Maharashtra Elections : શાયના એનસી, નિલેશ રાણાને એકનાથ શિંદેએ ટિકિટ ફાળવી, બન્ને ભાજપ છોડી શિવસેના શિંદે જૂથમાં જોડાયા
મહારાષ્ટ્ર વિધાનસભાની આગામી ચૂંટણીમાં સત્તાધારી મહાયુતિ ગઠબંધનમાં નવો ટ્રેન્ડ જોવા મળી રહ્યો છે. ભાજપના નેતાઓ ટિકિટ મેળવવા માટે શિવસેના (શિંદે જૂથ) અને NCP (અજિત પવાર જૂથ) જેવા અન્ય સહયોગી પક્ષોમાં જોડાઈ રહ્યા છે. શાઇના એનસી, નિલેશ રાણે જેવા મોટા નેતાઓ પણ આ ટ્રેન્ડનો હિસ્સો બની ગયા છે.
નેતાઓ માટે ચૂંટણી પહેલા પક્ષ બદલવો સામાન્ય બાબત છે, પરંતુ મહારાષ્ટ્રના સત્તાધારી ગઠબંધન મહાયુતિમાં નવો ટ્રેન્ડ જોવા મળી રહ્યો છે. અહીં નેતાઓ ટિકિટ મેળવવા માટે મહાગઠબંધનના અન્ય પક્ષો તરફ વળી રહ્યા છે. આ ખાસ કરીને ભાજપમાં જોવા મળે છે. શાઈના એનસીથી લઈને નિલેશ રાણેએ આમ કર્યું છે. આ બધા મહારાષ્ટ્રમાં ભાજપના મજબૂત નેતા રહ્યા છે, પરંતુ ટિકિટ મેળવવા માટે તેઓ ભાજપના સહયોગી પક્ષનો ભાગ બન્યા હતા.
આ ઉમેદવારો મુખ્ય પ્રધાન એકનાથ શિંદેની આગેવાની હેઠળની શિવસેના અથવા અજિત પવારની આગેવાની હેઠળની રાષ્ટ્રવાદી કોંગ્રેસ પાર્ટી (NCP)માં જોડાયા છે. આ વિકાસને મહાગઠબંધનની આંતરિક વ્યવસ્થા તરીકે જોવામાં આવી રહ્યો છે.
નિલેશ રાણે શિંદેની શિવસેનામાં જોડાયા
પૂર્વ મુખ્યમંત્રી અને કેન્દ્રીય મંત્રી નારાયણ રાણેના પુત્ર ભાજપના નિલેશ રાણે કુડાલ-સાવંતવાડી વિધાનસભા બેઠક પરથી ચૂંટણી લડવા માટે શિંદેની શિવસેનામાં જોડાયા હતા. સીટ કરાર હેઠળ આ સીટ એકનાથ શિંદેના ખાતામાં ગઈ છે. નિલેશ રાણે 2019માં ભાજપમાં જોડાયા હતા. તેમનો સામનો ઉદ્ધવ ઠાકરેની પાર્ટીના વર્તમાન ધારાસભ્ય વૈભવ નાયક સામે થશે.
ફાળવવામાં આવેલી બેઠકો પરથી ચૂંટણી લડવા માટે ભાજપના અન્ય ચાર નેતાઓ NCPમાં જોડાયા છે. સાંગલીના બે બીજેપી નેતાઓ, ભૂતપૂર્વ સાંસદ સંજયકાકા પાટીલ અને જિલ્લા અધ્યક્ષ નિશિકાંત ભોસલે પાટીલ, એનસીપી વડા અજિત પવાર અને રાજ્ય પક્ષના અધ્યક્ષ સુનીલ તટકરેની હાજરીમાં મુંબઈમાં બેઠકમાં ભાગ લીધો હતો. તેમના જોડાયા પછી તરત જ, NCPએ તેમને પાર્ટીના ઉમેદવારો તરીકે જાહેર કર્યા. નિશિકાંત ભોસલેને ઈસ્લામપુર વિધાનસભા બેઠક પરથી અને સંજયકાકાને તાસગાંવથી ટિકિટ મળી છે.
સંજયકાકાનો મુકાબલો શરદ પવારના NCP ઉમેદવાર રોહિત પાટીલ સામે થશે. રોહિત એનસીપી નેતા આરઆર પાટીલનો પુત્ર છે. આ તેમની પ્રથમ ચૂંટણી હશે. જ્યારે, નિશિકાંતનો સામનો એનસીપી (શરદ પવાર જૂથ)ના જયંત પાટીલ સાથે થશે. અજિત પવારના એનસીપીમાં જોડાયા બાદ નિશિકાંતે કહ્યું કે બીજેપી નેતા અને રાજ્યના ડેપ્યુટી સીએમ દેવેન્દ્ર ફડણવીસના નિર્દેશ પર તેમણે ભાજપમાંથી એનસીપીમાં સ્વિચ કરવાનો નિર્ણય કર્યો.
નિશિકાંતે કહ્યું કે મારે ભાજપમાંથી એનસીપીમાં આવવું પડ્યું, કારણ કે ઈસ્લામપુર વિધાનસભા સીટ એનસીપીના ફાળે ગઈ. હું એનસીપીની ટિકિટ પર ઇસ્લામપુર બેઠક પરથી ચૂંટણી જીતીશ. નિશિકાંતે 2019ની વિધાનસભા ચૂંટણીમાં આ સીટ પર અપક્ષ તરીકે ચૂંટણી લડી હતી અને બીજા સ્થાને રહ્યા હતા.
જ્યારે, નાંદેડ જિલ્લા ભાજપના નેતા પ્રતાપરાવ પાટીલ ચિખલીકર પણ લોહા વિધાનસભા મતવિસ્તારમાંથી ચૂંટણી લડવા માટે એનસીપીમાં જોડાયા હતા. નાંદેડના પૂર્વ સાંસદ પ્રતાપરાવ બે વખત લોહાથી ધારાસભ્ય રહી ચૂક્યા છે.
શાઇના એનસી શિંદેની શિવસેનામાં જોડાઈ
ભાજપના પૂર્વ પ્રવક્તા શાઈના એનસી પણ ચૂંટણી લડવા માટે શિંદે જૂથની શિવસેનામાં જોડાઈ ગઈ છે. તેમને મુંબઈની મુંબાદેવી બેઠક પરથી ટિકિટ મળી છે. તેમનો સામનો કોંગ્રેસના ધારાસભ્ય અમીન પટેલ સામે થશે.
#WATCH | Mumbai: Shiv Sena candidate from Mumbadevi Assembly constituency, Shaina NC says, “…I hope Mumbaikars will give the Mahayuti government a chance again so that we can work at the same pace. Ladki Bahini Yojana reached every household and I am confident that all those… https://t.co/TyIS2oS1sG pic.twitter.com/tobt1Q81Sr
— ANI (@ANI) October 29, 2024
જો કે રાજકીય વિશ્લેષકોના મતઅનુસાર, મહાયુતિમાં બેઠક અંગે થયેલ સમજૂતીમાં મજબૂત પકડ ધરાવતી બેઠક અન્ય પક્ષના ફાળે જતા, જે તે પક્ષના ઉમેદવાર ગઠબંધન પક્ષમાંથી ચૂંટણી લડવા માટે મૈત્રીદાવે ગઠબંધન પક્ષમા જોડાઈ રહ્યાં છે. સાયના એનસી અને નિલેશ રાણા બન્ને ભાજપના મજબૂત નેતાઓ ગણાય છે. પરંતુ તેમની પરંપરાગત બેઠક મહાયુતિ ગઠબંધનના અન્ય પક્ષના ફાળે ગઈ હતી. આથી આ બેઠક પર મિત્રપક્ષના ઉમેદવારને ટિકિટ ફાળવવામાં આવી છે.
