Maharashtra: BJP ધારાસભ્ય અમિત સાટમે BMC પર લગાવ્યો આરોપ, કહ્યુ- 160 કરોડનું ટનલ લોન્ડ્રી કૌભાંડ થઈ રહ્યું છે

મહારાષ્ટ્ર (Maharashtra) બીજેપી નેતા અને ધારાસભ્ય અમિત સાટમે (Amit Satam) BMC પર ગંભીર આરોપ લગાવ્યા છે. સાટમના કહેવા મુજબ ટનલ લોન્ડ્રીની ટેન્ડર પ્રક્રિયામાં ગોટાળા થઈ રહ્યા છે, જે 160 કરોડની આસપાસ હોઈ શકે છે. સાટમના કહેવા પ્રમાણે, આ પ્રક્રિયામાં BMC અધિકારીઓને પણ લાંચ મળવાની શક્યતા છે. જો સાટમની વાત માનીએ તો તેની પાસે આ અંગેના મજબૂત પુરાવા છે અને જો તપાસ એજન્સી તેને સામે નહીં લાવે તો તે યોગ્ય સમયે પુરાવા સાથે પોલ ખોલશે. સાટમે કહ્યું કે ટેન્ડર પ્રક્રિયા પર પ્રશ્નો ઉભા થઈ રહ્યા છે કારણ કે તેમાં એક શરત છે જે ટેકનિકલ વિશિષ્ટતાઓ સાથે સંબંધિત છે અને મહત્વપૂર્ણ છે.

જો તમે ટેન્ડરને ધ્યાનથી વાંચો છો, તો સ્પષ્ટ થાય છે કે આ શરતો કેટલાક કોન્ટ્રાક્ટરને સામે રાખીને બનાવવામાં આવી છે અને તે મુજબ શરતોમાં ફેરફાર કરવામાં આવ્યો છે. સાટમે વધુમાં કહ્યું કે, ટેન્ડર માટે CVC અને BMCના કેટલાક નિયમો છે, જેમાં સૌથી મોટો નિયમ કંપનીનો અનુભવ છે, પરંતુ આ પ્રક્રિયામાં આવું કંઈ કરવામાં આવ્યું નથી. સાટમે BMC અધિકારીઓ પર પણ કટાક્ષ કર્યો અને કહ્યું કે અધિકારીઓ પણ આ કૌભાંડમાં સામેલ હશે અને તેમને લાંચ આપવામાં આવી હશે.

સાટમે ઉઠાવ્યા અનેક સવાલો

સાટમે સવાલ ઉઠાવ્યો છે કે ટીબીના દર્દીઓની હોસ્પિટલમાં આ ટનલ લોન્ડ્રી કેવી રીતે બની શકે? જ્યારે કપડાંને સૂકવવા માટે ખુલ્લામાં રાખવા પડે છે. શું આનાથી ચેપ નહીં ફેલાય? રાજ્યના આરોગ્ય મંત્રાલયે આ કારણોસર આ પરવાનગીનો ઇનકાર કર્યો હતો. તો પછી અત્યારે લોકોના જીવન અને આરોગ્ય સાથે કેમ રમત રમો છો?

આ સંદર્ભમાં, સાટમે BMC કમિશનરને પત્ર લખીને આ ટેન્ડર પ્રક્રિયાને રદ કરવાની માગ કરી છે અને જેઓ કસૂરવાર અધિકારીઓ છે અથવા આ કૌભાંડમાં સંડોવાયેલા છે તેમની સામે વહેલી તકે કાર્યવાહી થવી જોઈએ તેવી વિનંતી કરી છે.

આ પણ વાંચો :  Maharashtra: ટ્રેનમાં ફિલ્મી ઢબે લૂંટ, મુસાફરોને છરીની અણીએ લૂંટી, મહિલાના દાગીના આંચકી આરોપીઓ થયા ફરાર