Mumbai: છત્રપતિ શિવાજી ઈન્ટરનેશનલ એરપોર્ટ પર NCBનો સપાટો, 24 કરોડ રૂપિયાનું હેરોઈન જપ્ત કર્યુ
થોડા દિવસો પહેલા કસ્ટમની ટીમે દિલ્હીના ઇન્દિરા ગાંધી ઇન્ટરનેશનલ એરપોર્ટ પર 6 કરોડનું હેરોઇન રિકવર કર્યું હતું. તેને કેપ્સ્યુલની અંદર પાવડરના રૂપમાં લાવવામાં આવ્યું હતું. આ કેસમાં યુગાન્ડાના એક નાગરિકની ધરપકડ કરવામાં આવી છે.
NCB મુંબઈએ (NCB Mumbai) છત્રપતિ શિવાજી મહારાજ ઈન્ટરનેશનલ એરપોર્ટ (Airport) પર દક્ષિણ આફ્રિકાના નાગરિક પાસેથી રૂ. 24 કરોડની કિંમતનું 3.980 કિલો હેરોઈન (heroine) જપ્ત કર્યું હતું. આ મામલે વધુ તપાસ ચાલુ છે. તે જ સમયે, થોડા દિવસો પહેલા, કસ્ટમની ટીમે દિલ્હીના ઇન્દિરા ગાંધી ઇન્ટરનેશનલ એરપોર્ટ પર 6 કરોડનું હેરોઇન રિકવર કર્યું હતું. તેને કેપ્સ્યુલની અંદર પાવડરના રૂપમાં લાવવામાં આવ્યું હતું. આ કેસમાં યુગાન્ડાના એક નાગરિકની ધરપકડ કરવામાં આવી છે. આ કેસમાં આરોપ સામે NDPS એક્ટ હેઠળ કાર્યવાહી કરવામાં આવી છે. ધરપકડ કર્યા બાદ કસ્ટમની ટીમે આરોપીનો 9 દિવસ સુધી ટેસ્ટ કરાવ્યો હતો.
Maharashtra | NCB Mumbai seized 3.980 kg of heroin worth Rs.24 crores along with intercepting a South African national at Chhatrapati Shivaji Maharaj International Airport in Mumbai. Further investigation is under progress pic.twitter.com/FqqqI1z4ze
— ANI (@ANI) April 14, 2022
આ પછી તેના પેટમાંથી 99 કેપ્સ્યુલ નીકળી ગયા. યુગાન્ડાના નાગરિક શારજાહ થઈને ભારત જવા નીકળ્યા હતા. ગ્રીન ચેનલ ક્રોસ કરતી વખતે કસ્ટમ્સની ટીમે યુવક અને સામાનની તલાશી લીધી હતી. પરંતુ કંઇ શંકાસ્પદ મળ્યું ન હતું. જ્યારે મેડિકલ ટેસ્ટ કરવામાં આવ્યો ત્યારે જાણવા મળ્યું કે તેના શરીરમાં કોઈ શંકાસ્પદ પદાર્થ છે. આ પછી 9 દિવસ સુધી મેડિકલ ટેસ્ટ કરવામાં આવ્યા અને તેના પેટની અંદર 99 કેપ્સ્યુલ મળી આવ્યા.
આશરે 4 કિલો હિરોઈન જપ્ત
આ કેપ્સ્યુલમાં 921 ગ્રામ સફેદ પાવડર મળી આવ્યો હતો. તપાસમાં જાણવા મળ્યું કે તે સફેદ પાવડર હેરોઈન છે. જે બાદ આ એર પેસેન્જર વિરુદ્ધ NDPS એક્ટ હેઠળ કેસ નોંધવામાં આવ્યો હતો. તેની ધરપકડ કરવામાં આવી છે. હવે વધુ તપાસ હાથ ધરી છે. આરોપીનો ઈતિહાસ પણ કાઢવામાં આવી રહ્યો છે કે તેણે અગાઉ બી દાણચોરી કે અન્ય કોઈ ઘટનાને અંજામ આપ્યો છે.
તે જ સમયે, ડિરેક્ટોરેટ ઓફ રેવન્યુ ઈન્ટેલિજન્સ (DRI) એ અમદાવાદ એરપોર્ટ પર ઝિમ્બાબ્વેની એક મહિલા મુસાફરની ધરપકડ કરીને હેરોઈનની દાણચોરીનો પર્દાફાશ કર્યો છે. આરોપીઓ પાસેથી 42 કરોડ રૂપિયાનું હેરોઈન જપ્ત કરવામાં આવ્યું છે. છેલ્લા બે મહિનામાં ડીઆરઆઈએ 150 કરોડની કિંમતનું 20 કિલોથી વધુ હેરોઈન જપ્ત કર્યું છે. એજન્સી હેરોઈનના દાણચોરો સામે ઝુંબેશ ચલાવીને સતત કાર્યવાહી કરી રહી છે. ખાસ કરીને એરપોર્ટ પર વિદેશી નાગરિકો પર ચાંપતી નજર રાખવામાં આવી રહી છે.
વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો
આ પણ વાંચો: વડાપ્રધાન નરેન્દ્ર મોદી આજે પ્રધાનમંત્રી સંગ્રહાલયનું કરશે ઉદ્ઘાટન, જાણો 271 કરોડમાં બનેલા મ્યૂઝિયમની ખાસિયત
