Maharashtra: મુંબઈ કોસ્ટલ રોડનું નામ બદલીને છત્રપતિ સંભાજી રાજે રાખવામાં આવશે, CM એકનાથ શિંદેની મોટી જાહેરાત
મુખ્યમંત્રી એકનાથ શિંદેએ થોડા દિવસો પહેલા છત્રપતિ સંભાજીરાજેની જન્મજયંતિ નિમિત્તે મુંબઈની ભાવિ જીવાદોરી ગણાતા કોસ્ટલ રોડ પ્રોજેક્ટનું નામ બદલીને ધરમવીર છત્રપતિ સંભાજી મહારાજ રોડ રાખવા અંગેની માહિતી આપી હતી.
Maharashtra: છત્રપતિ શિવાજી મહારાજના 350માં રાજ્યાભિષેક દિવસ નિમિત્તે આજે (2 જૂન, શુક્રવાર) રાયગઢ કિલ્લા પર એક ભવ્ય કાર્યક્રમનું આયોજન કરવામાં આવ્યું હતું. આ કાર્યક્રમ દરમિયાન મહારાષ્ટ્રના સીએમ એકનાથ શિંદેએ ત્રણ મોટી જાહેરાતો કરી. તેમણે મુંબઈ કોસ્ટલ રોડનું (Mumbai Coastal Road) નામ બદલીને છત્રપતિ સંભાજી રાજે (Chhatrapati Sambhaji Road) પર રાખવાની જાહેરાત કરી.
આ સિવાય પ્રતાપગઢ ઓથોરિટીની લાંબા સમયથી ચાલી રહેલી માંગને મંજૂર કરવામાં આવી હતી અને શિવાજી મહારાજના જીવન સાથે જોડાયેલા પ્રોજેક્ટ માટે 50 કરોડ રૂપિયાના ફંડની જાહેરાત કરવામાં આવી હતી.
મુખ્યમંત્રી એકનાથ શિંદેએ થોડા દિવસો પહેલા છત્રપતિ સંભાજીરાજેની જન્મજયંતિ નિમિત્તે મુંબઈની ભાવિ જીવાદોરી ગણાતા કોસ્ટલ રોડ પ્રોજેક્ટનું નામ બદલીને ધરમવીર છત્રપતિ સંભાજી મહારાજ રોડ રાખવા અંગેની માહિતી આપી હતી. તેની આજે જાહેરાત કરવામાં આવી હતી. મુંબઈની ટ્રાફિક સમસ્યાથી છુટકારો મેળવવા માટે આ પ્રોજેક્ટ ખૂબ જ મહત્વપૂર્ણ માનવામાં આવે છે.
આ પણ વાંચો: Maharashtra: લોન ચુકવવા માટે વ્યક્તિએ પોતાના જ અપહરણનું નાટક રચ્યું, પોલીસે કરી ધરપકડ
શિવાજી મહારાજે આપણને ગુલામીની માનસિકતામાંથી બહાર કાઢ્યા: PM નરેન્દ્ર મોદી
પીએમ નરેન્દ્ર મોદીએ રાયગઢમાં આયોજિત આ ભવ્ય કાર્યક્રમને ઓનલાઈન દ્વારા સંબોધિત કર્યો હતો. પોતાના સંબોધનમાં તેમણે શિવાજી મહારાજના રાજ્યાભિષેક દિવસની શુભેચ્છા પાઠવી હતી. તેમણે કહ્યું કે શિવાજી મહારાજે લોકોને ગુલામીની માનસિકતામાંથી બહાર કાઢ્યા અને અત્યાચાર સામે લડ્યા.
આ કાર્યક્રમમાં મુખ્યમંત્રી એકનાથ શિંદે ઉપરાંત નાયબ મુખ્યમંત્રી દેવેન્દ્ર ફડણવીસ, સાંસદ ઉદયન રાજે ભોસલે, શિવાજી મહારાજના વંશજ MNS પ્રમુખ રાજ ઠાકરે, મંત્રી દીપક કેસરકર, મંત્રી ઉદય સામંત સહિત હજારો કાર્યકરો હાજર રહ્યા હતા.
શિવાજી મહારાજના વંશજ સાંસદ ઉદયનરાજે પાસે મહત્વની જવાબદારી
સીએમ એકનાથ શિંદેએ છત્રપતિ શિવાજી મહારાજના વંશજ સાંસદ ઉદયનરાજેને મહત્વની જવાબદારી સોંપી છે. પ્રતાપગઢ ઓથોરિટીની મંજૂરીની જાહેરાત કરીને તેમણે ઉદયન રાજેને તેના અધ્યક્ષ તરીકે નિયુક્ત કર્યા છે.
શિવાજી મહારાજના જીવન પર શિવસૃષ્ટિ પ્રોજેક્ટ માટે 50 કરોડ
શિંદે જૂથના શિવસેનાના ધારાસભ્ય ભરત ગોગાવલે પાચડમાં 45 એકર વિસ્તારમાં શિવાજી મહારાજના જીવનના એપિસોડ્સ પર આધારિત ‘શિવ સૃષ્ટિ’ પ્રોજેક્ટ માટે લાંબા સમયથી ભંડોળની માંગ કરી રહ્યા હતા. તેમની માંગણી આજે સ્વીકારવામાં આવી હતી અને આ પ્રોજેક્ટ માટે રૂ. 50 કરોડનું ફંડ મંજૂર કરવામાં આવ્યું હતું.
આની જાહેરાત કરતા સીએમ એકનાથ શિંદેએ કહ્યું કે જો વધુ ભંડોળની જરૂર પડશે તો તે પણ બહાર પાડવામાં આવશે. તેમણે કહ્યું કે શિવાજી મહારાજની ભવાની તલવાર અને બાગણખાને પરત લાવવા માટે તમામ પ્રયાસ કરવામાં આવશે.
મહારાષ્ટ્રના તમામ સમાચાર વાંચવા માટે અહીં ક્લિક કરો
Latest News Updates
