“અંડરવર્લ્ડ સાથે સંબંધો રાખનાર અમારા વિશે વાતો ન કરે”, નવાબ મલિકના આરોપ પર દેવેન્દ્ર ફડણવીસનો પલટવાર
દેવેન્દ્ર ફડણવીસે કહ્યું કે દિવાળી પહેલા નવાબ મલિક ફુલઝર છોડીને અવાજ કરી રહ્યા છે. હવે બોમ્બ ફૂટશે. હવે હું નવાબ મલિકના અંડરવર્લ્ડ સાથેના સંબંધોના પુરાવા મીડિયાને અને તેમના પક્ષના વડા શરદ પવારને પણ આપીશ.
Maharashtra : NCP નેતા નવાબ મલિકે આજે મહારાષ્ટ્રના પૂર્વ મુખ્યમંત્રી દેવેન્દ્ર ફડણવીસ (Devendra Fadanvis) પર ગંભીર આરોપો લગાવ્યા છે. નવાબ મલિકે પ્રેસ કોન્ફરન્સમાં આરોપ લગાવ્યો કે, મહારાષ્ટ્રમાં દેવેન્દ્ર ફડણવીસના ઈશારે ડ્રગ્સનો ધંધો ચાલી રહ્યો છે. તેમણે કહ્યું કે ફડણવીસ ડ્રગ્સ પેડલર જયદીપ રાણા સાથે નજીકના સંબંધો ધરાવે છે. ઉલ્લેખનીય છે કે, જયદીપ રાણા ડ્રગ્સનો વેપારી છે અને તે હાલ દિલ્હીની જેલમાં બંધ છે.
દેવેન્દ્ર ફડણવીસે નવાબ મલિકના આરોપો પર પલટવાર કર્યો
ઉપરાંત નવાબ મલિકે નીરજ ગુંડે નામના વ્યક્તિને ફડણવીસ સરકારના સચિન વાજે (Sachin Waze) તરીકે ઓળખાવ્યા હતા. તેમણે નીરજ ગુંડેને દેવેન્દ્ર ફડણવીસનો ફ્રન્ટમેન ગણાવ્યો હતો. તેમણે કહ્યું કે રાજ્ય સરકારના તમામ વિભાગોમાં તેમની પહોંચ છે. સચિન વાજે જે કામ કરતો હતો તે જ કામ તે કરતો હતો. તેના થકી સમગ્ર રાજ્યમાં ખંડણીનો ધંધો ચાલતો હતો. દેવેન્દ્ર ફડણવીસ જ્યારે પણ પૂણે કે નવી મુંબઈ જતા ત્યારે તેઓ તેમના ઘરે જઈને તેમને મળતા હતા. ત્યારે હાલ દેવેન્દ્ર ફડણવીસે નવાબ મલિકના આરોપો પર પલટવાર કર્યો છે.
હું નવાબ મલિકના અંડરવર્લ્ડ સાથેના સંબંધોના પુરાવા મીડિયાને આપીશ : દેવેન્દ્ર ફડણવીસ
દેવેન્દ્ર ફડણવીસે કહ્યું કે, દિવાળી પહેલા નવાબ મલિક (Nawab Malik) ફુલઝર છોડીને અવાજ ઉઠાવી રહ્યા છે. તેઓએ સ્પાર્કલર્સ પ્રગટાવ્યા છે, હવે બોમ્બ ફૂટશે. હવે હું નવાબ મલિકના અંડરવર્લ્ડ સાથેના સંબંધોના પુરાવા મીડિયાને અને પક્ષના વડા શરદ પવારને પણ આપીશ. સાથે દેવેન્દ્ર ફડણવીસે નવાબ મલિકના આરોપોને હાસ્યાસ્પદ ગણાવ્યા હતા.
This is a matter relating to the illegal drugs business in Maharashtra. I demand CBI or judicial enquiry in this issue: Maharashtra Minister and NCP leader Nawab Malik
— ANI (@ANI) November 1, 2021
‘મારી પત્નીનો ફોટો બતાવીને તેણે તેની માનસિકતા છતી કરી છે’
દેવેન્દ્ર ફડણવીસે કહ્યું કે, મલિકે આરોપ લગાવ્યો હતો એ ગીત ચાર વર્ષ જૂનું છે. જે વ્યક્તિ જયદીપ રાણા (Jaideep Rana) નવાબ મલિક વિશે વાત કરી રહ્યા છે, તેને ‘રિવર માર્ચ’ નામની સંસ્થાએ રાખ્યો હતો. ગઈકાલે ‘રિવર માર્ચ’ની ક્રિએટિવ ટીમે પણ તેની સ્પષ્ટતા આપી છે. રિવર માર્ચના વડા ચૌગુલેએ સ્પષ્ટતા કરી હતી કે, વ્યક્તિને નોકરી પર રાખવામાં આવ્યો હતો. રિવર માર્ચની ક્રિએટિવ ટીમના દરેક વ્યક્તિએ અમારી સાથે ફોટા માટે પોઝ આપ્યો. તે વ્યક્તિનો ફોટો પણ મારી પાસે છે. નવાબ મલિકે તે ફોટો શેર કર્યો નથી. તેણે મારી પત્ની સાથે પુરુષનો ફોટો શેર કર્યો. આ તેમની માનસિકતા દર્શાવે છે.
