ઉનાળાની ઋતુમાં તડકા અને ભેજને કારણે આપણે વધુ પાણી પીવાનું કે અન્ય આરોગ્યપ્રદ પીણાં (Healthy Diet) લેવાનું વલણ રાખીએ છીએ. આ દરમિયાન ઠંડા અને સ્વાદિષ્ટ શેક અને સ્મૂધીનું સેવન પણ કરવામાં આવે છે. આવી સ્થિતિમાં, તમે ઘરે બનાવેલી સ્મૂધીનું (smoothie) સેવન પણ કરી શકો છો જે તમને વજન ઘટાડવામાં મદદ કરી શકે છે. તમે ફળો અને શાકભાજીનો ઉપયોગ કરીને વિવિધ પ્રકારની સ્મૂધી બનાવી શકો છો. જે તમને ઊર્જાવાન અને સ્વસ્થ રાખવામાં મદદ કરશે. તેઓ ખૂબ જ સ્વાદિષ્ટ હોય છે. જે નાસ્તા માટે પણ સારો વિકલ્પ છે. આ પીણાં વજન ઘટાડવામાં (Weight Loss Tips ) અને ત્વચાને સ્વસ્થ રાખવામાં મદદ કરે છે. આવો જાણીએ ઘરે આ સ્મૂધી કેવી રીતે બનાવવી.
આ સ્મૂધી બનાવવા માટે તમારે 1 કપ સમારેલ પપૈયું, 1 ચમચી અળસીના દાણા, જરૂર મુજબ પાણી અને થોડા બરફના ટુકડાની જરૂર પડશે. સૌ પ્રથમ એક મિક્સર જાર લો. તેમાં પપૈયું, બરફ, અળસીના બીજ અને થોડું પાણી ઉમેરો. તેને બ્લેન્ડ કરો. પછી તેનું સેવન કરો.
આના માટે 1/2 કપ છીણેલી દુધી, 1/2 કપ સમારેલી કાકડી, 1/4 કપ ઠંડુ પાણી, 1 ટેબલસ્પૂન લીંબુનો રસ અને એક ચપટી સિંધવ મીઠાની જરૂર પડશે. એક બ્લેન્ડરમાં છીણેલી દુધી અને સમારેલી કાકડી નાખો. તેને બ્લેન્ડ કરો. તેમાં ઠંડુ પાણી અને લીંબુનો રસ ઉમેરીને બરાબર મિક્સ કરી લો. એક ગ્લાસમાં આ સ્મૂધી રેડો. તેમાં એક ચપટી સિંધવ મીઠું ઉમેરો અને પીતા પહેલા બરાબર મિક્સ કરો.
તેના માટે તમારે 1/2 સફરજન, 1 નારંગી, 1 ગાજર, 1/4 કાકડી, 1 ઇંચ જેટલો આદુનો ટુકડો, 1/4 લીંબુ અને પાણીની જરૂર પડશે. જ્યુસર જાર લો. તેમાં ફળ નાખો. બધો જ રસ કાઢી લો. આ રસને પાતળો કરવા માટે તમે પાણી પણ ઉમેરી શકો છો. તેનું સેવન કરો.
આ માટે તમારે 1 સમારેલુ આંબળુ, સમારેલુ 1/2 બીટ અને 1 સમારેલા ગાજરની જરૂર પડશે. એક બ્લેન્ડર જારમાં બધી સામગ્રી મૂકો. તેને બ્લેન્ડ કરો. ત્યાર બાદ તેને ગાળી લો. તાજી સ્મૂધી આરોગો.
સફરજન શરીરને ઉર્જાવાન રાખવામાં મદદ કરે છે. તમે દિવસની શરૂઆત એપલ સ્મૂધીથી કરી શકો છો. આ માટે બ્લેન્ડરમાં પાણી સાથે સમારેલા સફરજન, તજ અને ચિયા સીડ્સ નાખો. તેને બ્લેન્ડ કરો. ત્યાર બાદ તેનું સેવન કરો.
(આ લેખમાં આપવામાં આવેલી માહિતી સામાન્ય ધારણાઓ પર આધારિત છે. TV9 ગુજરાતી આની પુષ્ટિ કરતું નથી. નિષ્ણાતની સલાહ લીધા પછી જ આને અનુસરો.)
આ પણ વાંચો-
આ પણ વાંચો-