Maharashtra: ‘ધ કાશ્મીર ફાઈલ્સ’ વિવાદ પર સંજય રાઉતનું નિવેદન, કહ્યુ- એક પાર્ટીનો પ્રચાર કરનારી છે આ ફિલ્મ
સંજય રાઉતે વધુમાં કહ્યું કે, જો કાશ્મીરી પંડિતો પ્રત્યે આટલી જ સહાનુભૂતિ હોય તો ફિલ્મ (Film) દ્વારા મળેલી કરોડો રૂપિયાની કમાણીનો એક ભાગ કાશ્મીરી પંડિતોના ઉત્થાન માટે આપવો જોઈએ, પરંતુ આ કરવામાં આવ્યું ન હતું.
ગોવાની રાજધાની પણજીમાં આયોજિત IFFI કાર્યક્રમમાં ઈઝરાયેલના ફિલ્મ નિર્માતા અને જ્યુરીના વડાએ ‘ધ કાશ્મીર ફાઇલ્સ’ ફિલ્મ વિશે ટીપ્પણી કરી હતી. ત્યારબાદ હવે શિવસેના (ઉદ્ધવ બાળાસાહેબ ઠાકરે) જૂથના પ્રવક્તા સંજય રાઉતે પણ ‘ધ કાશ્મીર ફાઇલ્સ’ને એક પ્રચાર ફિલ્મ ગણાવી છે. મીડિયા સાથે વાતચીત કરતી વખતે તેમણે કહ્યું કે આ ફિલ્મ એક પક્ષની તરફેણમાં અને બીજા પક્ષની વિરુદ્ધમાં પ્રચાર કરતી ફિલ્મ છે. આ ફિલ્મ રિલીઝ થયા બાદ ઘાટીમાં કાશ્મીરી પંડિતો પરના હુમલા ઓછા નથી થયા, પરંતુ વધ્યા છે. સંજય રાઉતે વધુમાં કહ્યું કે, જો કાશ્મીરી પંડિતો પ્રત્યે આટલી જ સહાનુભૂતિ હોય તો ફિલ્મ દ્વારા મળેલી કરોડો રૂપિયાની કમાણીનો એક ભાગ કાશ્મીરી પંડિતોના ઉત્થાન માટે આપવો જોઈએ, પરંતુ આ કરવામાં આવ્યું ન હતું.
ઈઝરાયેલના ફિલ્મ નિર્માતા નદવ લેપિડે તેને અશ્લીલ પ્રચારક ફિલ્મ ગણાવી
તમને જણાવી દઈએ કે આ વર્ષે સૌથી વધુ કમાણી કરનારી ફિલ્મ ‘ધ કાશ્મીર ફાઇલ્સ’ ફરી એકવાર ચર્ચામાં આવી છે. ઈન્ટરનેશનલ ફિલ્મ ફેસ્ટિવલ ઓફ ઈન્ડિયા (IFFI)ના જ્યુરી હેડ નદવ લેપિડે આ ફિલ્મ પર નિવેદન આપીને વિવાદ વધાર્યો છે. ઈઝરાયેલના ફિલ્મ નિર્માતા નદવ લેપિડે તેને અશ્લીલ પ્રચારક ફિલ્મ ગણાવી છે.
અશોક પંડિતે કાશ્મીરી પંડિતોનું અપમાન ગણાવ્યું
ફિલ્મ નિર્માતા અશોક પંડિતે નદવ લેપિડના નિવેદનને કાશ્મીરી પંડિતોનું અપમાન ગણાવ્યું છે. લેપિડ જેવી વ્યક્તિને જ્યુરીના વડા તરીકે નિયુક્ત કરવા બદલ તેમણે માહિતી અને પ્રસારણ મંત્રાલયની ટીકા કરી છે. અભિનેતા અનુપમ ખેરે પણ આ અંગે ટ્વીટ કરીને લેપિડના નિવેદનની ટીકા કરી છે. અનુપમ ખેરે લખ્યું છે કે, ‘જૂઠ્ઠાણું ગમે તેટલું ઊંચું હોય… સત્યની સરખામણીમાં તે હંમેશા નાનું હોય છે.’
‘कश्मीर फ़ाइल्स’ का सच कुछ लोगो के गले में एक काँटे की तरह अटक गया है।वो ना उसे निगल पा रहे है ना उगल! इस सच को झूठा साबित करने के लिए उनकी आत्मा,जो मर चुकी है, बुरी तरह से छटपटा रही है।पर हमारी ये फ़िल्म अब एक आंदोलन है फ़िल्म नहीं।तुच्छ #Toolkit गैंग वाले लाख कोशिश करते रहें।🙏 pic.twitter.com/ysKwCraejt
— Anupam Kher (@AnupamPKher) November 29, 2022
આ ફિલ્મ આવા પ્રતિષ્ઠિત ફિલ્મ ફેસ્ટિવલ માટે લાયક નથી: નદવ લેપિડ
ગોવાની રાજધાની પણજીમાં આયોજિત IFFI કાર્યક્રમમાં ઈઝરાયેલના ફિલ્મ નિર્માતા અને જ્યુરીના વડાએ ‘ધ કાશ્મીર ફાઇલ્સ’ ફિલ્મ વિશે કહ્યું હતું કે, ‘અમે બધા ગુસ્સામાં છીએ. અમને આ ફિલ્મ ‘પ્રોપેગન્ડા પોર્ન ફિલ્મ’ જેવી લાગી. આ ફિલ્મ આવા પ્રતિષ્ઠિત ફિલ્મ ફેસ્ટિવલ માટે લાયક નથી. હું આ મંચ પરથી કહું છું. આ એક મહત્વપૂર્ણ ચર્ચા છે.