Skin Care Tips : મિનિટોમાં ચહેરા પર આવશે ચમક, ટ્રાય કરો આ ફેસ પેક

તમે હળદરથી અનેક પ્રકારના ફેસ પેક બનાવી શકો છો. તેમાં એન્ટીઓકિસડન્ટ ગુણધર્મો હોય છે. તે ખીલ અને હાયપરપીગ્મેન્ટેશન જેવી સમસ્યાઓ માટે પણ ફાયદાકારક છે.

મિનિટોમાં ચહેરા પર આવશે ચમક, ટ્રાય કરો આ ફેસ પેક

TV9 Gujarati | Edited By: Nirupa Duva | Updated on: Aug 13, 2021 | 11:50 AM

Skin Care Tips : સામાન્ય રીતે ભારતીય શાકમાં વપરાતી હળદર (Turmeric) ઓષધીય ગુણોથી ભરપુર છે. તે સૌથી વધુ ઉપયોગમાં લેવાતા મસાલાઓમાંનો એક છે. હળદરના અનેક સ્વાસ્થ્ય લાભ છે. હળદરનો ઉપયોગ ત્વચાની સંભાળ માટે પણ થઈ શકે છે.

તમે હળદર (Turmeric)થી ઘણા પ્રકારના ફેસ પેક બનાવી શકો છો. તે ખીલ અને હાયપરપીગ્મેન્ટેશન જેવી સમસ્યાઓ માટે પણ ફાયદાકારક છે. કરચલીઓ સામે લડવા માટે હળદર ફેસ પેક (Turmeric Face Pack)નો ઉપયોગ કરી શકાય છે. ચાલો હળદરથી ફેસ પેક બનાવવાની રીત જાણીએ.

એવોકાડો અને હળદર ફેસ પેક

આ માટે તમારે 1 એવોકાડો (Avocado), 1 ચમચી દહીં અને ચમચી હળદરની જરૂર પડશે. સૌથી પહેલા એક પાકેલો એવોકાડો ક્રશ કરો અને તેની પેસ્ટ બનાવો. પ્રમાણસર દહીં લો અને તેમાં ટીસ્પૂન હળદર ઉમેરો.

પેસ્ટ તૈયાર ન થાય ત્યાં સુધી હલાવતા રહો.તેને 10 થી 15 મિનિટ સુધી ચેહરા પર લગાવો અને ધોઈ લો.

ચણા નો લોટ અને હળદર ફેસ પેક

ચણા નો લોટ (Gram flour)એક્સ્ફોલિયન્ટ તરીકે કામ કરે છે. લીંબુ વધારે તેલને નિયંત્રિત કરવામાં મદદ કરે છે. ખીલ ઘટાડવામાં મદદ કરે છે. આ માટે તમારે લીંબુનો રસ, હળદર, ચણાનો લોટ અને પાણી/દૂધની જરૂર પડશે.

જ્યાં સુધી તમને પેસ્ટ ન મળે ત્યાં સુધી આ તમામ સામગ્રી મિક્સ કરો. તેને લગભગ 15 મિનિટ સુધી ચેહરા રહેવા દો. તે પછી ધોઈ નાંખો.

મધ અને હળદર ફેસ પેક

મધ તમારી ત્વચાને મોઇશ્ચરાઇઝ (Moisturize)રાખવામાં મદદ કરે છે. આ માટે તમારે 1 ચમચી મધ,1 ચમચી હળદર અને 2 ચમચી દહીંની જરૂર પડશે. જ્યાં સુધી તમને પેસ્ટ ન મળે ત્યાં સુધી તમામ સામગ્રીને મિક્સ કરો. તેને 15 થી 20 મિનિટ સુધી ચેહરા પર રહેવા દો અને પછી ધોઈ નાંખો.

એલોવેરા જેલ અને હળદર ફેસ પેક

એલોવેરા (Aloe vera)માં એન્ટી બેક્ટેરિયલ ગુણ હોય છે. તે ત્વચાની સમસ્યાઓ જેવી કે ખીલને રોકવામાં મદદ કરે છે. આ ફેસ પેક બનાવવા માટે તમારે 1 ચમચી એલોવેરા જેલ, 1 ચમચી મધ અને ચમચી હળદરની જરૂર પડશે.

તમામ સામગ્રીને મિક્સ કરો. તેને ચહેરા પર લગાવો. સુકાઈ ગયા બાદ હુંફાળા પાણીથી ધોઈ નાંખો.

નાળિયેરનું દૂધ અને હળદરનો ફેસ પેક

સામગ્રીમાં રહેલા ગુણ ત્વચાને પોષણ આપે છે. આ માટે, 1 ચમચી કાકડીનો રસ અને 1/2 ચમચી નારિયેળ (Coconut)નું દૂધ 2 ચમચી ચણાના લોટમાં મિક્સ કરો. જ્યાં સુધી તમને પેસ્ટ ન મળે ત્યાં સુધી તમામ સામગ્રીને મિક્સ કરો. તેને લગભગ 15 મિનિટ સુધી ચેહરા પર લગાવો.