થેન્ક્યૂ મોદીજી ! ઈદ પર PM મોદીને મુસ્લિમ મહિલાઓ મોકલશે 11 લાખ પોસ્ટ કાર્ડ, જાણો શું છે કારણ ?
મુંબઈ પ્રમુખ આશિષ શેલાર અને લઘુમતી આયોગના અધ્યક્ષ હાજી અરાફાતના માર્ગદર્શન હેઠળ મુસ્લિમ મહિલાઓના છ લાખ પોસ્ટકાર્ડ મુંબઈથી દિલ્હી મોકલવામાં આવ્યા છે. દરેક પોસ્ટ કાર્ડ પર મુસ્લિમ મહિલાઓના નામ પણ લખવામાં આવ્યા છે.
દેશની મુસ્લિમ મહિલાઓએ વડાપ્રધાન મોદીને પોસ્ટકાર્ડ લખ્યુ છે. ધન્યવાદ મોદીજી લખેલા પોસ્ટકાર્ડમાં ટ્રિપલ તલાકનો ઉલ્લેખ કરવામાં આવ્યો છે, જેનાથી તેમને ફાયદો થયો છે. આ પોસ્ટકાર્ડ દ્વારા મુસ્લિમ મહિલાઓએ વડાપ્રધાન મોદીમાં પોતાનો વિશ્વાસ વ્યક્ત કર્યો છે. તેઓ માને છે કે પીએમ મોદીએ ટ્રિપલ તલાક પર બનાવેલા કાયદાએ મુસ્લિમ મહિલાઓને સશક્ત બનાવી અને તેમનું જીવન સુરક્ષિત બનાવ્યું. આમાં કોરોના સમયગાળા દરમિયાન મફત રાશન, સારવાર અને દવાઓનો પણ ઉલ્લેખ કરવામાં આવ્યો છે.
આ મહિલાઓએ લઘુમતી આયોગના અધ્યક્ષ હાજી અરાફાત શેખના ઘરે 5 લાખ પોસ્ટ કાર્ડ મોકલ્યા છે. આ સિવાય 6 લાખ વધુ પોસ્ટ કાર્ડ આવવાના છે. હાજી અરાફાત શેખે કહ્યું કે ઈદના દિવસે 11 લાખ મુસ્લિમ મહિલાઓના પોસ્ટ કાર્ડ વડાપ્રધાન મોદીને મોકલવામાં આવશે.
દરેક પોસ્ટ કાર્ડ પર મુસ્લિમ મહિલાઓનું નામ
મુંબઈ પ્રમુખ આશિષ શેલાર અને લઘુમતી આયોગના અધ્યક્ષ હાજી અરાફાતના માર્ગદર્શન હેઠળ મુસ્લિમ મહિલાઓના છ લાખ પોસ્ટકાર્ડ મુંબઈથી દિલ્હી મોકલવામાં આવ્યા છે. દરેક પોસ્ટ કાર્ડ પર મુસ્લિમ મહિલાઓના નામ અને તેમના મોબાઈલ નંબર પણ લખેલા છે.
મુસ્લિમ મહિલાઓએ પીએમનો માન્યો આભાર
હાજી અરાફાત મુસ્લિમ મહિલાઓનું આ પોસ્ટ કાર્ડ ઈદ પર પીએમ મોદીને મોકલશે. લઘુમતી આયોગના અધ્યક્ષ હાજી અરફત અને મુંબઈ પ્રદેશ અધ્યક્ષ આશિષ શેલારના માર્ગદર્શન હેઠળ મુસ્લિમ મહિલાઓએ છ લાખથી વધુ પોસ્ટકાર્ડ પર વડાપ્રધાન નરેન્દ્ર મોદીને થેન્ક યુ લખ્યું છે.
મુસ્લિમ સમાજની મહિલા પીએમની ચાહક
મુસ્લિમ સમાજ માટે ટ્રિપલ તલાક કાયદો બનાવવા, કોરોના રોગચાળા દરમિયાન રાશન અને તબીબી સહાય પૂરી પાડવા તેમજ દીકરીઓને ભણાવવા સહિતની અનેક વિકાસ યોજનાઓ શરૂ કરવા બદલ વડાપ્રધાન નરેન્દ્ર મોદીના ચાહક બની ગયા છે. આ વાત ભાજપના નેતા અને મહારાષ્ટ્ર રાજ્ય લઘુમતી આયોગના ભૂતપૂર્વ અધ્યક્ષ હાજી અરાફાત શેખે કહી હતી. અરાફાત શેખે વડાપ્રધાનના કામો સંદર્ભે અભિયાન ચલાવ્યું હતું. આ જાગૃતિ અભિયાન અંતર્ગત વિવિધ સમાજના 11 લાખ લોકોએ પોસ્ટકાર્ડ પર પોતાનો સંદેશ લખીને વડાપ્રધાન મોદીનો આભાર માન્યો હતો. મુસ્લિમ સમુદાયની લગભગ 6 લાખ મહિલાઓએ વડાપ્રધાનને પત્ર પણ લખ્યો હતો.
એક મહિનામાં પોસ્ટ કાર્ડ એકત્રિત કરાયા
શેખે જણાવ્યું કે વડાપ્રધાન મોદીનો આભાર માનવા માટે એક મહિનાથી પોસ્ટ કાર્ડ એકત્ર કરવામાં આવી રહ્યા છે. અત્યાર સુધીમાં તેમની પાસે 6 લાખ પોસ્ટકાર્ડ જમા થયા છે, જ્યારે અન્ય સમાજના લોકો પાસેથી પાંચ લાખ પોસ્ટકાર્ડ મળ્યા છે. રિક્ષાચાલકો, ટેક્સી ડ્રાઇવરો, હોકર્સ સાથે અન્ય મજૂરોએ પણ પત્રો મોકલ્યા છે.