Weather: મહારાષ્ટ્રના ઘણા વિસ્તારોમાં હીટવેવની સ્થિતિ, IMDએ જાહેર કર્યુ યલો એલર્ટ, લૂ લાગવાથી 14 લોકોના મોત

મહારાષ્ટ્રના ઘણા વિસ્તારોમાં ગરમીનો પારો નવી ઊંચાઈઓને સ્પર્શી રહ્યો છે. હવામાન વિભાગે (IMD) આગામી કેટલાક દિવસો માટે હીટ વેવ એલર્ટ જાહેર કર્યું છે. અનેક શહેરોમાં તાપમાનનો પારો 40 ડિગ્રી સેલ્સિયસને પાર કરી ગયો છે. પૂણેના હવામાન વિભાગે પણ ચેતવણી જાહેર કરી છે કે આગામી થોડા દિવસોમાં તાપમાનમાં મોટો વધારો થવાની સંભાવના છે. ખાસ કરીને વિદર્ભ અને ઉત્તર મહારાષ્ટ્રમાં ઘણા શહેરોમાં તાપમાન 40 ડિગ્રી સેલ્સિયસને વટાવી ગયું છે. કમોસમી વરસાદ બાદ હવે કાળઝાળ ગરમીએ લોકોને હેરાન કરવાનું શરૂ કર્યું છે.

નવી મુંબઈના ખારઘરમાં મહારાષ્ટ્ર ભૂષણ વિતરણ કાર્યક્રમમાં ભારે ગરમીના કારણે 14 લોકોના મોત થયા હતા. હાલમાં રાજ્યના અનેક જિલ્લાઓમાં તાપમાન 40 ડિગ્રી સેલ્સિયસથી ઉપર છે. એપ્રિલની શરૂઆતથી વિદર્ભ ક્ષેત્રના ઘણા શહેરોમાં તાપમાન વધવાનું શરૂ થયું.

આ પણ વાંચો: Maharashtra : પી.યુ.સી KIA ક્યાં’, મુંબઈ પોલીસ દ્વારા શહેરીજ્નોને ટ્રાફિક નિયમ શીખવવા અનોખો પ્રયાસ

ચંદ્રપુરે વિશ્વનું સૌથી ગરમ શહેર હોવાનો વર્લ્ડ રેકોર્ડ બનાવ્યો

વિશ્વનું સૌથી ગરમ શહેર હોવાનો વર્લ્ડ રેકોર્ડ બનાવ્યા બાદ ચંદ્રપુરનું તાપમાન છેલ્લા 6 દિવસથી સતત વધી રહ્યું છે. 12 એપ્રિલે ચંદ્રપુરનું તાપમાન 42.2 ટકા, 13 એપ્રિલે 43.2 ટકા, 14 એપ્રિલે 42.8 ટકા અને 17 એપ્રિલે 43.2 ટકા નોંધાયું હતું.

આગામી 13 દિવસમાં તાપમાન 42થી 47 ડિગ્રી સેલ્સિયસ રહેવાની સંભાવના

ભુસાવલની વાત કરીએ તો 13 એપ્રિલ બાદ સોમવારે પાંચમા દિવસે તાપમાન 43.3 ડિગ્રી સેલ્સિયસ નોંધાયું હતું. દરમિયાન, પશ્ચિમ વિસ્તારમાંથી આવતા ગરમ પવનોને કારણે એપ્રિલના બાકીના 13 દિવસ તાપમાન 42થી 47 ડિગ્રી સેલ્સિયસની રેન્જમાં રહેવાનું છે. નિષ્ણાતોના મતે 29 એપ્રિલે રાજ્યમાં તાપમાન 47 ડિગ્રી સેલ્સિયસ સુધી પહોંચવાની સંભાવના છે.

તાપમાન વધી રહ્યું છે, વીજળીનું બિલ વધવા લાગ્યુ

નંદુરબાર જિલ્લામાં પણ તાપમાન 40 ડિગ્રીને પાર પહોંચી ગયું છે. તાપમાનમાં વધારો થવાના કારણે વિજળીના યુનિટનો વપરાશ પણ વધી રહ્યો છે. જેના કારણે વીજળીનો વપરાશ વધવાની અને સામાન્ય માણસ પાસેથી વધુ વીજ બિલ મળવાની શક્યતા વધી ગઈ છે.

અહીં સ્થિતિ બદલાતી નથી, હજુ પણ કમોસમી વરસાદ, પૂણેમાં યલો એલર્ટ

એક તરફ તાપમાનમાં ઝડપથી વધારો થઈ રહ્યો છે તો બીજી તરફ કમોસમી વરસાદનો કહેર અટકવાનો નથી. આગામી બે દિવસ પૂણે શહેરમાં કમોસમી વરસાદની આગાહી કરવામાં આવી છે એટલે કે આજે અને આવતીકાલે પૂણે જિલ્લામાં વરસાદની સંભાવના છે. પૂણે શહેર સહિત સમગ્ર જિલ્લામાં યલો એલર્ટ જાહેર કરવામાં આવ્યું છે. પૂણે જિલ્લાના તાપમાનની વાત કરીએ તો બપોર બાદ તાપમાનમાં વધારો થશે. હાલમાં તે 40 ડિગ્રી સેલ્સિયસ છે.

આ સિવાય મધ્ય મહારાષ્ટ્ર અને મરાઠવાડામાં વીજળી, ગાજવીજ અને કમોસમી વરસાદ પડશે. આવી સ્થિતિમાં ફરી એકવાર દ્રાક્ષ, કેળા અને સંતરાના બગીચાઓમાં ઉગાડવામાં આવતા ફળો બગડવાની સંભાવના છે. બીજી તરફ ઘઉં, જુવાર, મકાઈ, લીલોતરી-શાકભાજીની ખેતી જે અત્યાર સુધી બાકી હતી તે ફરી બગડી જવાની સંભાવના છે.

મહારાષ્ટ્રમાં લૂ લાગવાથી 14 લોકોના મોત, 7 લોકો હોસ્પિટલમાં દાખલ

મંગળવારે નવી મુંબઈમાં ‘મહારાષ્ટ્ર ભૂષણ’ એવોર્ડ સમારોહમાં હીટસ્ટ્રોકને કારણે મૃત્યુઆંક વધીને 14 થઈ ગયો છે. હજુ પણ સાત દર્દીઓ હોસ્પિટલમાં દાખલ છે. સ્થાનિક સંસ્થાના એક અધિકારીએ આ માહિતી આપી. અધિકારીએ જણાવ્યું કે મૃતકોમાં દસ મહિલાઓ અને ચાર પુરૂષોનો સમાવેશ થાય છે.

દેશ અને દુનિયાના તાજા સમાચાર ગુજરાતીમાં વાંચો tv9gujarati.com પર 

 મહારાષ્ટ્ર સાથે જોડાયેલા તમામ ન્યૂઝ માટે જોડાયેલા રહો…