Hair Care : માત્ર 30 જ દિવસમાં લાંબા અને જાડા વાળ મેળવવા કરો આ ટિપ્સને ફોલો

વાળને (Hair )લાંબા રાખો, પરંતુ તેની વચ્ચે તેને ટ્રિમ કરવા પણ જરૂરી છે. આમ કરવાથી વાળ ઘટ્ટ થાય છે. મૂળ મજબૂત થાય છે અને વાળનો વિકાસ ઝડપી થાય છે.

Hair Care : માત્ર 30 જ દિવસમાં લાંબા અને જાડા વાળ મેળવવા કરો આ ટિપ્સને ફોલો
Tips for long and thick hair (Symbolic Image )
TV9 GUJARATI

| Edited By: Parul Mahadik

Aug 02, 2022 | 6:12 PM

લાંબા(long ) કાળા વાળ સુંદરતા વધારવા અને વ્યક્તિત્વને (Personality )વધુ સારી રીતે બતાવવાનું કામ કરે છે. તેથી જ, બધી છોકરીઓ લાંબા, ઘાટા અને જાડા વાળ (Hair ) ઇચ્છે છે. તે જ સમયે, મોડેલિંગ જેવા વ્યવસાયમાં, એવી સ્ત્રીઓની જરૂર છે જેમના વાળ લાંબા, મજબૂત અને ચમકદાર હોય. પરંતુ ઘણી વખત પ્રયાસ કર્યા પછી પણ ઘણા લોકોના વાળનો વિકાસ ખૂબ જ ધીમો હોય છે અને તેમના વાળ ઝડપથી વધતા નથી.

લાંબા અને જાડા વાળ મેળવવું ખુબ મુશ્કેલ છે. આજકાલ લોકો જે રીતે પ્રદૂષણ, ખરાબ જીવનશૈલી અપનાવી રહ્યા છે, જેના કારણે વાળ વધતા નથી, પરંતુ સમય પહેલા ખરી જાય છે, તે સફેદ થવા લાગે છે. ધૂળ, ગંદકી અને વાળની ​​યોગ્ય કાળજી ન લેવાને કારણે ક્યારેક વાળનો વિકાસ અટકી જાય છે. ક્યારેક કેમિકલયુક્ત શેમ્પૂનો ઉપયોગ પણ વાળને નિર્જીવ બનાવી દે છે, જેના કારણે વાળ તૂટવા લાગે છે. એકવાર વાળ તૂટવા લાગે છે, પછી તેઓ ફરીથી ઉગી શકતા નથી.

જો તમે લાંબા વાળના શોખીન છો, તો તમે કેટલાક કુદરતી ઉપાયો વડે એકથી બે મહિનામાં તમારા વાળની ​​વૃદ્ધિ પણ વધારી શકો છો. જો તમે તમારા વાળનો ગ્રોથ એકથી બે મહિનામાં વધારવા માંગો છો, તો જાણી લો તે પદ્ધતિઓ વિશે, જેનાથી વાળની ​​લંબાઈ વધશે.

લાંબા વાળ માટે ઉપાય

1. નારિયેળ તેલ અવશ્ય લગાવો

વાળમાં તેલ ન લગાવવાથી વાળનો વિકાસ અટકી જાય છે. જો તમે તેલ ન લગાવતા હોવ તો નારિયેળ તેલ ચોક્કસ લગાવો. નાળિયેરનું તેલ વધતા વાળ માટે સૌથી વધુ ફાયદાકારક છે. તેના માટે સૌથી પહેલા માથાની ખોપડી પર તેલ લગાવો અને 15 મિનિટ સુધી સારી રીતે તેના પર મસાજ કરો. આવું અઠવાડિયામાં બે થી ત્રણ વાર કરું જુઓ તેનાથી ચોક્કસ ફર્ક પડશે.

2. દરરોજ વાળ ધોવા નહીં

કેટલીક યુવતીઓને એવું લાગે છે કે દરરોજ વાળની સફાઈ કરવાથી વાળ મજબૂત રહે છે. જોકે, આમ કરવાથી તમારા વાળ સાફ થઈ જશે, પરંતુ તેનાથી વાળ સ્વસ્થ નથી રહેતા. દરરોજ વાળ ધોવાથી માથાની ચામડી પર હાજર કુદરતી તેલ ઓછું થાય છે. આ તેલ વાળને સ્વસ્થ રાખે છે.

3. ટ્રિમિંગ રાખો

વાળને લાંબા રાખો, પરંતુ તેની વચ્ચે તેને ટ્રિમ કરવા પણ જરૂરી છે. આમ કરવાથી વાળ ઘટ્ટ થાય છે. મૂળ મજબૂત થાય છે અને વાળનો વિકાસ ઝડપી થાય છે.

4. બનાના માસ્ક લાગુ કરો

ફળોમાં કેળું વાળ માટે હેલ્ધી છે. તેને ખાવાથી વાળનો વિકાસ ઝડપી થાય છે. તેમજ તેમાંથી બનાવેલ હેર માસ્ક પણ ફાયદાકારક સાબિત થઈ શકે છે. કેળામાં વિટામિન A, C અને E ઉપરાંત ઘણા ખનિજો પણ હોય છે, જે વાળને ભેજ અને મજબૂતી આપે છે. બનાના હેર માસ્ક બનાવવા માટે કેળા લો. તેને મેશ કરો. હવે તેમાં 2 ચમચી દહીં, 2 ચમચી ગુલાબજળ ઉમેરો. તેને વાળ અને ખોપરી ઉપરની ચામડી પર સારી રીતે લગાવો અને અડધા કલાક માટે છોડી દો. ત્યાર બાદ વાળને પાણીથી ધોઈ લો.

(આ લેખમાં આપવામાં આવેલી માહિતી સામાન્ય ધારણાઓ પર આધારિત છે. TV9 ગુજરાતી તેની પુષ્ટિ કરતું નથી. નિષ્ણાતની સલાહ લીધા પછી જ તેને અનુસરો.)

Follow us on

Related Stories

Most Read Stories

Click on your DTH Provider to Add TV9 Gujarati