Maharashtra: ભાજપના આ ધારાસભ્ય સહિત 35 અન્યની વિરૂદ્ધ કોરોનાના નિયમોનું ઉલ્લંઘન કરવા બદલ નોંધાયો કેસ
પોલીસે ભાજપ ધારાસભ્ય શ્વેતા મહાલે અને અન્ય 35 મહિલાઓ વિરુદ્ધ આઈપીસીની કલમ 188, 269 અને 270 હેઠળ સ્થાનિક પોલીસ દ્વારા કેસ નોંધ્યો છે. આ સાથે મહામારીના કાયદાની કલમો લગાવવામાં આવી છે.
મહારાષ્ટ્ર (Maharashtra)ના બુલદાના (Buladaana) જિલ્લામાં મહારાષ્ટ્ર પોલીસે (Maharashtra Police) ભાજપના ધારાસભ્ય શ્વેતા મહાલે (BJP MLA Shweta Mahale) અને અન્ય 35 લોકો સામે કોરોનાના નિયમોનું ઉલ્લંઘન કરવાને લઈ કેસ નોંધ્યો છે. આ સાથે જ ગઈ 19મી ફેબ્રુઆરીએ સ્થાનિક સંસ્થા ‘શિવ જયંતિ સમિતિ’ દ્વારા શિવાજી મહારાજના જન્મદિવસે બાઈક રેલીનું આયોજન કરવામાં આવ્યું હતું. જેનું ખાસ આયોજન મહિલાઓ માટે કરવામાં આવ્યું હતું. આ રેલીમાં ભાજપના ધારાસભ્ય શ્વેતા મહાલેની સાથે રાજ્યના અન્ય પાર્ટી કાર્યકર્તાઓ અને મહિલા અધિકારીઓએ પણ ભાગ લીધો હતો. નોંધપાત્ર રીતે કોરોના રોગચાળાને નિયંત્રિત કરવા માટે સરકારે લોકોને તેના પ્રોટોકોલનું પાલન કરવાનું કહ્યું છે, જે અંતર્ગત ભીડથી દૂર રહેવું, માસ્ક પહેરવું અને શારીરિક અંતર રાખવુ મહત્વપૂર્ણ છે.
આ સમગ્ર મામલો બુલદાણા જિલ્લાના ચિકલી શહેરનો છે. સોશિયલ મીડિયા પર વાયરલ થયેલા એક વીડિયોમાં શ્વેતા મહાલે કહેતી જોવા મળી રહી છે, “અમારી બાઈક રેલી શાંતિપૂર્ણ માર્ગ પર હતી. જો પોલીસે અમારી વિરુદ્ધ કેસ નોંધ્યો છે, તે પણ શિવ જયંતિની ઉજવણી માટે તો અમને તેનું ગર્વ છે અને અમે વારંવાર આવું કરતા રહીશું.
ભાજપના ધારાસભ્ય સહિત 35 મહિલાઓ વિરુદ્ધ પોલીસે નોંધી FIR
આ દરમિયાન પોલીસે ભાજપ ધારાસભ્ય શ્વેતા મહાલે અને અન્ય 35 મહિલાઓ વિરુદ્ધ આઈપીસીની કલમ 188, 269 અને 270 હેઠળ સ્થાનિક પોલીસ દ્વારા કેસ નોંધ્યો છે. આ સાથે મહામારીના કાયદાની કલમો લગાવવામાં આવી છે. પોલીસના જણાવ્યા અનુસાર રાજ્યમાં અત્યાર સુધી કોવિડના તમામ નિયમોમાં છૂટ આપવામાં આવી નથી. જિલ્લામાં કલેકટરે હજુ સુધી કલમ 144 હટાવી નથી, આવી સ્થિતિમાં રેલીની પરવાનગી પણ આપવામાં આવી નહતી. એટલા માટે કોવિડના નિયમો તોડવા બદલ કેસ નોંધવામાં આવ્યો છે.
ગયા વર્ષે ભાજપના ધારાસભ્ય મહેશ લાંડગે સહિત 60 લોકો સામે કેસ નોંધવામાં આવ્યો હતો
જણાવી દઈએ કે ગયા વર્ષે મહારાષ્ટ્ર પોલીસે પૂણેમાં એક લગ્ન સમારંભમાં કોવિડ નિયમોનું ઉલ્લંઘન કરવા બદલ ભાજપના ધારાસભ્ય મહેશ લાંડગે સહિત 60 લોકો સામે કેસ નોંધ્યો હતો. આ પહેલા પણ મહારાષ્ટ્રના પૂણે શહેરમાં ભાજપ ધારાસભ્યના લગ્નમાં સલામત સામાજિક અંતરના નિયમોનું ઉલ્લંઘન કરવામાં આવ્યું હતું. આવી સ્થિતિમાં કોરોના રોગચાળા વચ્ચે આ લગ્ન સમારોહમાં ઘણા લોકોએ હાજરી આપી હતી અને ઘણા વરિષ્ઠ નેતાઓ સહિત લોકો માસ્ક વિના જોવા મળ્યા હતા.
આ પણ વાંચો: Maharashtra : મુંબઈમાં KCR ને મળ્યા પછી શરદ પવારે ભાજપ વિરુદ્ધ ગઠબંધન પર બોલવાનું ટાળ્યુ
આ પણ વાંચો: Maharashtra: BMCના ખર્ચનું કરવામાં આવે સ્પેશીયલ CAG ઓડિટ, પૂર્વ મુખ્યમંત્રી દેવેન્દ્ર ફડણવીસે કરી માગ
