મહારાષ્ટ્રના વીજ સંકટનો સામનો કરવા છત્તીસગઢની કોલસાની ખાણ લેવાની ડેપ્યુટી સીએમની જાહેરાત

મહારાષ્ટ્રમાં વીજકાપનો (Power cut) ખતરો તોળાઈ રહ્યો છે. અનેક વિસ્તારોમાં લોકોને કલાકોના લોડશેડિંગનો (Load Shedding) સામનો કરવો પડી રહ્યો છે. વીજ પુરવઠો યોગ્ય રીતે થઈ શકે તે માટે રાજ્ય સરકાર દ્વારા પ્રયાસો કરવામાં આવી રહ્યા છે. આ માટે છત્તીસગઢની કોલસા ખાણને હાથમાં લેવાની તૈયારીઓ ચાલી રહી છે. આ સાથે, લાઇટ ફેલ થવાની સમસ્યાનો સામનો કરવા માટે, મહારાષ્ટ્ર સરકાર અન્ય દેશોમાંથી કોલસો આયાત કરવાની પણ તૈયારી કરી રહી છે. આજે (22 એપ્રિલ, શુક્રવાર) મહારાષ્ટ્રના ડેપ્યુટી સીએમ અજિત પવારે ( Deputy CM Ajit Pawar) પુણેમાં મીડિયા સાથે વાતચીત દરમિયાન આ માહિતી આપી હતી.

બીજી તરફ મહારાષ્ટ્રમાં વધી રહેલા લોડશેડિંગના વિરોધમાં ભાજપ આક્રમક બન્યું છે. વિધાન પરિષદમાં વિપક્ષના નેતા પ્રવિણ દરેકરે રાજ્ય સરકાર પર પ્રહાર કરતા ભાજપે આંદોલનની ચેતવણી આપી છે. તેમણે આજે મીડિયાને જણાવ્યું હતું કે ભાજપ લોડ શેડિંગ સામે રાજ્યવ્યાપી આંદોલન કરવા જઈ રહી છે.

‘છત્તીસગઢની કોલસાની ખાણ હાથમાં લેશે, અન્ય દેશોમાંથી આયાત કરશે’

આ પહેલા અજિત પવારે પણ રાજ્યના પાવર સંકટ વિશે માહિતી આપી હતી કે તેમણે આ સંબંધમાં મુખ્યમંત્રી ઉદ્ધવ ઠાકરે અને ઉર્જા મંત્રી નીતિન રાઉત સાથે ચર્ચા કરી છે. તેમણે કહ્યું, “વીજ પુરવઠો પુનઃસ્થાપિત કરવાના પ્રયાસો ચાલુ છે. દેશભરમાં કોલસાની અછત છે. મહારાષ્ટ્ર સરકાર છત્તીસગઢમાં કોલસાની ખાણ હસ્તગત કરવાની યોજના બનાવી રહી છે. ઉર્જા મંત્રી નીતિન રાઉત આ માટે પ્રયાસોમાં લાગેલા છે. છત્તીસગઢમાં સરકાર કોંગ્રેસની છે. જેના કારણે સોનિયા ગાંધી સાથે ચર્ચા ચાલી રહી છે. આ ઉપરાંત વિદેશથી કોલસાની આયાત પર પણ વિચાર કરવામાં આવી રહ્યો છે.

Web Stories View more

Bank Of Baroda માંથી 50 લાખની હોમ લોન પર EMI કેટલી ચૂકવવી પડશે

ભારતના 5 રાજ્યો જ્યાં તમામ મુસ્લિમોને મળી રહ્યો છે અનામતનો લાભ

ગરમીમાંથી ઘરે પરત ફર્યા પછી ના કરતા આવી ભૂલો, સ્વાસ્થ્ય પર થશે ગંભીર અસર

તમે પણ ઘરે બેઠા ધોનીના ફાર્મથી મંગાવી શકો છો આ વસ્તુ, જુઓ

જામનગર બાદ અહીં થશે અનંત રાધિકાનું બીજું પ્રી વેડિંગ સેલિબ્રેશન, જુઓ તસવીર

Nita Ambani luxury car : સીટ પર લખેલું છે નામ... સૌથી અનોખો રંગ! નીતા અંબાણીની લક્ઝરી કાર છે ખાસ

જ્યારે અજિત પવારને પૂછવામાં આવ્યું કે શું કેન્દ્ર દ્વારા રાજ્યને યોગ્ય રીતે કોલસાની સપ્લાય કરવામાં આવી રહી નથી? શું આની પાછળ કોઈ રાજકારણ છે? અજિત પવારે આ સવાલનો ખૂબ જ સરળ શબ્દોમાં જવાબ આપ્યો. તેમણે કહ્યું, ‘માત્ર મહારાષ્ટ્રમાં જ નહીં, સમગ્ર દેશમાં કોલસાની અછતની સમસ્યા છે. દેશના ઘણા રાજ્યોમાં કેન્દ્ર સરકાર વધતી જતી માંગ સામે કોલસાનો સપ્લાય કરવામાં અસમર્થ છે. વધતી ગરમીના કારણે માંગ વધી છે. હું એવો આક્ષેપ કરવા માંગતો નથી કે કોલસો જરૂર મુજબ ઉપલબ્ધ નથી, પરંતુ એ હકીકત છે કે કોલસાની અછતનું સંકટ છે.

આ પણ વાંચો :  મહારાષ્ટ્ર બોર્ડે શાળાઓને આપી ચેતવણી, કહ્યું- જો આ કામ જલ્દી ન કર્યું તો ગુમાવશો પરીક્ષા કેન્દ્રનો દરજ્જો