મહારાષ્ટ્ર સહિત દેશભરના વીજ કર્મચારીઓ હડતાળ પર, રાજ્ય સરકારે MESM કાયદા અંગે આપી ચેતવણી, જાણો શું છે મહત્વની માંગણીઓ?

મહારાષ્ટ્ર સહિત દેશભરના વીજ કર્મચારીઓ હડતાળ પર, રાજ્ય સરકારે MESM કાયદા અંગે આપી ચેતવણી, જાણો શું છે મહત્વની માંગણીઓ?
Electricity workers Strike(symbolic image )

કર્મચારીઓની માંગ છે કે સરકારી કંપનીઓનું ખાનગીકરણ બંધ કરવામાં આવે. આ કર્મચારીઓ કેન્દ્ર સરકારના ઇલેક્ટ્રિસિટી એમેન્ડમેન્ટ બિલ 2021ના ખાનગીકરણની યોજનાનો વિરોધ કરી રહ્યા છે.

TV9 GUJARATI

| Edited By: Dhinal Chavda

Mar 28, 2022 | 3:19 PM

આજથી મહારાષ્ટ્ર (Maharashtra) સહિત દેશભરના વીજ કર્મચારીઓ હડતાળ પર છે. આ હડતાલ વીજ કંપનીઓના (Electricity workers strike) ખાનગીકરણના વિરોધમાં પાડવામાં આવી છે. વીજ કર્મચારીઓ, અધિકારીઓ, એન્જિનિયરો અને કોન્ટ્રાક્ટ કામદારોના 39 સંગઠનો હડતાળ પર અડગ છે. લગભગ 85 હજાર કર્મચારીઓએ આ હડતાળમાં ભાગ લેવા માટે સંમતિ આપી છે. રાજ્યના મોટા શહેરોમાં વીજ કંપનીઓની ઓફિસો સામે કર્મચારીઓ ધરણા યોજવાના છે. દરમિયાન રાજ્ય સરકારે કર્મચારીઓને હડતાળ પર જવાની મનાઈ ફરમાવી છે. જો તમે હડતાળ પર જશો તો મેસ્મા એક્ટ (Maharashtra Essential Services Maintenance Act- MESMA) હેઠળ કાર્યવાહી કરવાની ચેતવણી આપવામાં આવી છે.

કર્મચારીઓની માંગ છે કે સરકારી કંપનીઓનું ખાનગીકરણ બંધ કરવામાં આવે. આ કર્મચારીઓ કેન્દ્ર સરકારના ઇલેક્ટ્રિસિટી એમેન્ડમેન્ટ બિલ 2021ના ખાનગીકરણની યોજનાનો વિરોધ કરી રહ્યા છે.

વીજકર્મીઓની હડતાળ થઈ, આ છે કર્મચારીઓની માંગ

કર્મચારીઓની માંગ છે કે ત્રણેય વીજ કંપનીમાં 30 હજાર કોન્ટ્રાક્ટ અને આઉટસોર્સ મજૂરોને 60 વર્ષની ઉંમર સુધી નોકરીની સુરક્ષા આપવામાં આવે. મહાનિર્મિતી કંપની દ્વારા સંચાલિત હાઇડ્રોઇલેક્ટ્રિક પાવર સ્ટેશન ખાનગી ઉદ્યોગકારોને સોંપવાની યોજના તાત્કાલિક બંધ કરવી જોઇએ. ત્રણેય કંપનીઓમાં ખાલી પડેલી જગ્યાઓ પર ભરતી અટકાવવા, બદલીનો એકતરફી નિર્ણય, કંપનીઓમાં સિનિયર હોદ્દાઓ પર બિનજરૂરી ભરતી, ટ્રાન્સફર-પોસ્ટિંગમાં રાજકીય દખલગીરી બંધ કરવાની માંગ સાથે અધિકારીઓ, કર્મચારીઓ અને કામદારો હડતાળ પર છે.

એક પછી એક હડતાળથી પ્રજાની હાલત કફોડી થઈ રહી છે

હડતાળના કારણે આજે તમારા ઘરની વીજળી સંબંધિત ફરિયાદોનું નિરાકરણ નહીં આવે. એક તરફ SBI સિવાય રાષ્ટ્રીયકૃત બેંક અને રાષ્ટ્રીય કર્મચારી સંગઠનોના તમામ કર્મચારીઓ હડતાળ પર ઉતરી ગયા છે, દેશભરમાં 5 લાખથી વધુ કર્મચારીઓ હડતાળમાં જોડાયા છે અને આજે બેંકિંગ સિસ્ટમ પણ યોગ્ય રીતે કામ કરી રહી નથી. બીજી તરફ મોડીરાતથી મહારાષ્ટ્ર સહિત દેશભરના વીજ કર્મચારીઓ પણ હડતાળ પર ઉતરી ગયા છે. જો કે રાજ્ય સરકારે મેસ્મા એક્ટ હેઠળ કાર્યવાહી કરવાની ચેતવણી આપી છે. અન્ય એક મહત્વના સમાચાર એ છે કે હવે વીમા ક્ષેત્ર સાથે જોડાયેલા કર્મચારીઓ પણ હડતાળ પર જવાના છે. આ કર્મચારીઓ ખાનગીકરણના વિરોધમાં મુંબઈમાં એલઆઈસી ઓફિસની બહાર આંદોલન પણ કરવાના છે.

આ પણ વાંચો :વૉન્ટેડ ઉદ્યોગપતિ સંજય ગુપ્તા 10 વર્ષથી નાસતો ફરતો હતો, CBIએ મુંબઈ એરપોર્ટ પરથી તેને દબોચી લીધો

આ પણ વાંચો :Russia Ukraine War: હોલિવૂડને છોડીને હવે રશિયામાં દેખાડવામાં આવશે બોલિવૂડની ફિલ્મો, મોટા પડદા પર ચાલ્યો પ્રભાસનો જાદુ

Follow us on

Related Stories

Most Read Stories

Click on your DTH Provider to Add TV9 Gujarati