Skin Care Tips : સ્કીન પર હળદરનો ઉપયોગ કર્યા બાદ, આ 5 ભુલ ક્યારે પણ ન કરો

Skin Care Tips : હળદરનો ઉપયોગ સદીઓથી બ્યુટી પ્રોડક્ટ (Beauty Product) તરીકે કરવામાં આવે છે. લગ્ન સમયે પણ, હળદરની પેસ્ટનો ઉપયોગ વર અને કન્યાની ત્વચાનો નિખાર વધારવા માટે કરવામાં આવે છે. હકીકતમાં, હળદર (Turmeric)માં ઘણા એન્ટીઓકિસડન્ટ અને બળતરા વિરોધી ઘટકો હોય છે, જેના કારણે તે ત્વચા માટે ખૂબ જ સારી માનવામાં આવે છે.

ચણાનો લોટ, ચોખાનો લોટ વગેરે સાથે મિક્ષ હળદરનો ઉપયોગ ત્વચા પર કરવામાં આવે છે. તે વધુ સારી રીતે ક્લીંઝર તરીકે કામ કરે છે, સાથે સાથે ખીલ, સનબર્ન જેવી સમસ્યાઓને દૂર કરવાની ક્ષમતા ધરાવે છે. હળદરનો ઉપયોગ એક્સફોલિએટર તરીકે પણ થાય છે.

જો તમે પણ ત્વચા (Skin)ની તમામ સમસ્યાઓથી બચવા માટે હળદરનો ઉપયોગ કરો છો, તો તેને લગાવ્યા બાદ તમે ક્યારેય 5 ભૂલો ન કરો. નહિંતર તમારી બધી મહેનત પાણીમાં જશે.

1. હળદરનો ઉપયોગ કરતી વખતે, તેમાં કોઈ બિનજરૂરી વસ્તુ ઉમેરવાની ભૂલ ન કરો. વાસ્તવમાં હળદરમાં કર્ક્યુમિન હોય છે, જે બિનજરૂરી વસ્તુઓ સાથે ભળી જાય ત્યારે ત્વચા પર રિએક્શન આપે છે. સામાન્ય રીતે હળદરનો ઉપયોગ ગુલાબજળ (Rose water), દૂધ, દહીં, પાણી સાથે કરવામાં આવે છે.

2. હળદરનો પેક 20 મિનિટથી વધુ સમય સુધી ચહેરા પર ન લગાવવો જોઈએ કારણ કે હળદર તેનો રંગ છોડી દે છે. જો તમે તેને લાંબા સમય સુધી રાખો છો, તો તેની પીળાપણું તમારી ત્વચા પર પણ દેખાવા લાગશે.

3. જો તમે હળદરનો પેક બનાવ્યો હોય અને તેનો ઉપયોગ ચહેરા પર કર્યો હોય તો મોઢું સાબુથી ન ધોવું. ત્વચા પર આ પેકની અસર 24 થી 48 કલાક પછી જોવા મળે છે. આવી સ્થિતિમાં, આ સમયગાળા દરમિયાન સાબુ અથવા ફેસ વોશનો ઉપયોગ કરવાનું ટાળો. તો જ તેની ચમક તમારી ત્વચા પર સારી રીતે દેખાશે. ચહેરાને બધી બાજુથી સારી રીતે સાફ કર્યા બાદ મોઇશ્ચરાઇઝર લગાવો.

4. હળદરનો પેક ધોયા બાદ તડકાના સંપર્કમાં આવવાનું ટાળો. હળદરનો ઉપયોગ કર્યા પછી ઘણી વખત, સૂર્ય પ્રકાશના સંપર્કમાં આવવાથી, ત્વચા કાળી દેખાવા લાગે છે. જો તમે આ ભૂલ કરો છો તો તમારી બધી મહેનત બરબાદ થઈ શકે છે.

5. જ્યારે પણ તમે ચહેરા પર હળદરનો પેક લગાવો ત્યારે તેને ગરદન અને ગરદનથી આખા ચહેરા પર લગાવો અને સરખી રીતે લગાવો. ધ્યાન રાખો કે કોઈ ભાગ બાકી ન રહે. જે જગ્યાએ હળદર લગાવવામાં આવી નથી, તે જગ્યા સંપૂર્ણપણે અલગ દેખાશે. તેથી, ચહેરા પર હળદરનું માત્ર પાતળું પડ લગાવો અને તેને સરખી રીતે લગાવો.

(નોંઘ: આ લેખમાં આપેલા મુદ્દાઓ પ્રાથમિક માહિતીઓને આધારે તૈયાર કરવામાં આવ્યા છે. આરોગ્યને લાગતાં કોઈ પણ પ્રયોગ કે નિર્ણય લેતા પહેલા અનુભવી તબીબ અથવા જે તે વિષયના નિષ્ણાંતની સલાહ લેવી હિતાવહ છે.)

આ પણ વાંચો : Shahid afridiએ અફઘાનિસ્તાનમાં તાલિબાન વિશે શું કહ્યું ? સાંભળીને રાશિદ ખાન થશે ગુસ્સે ! VIDEO