એકનાથ શિંદે, અજિત પવાર, દેવેન્દ્ર ફડણવીસને લલકાર્યા, છગન ભુજબલ પર થયા ગુસ્સે, મનોજ જરાંગે આપી આ ચેતવણી

મરાઠા આરક્ષણની માંગ કરી રહેલા મનોજ જરાંગે પાટીલે મહારાષ્ટ્ર સરકારને ચેતવણી આપી હતી કે જો 24 ડિસેમ્બર સુધી અનામત આપવામાં નહીં આવે તો સરકાર તેના પછી આંદોલનને રોકી શકશે નહીં. તે દરમિયાન પાટીલે છગન ભુજબળ સહિત મુખ્યમંત્રી એકનાથ શિંદે અને નાયબ મુખ્યમંત્રી દેવેન્દ્ર ફડણવીસ-અજિત પવાર પર પણ નિશાન સાધ્યું હતું.

પાટીલે કહ્યુ કે રાજ્યમાં મરાઠા અને ઓબીસી સમુદાયો વચ્ચે રમખાણો ન થાય તે માટે અમે દિવસ-રાત બેઠકો કરી રહ્યા છીએ. પોલીસ અમારી સામે કાર્યવાહી કરી રહી છે. બીજી તરફ ભુજબળ બે સમુદાયો વચ્ચે તણાવ પેદા કરવાના નિવેદનો આપી રહ્યા છે, પરંતુ તેમના પર કોઈ પગલાં લેવાતા નથી. શું મુખ્યમંત્રી અને નાયબ મુખ્યમંત્રી બંને ભુજબળને સમર્થન આપી રહ્યા છે? શું સરકાર રમખાણો ભડકાવવાનો પ્રયાસ કરી રહી છે?

” હું કોઈપણ ગુનો કરવા તૈયાર છું “

તેમણે વધુમાં કહ્યું કે રાજ્ય સરકાર તેમની સામે ગમે તેટલા કેસ દાખલ કરે, અમે ન તો ડરીએ છીએ અને ન તો રોકાઈશું. મરાઠાઓના કલ્યાણ માટે હું કોઈપણ ગુનો કરવા તૈયાર છું. થાણે આવેલા પાટીલનું ઉષ્માભર્યું સ્વાગત કરવામાં આવ્યું હતું. આ દરમિયાન ટુ-વ્હીલર રેલી કાઢવામાં આવી હતી અને પાટીલ પર પુષ્પવર્ષા કરવામાં આવી હતી. બેઠક દરમિયાન પાટીલ માટે મોટી ખુરશી મંગાવવામાં આવી હતી, તેને હટાવીને તેઓ પ્લાસ્ટિકની ખુરશી પર બેસી ગયા હતા.

ભુજબળે ફિલ્મની વાર્તા લખવી જોઈએ

પાટીલે કહ્યું કે ભુજબલ કહે છે કે તેમને વાચવાનું નથી આવડતું, તેમને મરાઠા આરક્ષણની પ્રેક્ટિસ કરવી પડશે. મેં પ્રેક્ટિસ કરી કે નહીં, લડાઈ કરીને અનામત લીધી છે. મારી પાસે વાચવા વચાવવાનો સમય નથી. પાટીલે સૂચન કર્યું કે ભુજબળે જેલમાં ગયા પછી ફિલ્મની વાર્તા લખવી જોઈએ. પાટીલે સ્પષ્ટ કર્યું કે તેઓ 25 ડિસેમ્બરે તેમની આગળની જવાબદારી સ્પષ્ટ કરશે.

મનોજ જરાંગેએ જણાવ્યું હતું કે મરાઠાઓને ઓબીસી કેટેગરીમાંથી અનામત ન મળે તે માટે ભુજબળ રાજ્યભરમાં જેટલા વધુ કાર્યક્રમો આયોજિત કરશે તેટલો વધુ મરાઠાઓને ફાયદો થશે. મરાઠા સમાજના કેટલાક લોકો જે એક નહોતા હતા તે પણ ભુજબળના કાર્યક્રમોના કારણે એક થઈ ગયા છે.

આ પણ વાંચો: છગન ભુજબળ બનવા માંગે છે મુખ્યમંત્રી, મનોજ જરાંગે પાટીલનો મોટો દાવો

મહારાષ્ટ્રના તમામ સમાચાર વાંચવા માટે અહીં ક્લિક કરો