Glycerin skin benefits: ગ્લિસરીન લગાવવા સંબંધિત આ ટિપ્સ અનુસરો, તમને મળશે આ ફાયદા

જો તમે ઇચ્છો તો ઘરે બેઠા પણ ત્વચાની સંભાળમાં ગ્લિસરીનનો (Skin care) ઉપયોગ કરી શકો છો. ત્વચાને હાઇડ્રેટ રાખવા ઉપરાંત તે ચેપને ઘટાડવામાં પણ અસરકારક માનવામાં આવે છે. અમે તમને જણાવીશું કે ઘરે ગ્લિસરીનનો ઉપયોગ કેવી રીતે કરવો અને ત્વચા માટે શું ફાયદા છે ?

ભલે શિયાળાની ઋતુ પૂરી થઈ રહી હોય પરંતુ આ દરમિયાન ત્વચામાં શુષ્કતાની (Dryness in skin) સમસ્યા યથાવત રહે છે. ત્વચા ફાટવી, તેમાં ચકામા કે ખંજવાળ આવવી સ્વાભાવિક છે. આ સમસ્યાઓથી છુટકારો મેળવવા માટે તમે બજારમાં ઉપલબ્ધ ઉત્પાદનોની જગ્યાએ ઘરેલું ઉપચારનો (Skin care home remedies)સહારો લઈ શકો છો. અમે ગ્લિસરીન વિશે વાત કરી રહ્યા છીએ, જે શુષ્ક ત્વચાથી છુટકારો મેળવવા માટે ખૂબ અસરકારક માનવામાં આવે છે. ગ્લિસરીનને ત્વચા માટે એટલું સારું (Glycerin skin benefits) માનવામાં આવે છે કે તેને બજારમાં મળતા બોડી લોશન અથવા હાઈડ્રેટિંગ ક્રીમમાં ઉમેરવામાં આવે છે.

એલોવેરા અને ગ્લિસરીન

Web Stories View more

આ છે દેશની સૌથી ખૂબસૂરત મિકેનિક ગર્લ, જુઓ ફોટોસ

સૈફની Ex વાઈફ કરીના કરતાં કેટલા વર્ષ મોટી છે?

PM મોદીએ હેલિકોપ્ટરમાં કર્યા રામલલ્લાના સૂર્ય તિલકના દર્શન, તસવીરો કરી શેર

સલમાન ખાન પાસે કેટલા ઘર છે, જાણીને ચોંકી જશો

IPLમાં સૌથી વધુ સદી ફટકારવા મામલે ટોપ પર છે આ ભારતીય સ્ટાર, જાણો કોણ છે ટોપ 10માં?

ગુજરાતમાં ક્યાં છે ભાજપના પરશોત્તમ રૂપાલાનું ઘર, જુઓ તસવીર

જો એલોવેરાને ગ્લિસરીન સાથે મિક્સ કરીને સ્કિન પર લગાવવામાં આવે તો તે માત્ર હાઈડ્રેટ જ નહીં રહે, પરંતુ ત્વચાથી ઘણી સમસ્યાઓ પણ દૂર રહે છે. એલોવેરા જેલ લો, તેમાં થોડું ગ્લિસરીન મિક્સ કરીને ચહેરા પર લગાવો. થોડીવાર પછી તેને હળવા હાથે મસાજ કરો અને હૂંફાળા પાણીથી ચહેરો ધોઈ લો. તે માત્ર ત્વચાને મોઇશ્ચરાઇઝ કરશે જ, પરંતુ તે ચમકવા પણ લાગશે.

મુલતાની માટી અને ગ્લિસરીન

આ બંનેને મિક્સ કરીને ત્વચા પરના પિમ્પલ્સ દૂર કરી શકાય છે અને ત્વચાને હાઈડ્રેટ રાખી શકાય છે. આ માટે એક બાઉલમાં મુલતાની માટી લો અને તેમાં થોડું ગ્લિસરીન મિક્સ કરો. જો તમે ઈચ્છો તો તેમાં ગુલાબજળ પણ ઉમેરી શકો છો. આ મિશ્રણને ચહેરા પર લગાવો અને સુકાવા દો. પેક સુકાઈ જાય પછી તેને સામાન્ય પાણીથી ધોઈ લો.

કપૂર અને ગ્લિસરીન

જો તમે ખીલની સમસ્યાનો સામનો કરી રહ્યા છો, તો તેનાથી છૂટકારો મેળવવા માટે, તમે કપૂર અને ગ્લિસરીનને એકસાથે લગાવી શકો છો. કપૂરનો પાવડર બનાવો અને તેમાં થોડું ગ્લિસરીન ઉમેરો. આ મિશ્રણને માત્ર અસરગ્રસ્ત વિસ્તાર પર જ લગાવો. આ ટીપને તમારી સ્કિન કેર રૂટીનનો એક ભાગ બનાવો. તમે થોડા દિવસોમાં ફરક જોઈ શકશો.

લીંબુ અને ગ્લિસરીન

વધતા પ્રદૂષણ અને UV કિરણોને કારણે મોટાભાગના લોકોને ત્વચા પર ટેનિંગની સમસ્યા થવા લાગી છે. ત્વચામાંથી ટેન દૂર કરવું સરળ નથી. જો કે, લીંબુ અને ગ્લિસરીનની મદદથી તેને ઘણી હદ સુધી ઘટાડી શકાય છે. આ માટે લીંબુ અને ગ્લિસરીનમાં ગુલાબજળ પણ મિક્સ કરો. લીંબુમાં હાજર વિટામિન સી ચહેરાની ખોવાયેલી ચમક પાછી લાવી શકે છે.

(નોંધ : આ લેખ માત્ર જાણકારી માટે છે. તેનો ઉપયોગ પુર્વે આપ આપના તબીબ અથવા તજજ્ઞોની સલાહ ખાસ લેવી.)

આ પણ વાંચો: Lifestyle : હાથ ધોવાના આ પાંચ સ્ટેપ્સ અચૂક યાદ રાખો

આ પણ વાંચો: Navratri Health: ઉપવાસની વાનગીમાં કેમ વાપરવામાં આવે છે સિંધવ મીઠું? સિંધવ મીઠાથી ફાયદો કે નુકસાન?