ત્વચાની આ સમસ્યાઓ માટે ક્યાંય જવાની જરૂર નથી, તમારા ઘરે જ છે મધ નામની ઔષધી, જાણો ફાયદા

મધ ત્વચા માટે ખૂબ ફાયદાકારક હોય છે. તેમાં એન્ટી ઓક્સીડેન્ટ, એન્ટિ બેક્ટેરિયલ અને એન્ટિસેપ્ટિક ગુણધર્મો છે. જે વ્હાઇટ હેડ્સ (white heads)ને દૂર કરવામાં મદદ કરે છે. ચાલો આપણે જાણીએ કે આપણે મધનો ઉપયોગ કેવી રીતે કરી શકીએ.

કોઈપણ પ્રકારના ડાઘ ચહેરાની સુંદરતા બગાડવાનું કામ કરે છે. ઘણા લોકોને બ્લેક હેડ અને વ્હાઇટ હેડની સમસ્યા હોય છે. વ્હાઇટ હેડ એ સફેદ રંગના નિશાન છે જે તેલયુક્ત ત્વચા પર થાય છે. આ ખીલનો એક પ્રકાર છે જે ત્વચાના છિદ્રોમાં ગંદકીના સંચયને કારણે થાય છે. આ સમસ્યાથી છૂટકારો મેળવવા માટે તમે ઘરેલું ઉપાય અપનાવી શકો છો. મધ એક અસરકારક ઉપાય છે જેનો ઉપયોગ વ્હાઇટહેડ્સથી છુટકારો મેળવવા માટે થઈ શકે છે.

મધમાં એન્ટી માઇક્રોબાયલ, એન્ટી ઓક્સીડેન્ટ ગુણ હોય છે. જે વ્હાઇટ હેડની સમસ્યા મટાડવામાં મદદ કરે છે. આજે અમે તમને ચહેરાના માસ્ક બનાવવાના ઘરેલું ઉપાયો વિશે જણાવી રહ્યા છીએ, જેના ઉપયોગથી તમે વ્હાઇટહેડ્સથી છૂટકારો મેળવી શકો છો.

મધ, લીંબુ અને ખાંડ

ખાંડ આપણી ત્વચામાં સ્ક્રબની જેમ કામ કરે છે. તે ત્વચા પર નેચરલ ક્લીંઝરની જેમ કામ કરે છે. લીંબુમાં એન્ટિ-માઇક્રોબાયલ ગુણ હોય છે જે વ્હાઇટહેડ્સની સમસ્યા દૂર કરવામાં મદદ કરે છે. મધ ત્વચાને મોઇશ્ચરાઇઝ કરે છે.

કેવી રીતે બનાવવું?

એક બાઉલમાં એક ચમચી ખાંડ અને એક ચમચી મધ મિક્સ કરો. તેના ઉપર લીંબુનો રસ મિક્સ કરી અસરગ્રસ્ત એરિયા પર લગાવો. તેને લગભગ 10 મિનિટ માટે છોડી દો. તે પછી ચહેરો પાણીથી ધોઈ લો.

ઓટમીલ અને હની

ઓટમીલમાં એક્સ્ફોલિએટિંગ ગુણધર્મો છે. તેમાં હાજર મધ ત્વચાને મોઇશ્ચરાઇઝ કરવાનું કામ કરે છે. આ બંને વસ્તુઓને મિક્સ કરીને પેસ્ટ બનાવો. આ પેસ્ટને અસરગ્રસ્ત વિસ્તારમાં લગાવો અને થોડા સમય પછી પાણીથી ધોઈ લો.

હળદર

હળદર ત્વચાની સમસ્યાઓ દૂર કરવા માટે એક કારગર ઈલાજ છે. તે ત્વચાના મૃત કોષોને દૂર કરે છે અને ખીલના બેક્ટેરિયાને રોકવામાં મદદ કરે છે.

કેવી રીતે બનાવવું?

અડધી ચમચી મધ એક ચમચી હળદરના પાવડર સાથે મિક્સ કરો. આ બે વસ્તુને મિક્સ કરીને ઘટ્ટ પેસ્ટ બનાવો. આ પેસ્ટને ચહેરા પર લગાવો અને તેને 10 થી 15 મિનિટ માટે રહેવા દો અને પછી તેને હળવા પાણીથી ધોઈ લો.

એગ વ્હાઇટ અને હની

ઇંડા માત્ર સ્વાસ્થ્ય માટે જ નહીં ત્વચા માટે પણ ખૂબ ફાયદાકારક છે. ઇંડાના સફેદ ભાગને મધમાં ભેળવીને પેસ્ટ બનાવો. આ પેસ્ટને 10 થી 15 મિનિટ સુધી રાખો અને પછી તેને પાણીથી ધોઈ લો.

આ પણ વાંચો: Women Health: PCOD બીમારી શું છે? જાણો તેના લક્ષણો, કારણો અને સારવાર