આકાશમાં જોવા મળેલ પ્રકાશિત રેખા ઉલ્કા કે પછી ચીનનું રોકેટ ? જાણો શું છે એસ્ટ્રોનોમરનું અનુમાન
લોકોના જણાવ્યા અનુસાર આકાશમાં રાત્રે પ્રકાશની એક રેખા જોવા મળી હતી. નાગપુરના સ્કાયવોચ ગ્રૂપના પ્રમુખ સુરેશ ચોપડેએ જણાવ્યું કે સાંજે ઘણા લોકોએ એક દુર્લભ ઘટના જોઈ અને તેના વીડિયો અને તસવીરો શેર કરી.
ગુજરાત સહીત દેશના વિભિન્ન રાજ્યના ઘણા જિલ્લાઓમાં ગત રાત્રે આકાશમાં જોવા મળેલી એક પ્રકાશની રેખાના સંદર્ભમાં લોકોએ આ અસામાન્ય ઘટનાને પોતાના ફોનના કેમેરામાં કેદ કરી લીધી હતી. આ વીડિયો હાલ સોશિયલ મીડિયા (Social Media) પર જોરદાર વાયરલ (Viral Video) થઈ રહ્યો છે. વીડિયો જોઈને લાગે છે કે ત્યાં ઉલ્કાવર્ષા (Meteor Shower) થઈ રહી છે. આ પ્રકાશને લઈને અલગ-અલગ અટકળો લગાવવામાં આવી રહી છે. લોકોએ જણાવ્યું કે ત્રણ-ચાર પ્રકાશની લાઈન તેજ ગતિથી જોવા મળી હતી. ખગોળશાસ્ત્રી જોનાથન મેકડોવેલે અનુમાન લગાવ્યું છે કે મહારાષ્ટ્રમાં જોવા મળેલી અવકાશી ઘટના વાસ્તવમાં ‘ચીની રોકેટ સ્ટેજની રીએન્ટ્રી’ છે, જે ફેબ્રુઆરી 2021માં લોન્ચ કરવામાં આવી હતી.
લોકોના જણાવ્યા અનુસાર આકાશમાં રાત્રે પ્રકાશની એક રેખા જોવા મળી હતી. નાગપુરના સ્કાયવોચ ગ્રૂપના પ્રમુખ સુરેશ ચોપડેએ જણાવ્યું કે સાંજે ઘણા લોકોએ એક દુર્લભ ઘટના જોઈ અને તેના વીડિયો અને તસવીરો શેર કરી. ચોપડેએ કહ્યું કે તેઓ છેલ્લા 25 વર્ષથી અવકાશ સંબંધિત ઘટનાઓનું નિરીક્ષણ કરી રહ્યા છે અને એવું લાગે છે કે આ ઘટના કોઈ સેટેલાઇટ સાથે સંબંધિત હતી.
#WATCH | Maharashtra: In what appears to be a meteor shower was witnessed over the skies of Nagpur & several other parts of the state. pic.twitter.com/kPUfL9P18R
— ANI (@ANI) April 2, 2022
ખગોળશાસ્ત્રીનો અભિપ્રાય શું છે?
તેમણે કહ્યું કે એવું લાગે છે કે કોઈ દેશનો ઉપગ્રહ ભૂલથી પડી ગયો હશે અથવા જાણીજોઈને પડ્યો હશે. તે ઉલ્કાવર્ષા કે આગના ગોળા જેવું લાગતું નથી. તેણે કહ્યું કે તે ઉલ્કાપિંડનો ભાગ હોઈ શકે છે પરંતુ રંગો દર્શાવે છે કે પૃથ્વી તરફ આવતી વખતે કોઈ ધાતુની વસ્તુ તેની સાથે આવી હતી.
તે જ સમયે, જોનાથન મેકડોવેલ, જેઓ સેન્ટર ફોર એસ્ટ્રોફિઝિક્સના ખગોળશાસ્ત્રી છે અને તેમણે એક ટ્વિટમાં અવકાશ પ્રક્ષેપણ પર ટિપ્પણી કરી. તેમણે કહ્યું કે હું માનું છું કે તે ‘ચાઈનીઝ રોકેટ સ્ટેજ’, ચાંગ ઝેંગ 3B સીરીયલ નંબર Y77ના ત્રીજા સ્ટેજની ફરીથી એન્ટ્રી હતી. તે ફેબ્રુઆરી 2021 માં લોન્ચ કરવામાં આવ્યું હતું.
કોઈ નુકસાન થયું નથી
નાગપુરના મનીષ નગરમાં રહેતા શશાંક ગટ્ટેવારે પોતાના મોબાઈલથી આ ઘટનાનો વીડિયો બનાવ્યો હતો. તેણે કહ્યું કે અચાનક આકાશમાં થોડો પ્રકાશ દેખાયો. જ્યાં એક પછી એક અનેક ગોળા આકાશમાંથી પૃથ્વીની દિશામાં આવી રહ્યા હતા. યેવલા તહસીલદાર પ્રમોદ હિલેએ જણાવ્યું હતું કે રાત્રે લગભગ આઠ વાગ્યે આકાશમાં એક ઉલ્કા દેખાઈ હતી. તેણે કહ્યું કે મેં જાતે જોયું છે. તે ચાર ભાગોમાં વહેંચાયેલું હતું. તેનાથી કોઈ નુકસાન થયું નથી અને ડરવા જેવું કંઈ નથી.
આ પણ વાંચો: ટોપ ડેટિંગ એપ્સ : આ 5 એપ પર તમારી પરફેક્ટ પાર્ટનરની શોધ પૂર્ણ થશે
આ પણ વાંચો: Pakistan: પાકિસ્તાનમાં ‘ઈમરાન યુગ’ સમાપ્ત ! અવિશ્વાસ પ્રસ્તાવ પર આજે થશે મતદાન
Latest News Updates
