

અમિત શાહે 30 મે 2019 ના રોજ ગૃહમંત્રી તરીકે કાર્યભાર સંભાળ્યો હતો. ત્યારથી તેઓ આજદીન સુધી ગૃહપ્રધાનના પદ પર છે. NDA ના ત્રીજા કાર્યકાળમાં પણ તેમને ગૃહ વિભાહનો હવાલો સોંપવામાં આવ્યો છે. કાર્યભાર સંભાળ્યા પછી 2,258 દિવસ સુધી આ પદ સંભાળ્યા બાદ, શાહે હવે ભાજપના વરિષ્ઠ નેતા લાલકૃષ્ણ અડવાણીના અગાઉના રેકોર્ડને પાછળ છોડી દીધો છે.

અમિત શાહે આવા દિવસે આ રેકોર્ડ બનાવ્યો છે. બરાબર 6 વર્ષ પહેલા આ જ દિવસે જમ્મુ અને કાશ્મીરમાંથી કલમ 370 દૂર કરવામાં આવી હતી. NDA બેઠક દરમિયાન, વડા પ્રધાન નરેન્દ્ર મોદીએ પણ શાહની આ સિદ્ધિનો ઉલ્લેખ કર્યો હતો અને અમિત શાહની ખૂબ પ્રશંસા કરી હતી.

આ નેતાઓના નામે હતો આ રેકોર્ડ

અમિત શાહના આ રેકોર્ડ પહેલા, કોંગ્રેસના ગોવિંદ વલ્લભ પંત અને ભાજપના લાલકૃષ્ણ અડવાણી સૌથી લાંબા સમય સુધી ગૃહપ્રધાન પદ પર રહ્યા છે. અડવાણી 2256 દિવસ સુધી દેશના ગૃહમંત્રી રહ્યા છે. લાલકૃષ્ણ અડવાણીએ વર્ષ 1998 માં ગૃહમંત્રી પદ સંભાળ્યું હતું અને 22 મે 2004 સુધી આ પદ પર રહ્યા હતા. આ ઉપરાંત, જો આપણે ગોવિંદ વલ્લભ પંતની વાત કરીએ, તો તેમણે આ પદ પર 6 વર્ષ અને 56 દિવસનો કાર્યકાળ પૂર્ણ કર્યો છે. તેઓ 10 જાન્યુઆરી 1955 ના રોજ દેશના ગૃહમંત્રી બન્યા અને 7 માર્ચ 1961 સુધી આ પદ પર રહ્યા.

શાહની રાજકીય સફર કેવી રહી?

આજના સમયમાં, દેશના રાજકારણમાં અમિત શાહનું નામ કોઈ પરિચયની જરૂર નથી. તેમને ભારતીય જનતા પાર્ટીના ચાણક્ય પણ કહેવામાં આવે છે. આ જ કારણ છે કે પાર્ટીએ તેમને વર્ષ 2019 માં ગૃહમંત્રી પદ આપ્યું. આ પહેલા, શાહ ગુજરાતના ગૃહમંત્રી અને ભાજપના રાષ્ટ્રીય અધ્યક્ષ રહી ચૂક્યા છે. શાહે પાર્ટી અધ્યક્ષ રહીને ભારતીય જનતા પાર્ટીને દેશમાં એક અલગ ઓળખ આપી છે.

ગૃહમંત્રી તરીકે શાહનો અત્યાર સુધીનો સૌથી મોટો નિર્ણય જમ્મુ અને કાશ્મીરમાંથી કલમ 370 દૂર કરવાનો છે. તેમણે બરાબર 6 વર્ષ પહેલા જમ્મુ અને કાશ્મીર પુનર્ગઠન બિલ રજૂ કર્યું હતું. આ બિલ પછી જ જમ્મુ અને કાશ્મીરમાંથી કલમ 370 દૂર કરવામાં આવી હતી અને બે કેન્દ્રશાસિત પ્રદેશો બનાવવામાં આવ્યા હતા.

દેશ અને દુનિયાના તમામ સમાચારો વાંચવા માટે અહીં ક્લિક કરો