નારી તું નારાયણીઃ ભયંકર પૂરમાં ફસાયેલા પુરુષને મહિલા ઈન્સ્પેક્ટર ખભા પર લઈ જતી જોવા મળી, લોકોએ કહ્યું અસલી સૂર્યવંશી, જુઓ Video
ભારે વરસાદ વચ્ચે ચેન્નાઈના ટીપી ચતરમ વિસ્તારમાં એક કબ્રસ્તાનમાં બેભાન પડેલા એક વ્યક્તિને બચાવતા પોલીસ ઈન્સ્પેક્ટર રાજેશ્વરીનો વીડિયો વાયરલ થયો છે.
Rajeshwari: તમિલનાડુ (Tamilnadu)ના મોટાભાગના વિસ્તારોમાં ભારે વરસાદ(Heavy Rain)ને કારણે સામાન્ય જનજીવન પ્રભાવિત થયું છે. વરસાદ સંબંધિત ઘટનાઓમાં પાંચ લોકોના મોત થયા છે. દરમિયાન વરસાદને લઈને 20 જિલ્લાઓમાં રેડ એલર્ટ જાહેર કરવામાં આવ્યું છે. આ ખરાબ સમયમાં લોકો એકબીજાની મદદ માટે આગળ આવી રહ્યા છે.
કબ્રસ્તાનમાં બેભાન પડેલો વ્યક્તિ વીડિયોમાં પોલીસ ઈન્સ્પેક્ટર (Police inspector)બેભાન વ્યક્તિને ખભા પર લઈ જતા જોવા મળે છે. આ પછી મહિલા અધિકારી તે વ્યક્તિને રિક્ષામાં બેસાડે છે, જેને તેની સાથે રહેલા લોકો હોસ્પિટલ લઈ જાય છે. સોશિયલ મીડિયા (Social media) પર આ વીડિયો વાયરલ થતાંની સાથે જ પોલીસ ઈન્સ્પેક્ટર રાજેશ્વરીના આ નિઃસ્વાર્થ કાર્યની સર્વત્ર પ્રશંસા થઈ રહી છે.
#Chennai, #TamilNadu: TP Chatram Police Station’s Inspector #Rajeshwari carries an unconscious man, on her shoulders, to an autorickshaw in a bid to rush him to a nearby hospital. pic.twitter.com/85VKFWZu1N
— Sandeep Seth (@sandipseth) November 11, 2021
તમિલનાડુના કેટલાક વિસ્તારોમાં ભારે વરસાદ પડ્યો હતો, જેના કારણે ચેન્નાઈના ઘણા વિસ્તારોમાં પૂર આવ્યું હતું. મીડિયા રિપોર્ટ્સ અનુસાર ટીપી છત્રમ વિસ્તારમાં ભારે વરસાદને કારણે અનેક વૃક્ષો ધરાશાયી થયા છે. આ દરમિયાન ક્રાબિસ્તાનમાં હાજર આ વ્યક્તિ આ ઝાડની ચપેટમાં આવી ગયો. પોલીસને માહિતી મળતા જ પોલીસ ઈન્સ્પેક્ટર રાજેશ્વરી પહોંચ્યા અને લોકોની મદદથી ઝાડ નીચે દટાયેલા વ્યક્તિને બહાર કાઢ્યો.
પોલીસ સૂત્રોએ જણાવ્યું કે યુવક ઉદયકુમાર કબ્રસ્તાનમાં કામ કરતો હતો. આગલી રાત્રે ભારે વરસાદ જોઈને તે કબ્રસ્તાનમાં સૂઈ ગયો. જોરદાર પવનને કારણે અચાનક એક મોટું ઝાડ ધરાશાયી થયું અને ઉદયકુમાર તેની નીચે ફસાઈ ગયા. એક યુવક ઝાડ નીચે ફસાઈ ગયો અને બેભાન થઈ ગયો હોવાની માહિતી મળતા જ મહિલા ઈન્સ્પેક્ટર રાજેશ્વરી ફાયર ફાઈટર સાથે ઘટનાસ્થળે પહોંચી ગઈ હતી. વીડિયો સોશિયલ મીડિયા પર વાયરલ થયો હતો, જેમાં હજારો લોકો ઈન્સ્પેક્ટરને તેના કામ માટે બિરદાવતા હતા.
આ લેડી ઈન્સ્પેક્ટરની બહાદુરી જોઈને સોશિયલ મીડિયા પર એક યુઝરે કહ્યું કે આ જ અસલી સૂર્યવંશી છે. કેટલાકે ઈન્સ્પેક્ટર રાજેશ્વરીના આ કામને માનવતાનું ઉદાહરણ ગણાવ્યું તો કેટલાકે તેને મહિલા સશક્તિકરણ અને સમાનતા ગણાવી. પોલીસ ઈન્સ્પેક્ટર રાજેશ્વરીના આ નિઃસ્વાર્થ કાર્યની સર્વત્ર પ્રશંસા થઈ રહી છે.
હવામાન વિભાગે માહિતી આપી હતી કે માછીમારોને 11 નવેમ્બર સુધી દક્ષિણ આંધ્ર, તમિલનાડુના દરિયાકાંઠા અને શ્રીલંકાના કિનારા તરફ ન જવાની સલાહ આપવામાં આવી છે. IMD દ્વારા કહેવામાં આવ્યું કે 11મી માટે તિરુવલ્લુર, ચેન્નાઈ, કાંચીપુરમ, ચેંગલપટ્ટુ, વિલુપ્પુરમ, તિરુવન્નામલાઈમાં રેડ એલર્ટ જાહેર કરવામાં આવ્યું છે.
આ પણ વાંચો : Taliban Arrested ISIS Members: તાલિબાનનો દાવો, ત્રણ મહિનામાં 600 ISIS આતંકવાદીઓની ધરપકડ બાદ હવે કોઈ મોટો ખતરો નથી