Navratri Health: ઉપવાસની વાનગીમાં કેમ વાપરવામાં આવે છે સિંધવ મીઠું? સિંધવ મીઠાથી ફાયદો કે નુકસાન?

નવરાત્રીમાં ઘણા લોકો ઉપવાસ કરતા હોય છે. આ દરમિયાન ઘણા લોકો માત્ર પાણી અને પ્રવાહી પર નવ દિવસનો ઉપવાસ રાખે છે. ત્યારે ઘણા લોકો આ ઉપવાસમાં ફરાળ પણ કરતા હોય છે. સૌને ખ્યાલ હશે કે ફરાળી વાનગીમાં મીઠાની જગ્યાએ સંચર એટલે કે સિંધવ મીઠું વાપરવામાં આવે છે. એવું માનવામાં આવે છે કે સિંઘવ મીઠું વધુ શુદ્ધ અને આરોગ્ય (Helth) માટે સારું છે. પરંતુ તે કેવી રીતે બનાવવામાં આવે છે, કે તેને સામાન્ય મીઠા કરતા વધુ સારું માનવામાં આવે છે, તેના વિશે જાણો.

ખાવામાં વપરાતા સામાન્ય મીઠાને દરિયાઇ મીઠું એટલે કે સીસોલ્ટ (Sea Salt) કહેવામાં આવે છે કારણ કે તે દરિયાઈમાંથી મળે છે. તેને ખાદ્ય બનાવવા માટે, વિવિધ એન્ટી-કોકિંગ એજન્ટ અને ઘણી અન્ય રાસાયણિક પ્રક્રિયાઓમાંથી પસાર થવું પડે છે. આને કારણે, સામાન્ય મીઠામાં હાજર કેલ્શિયમ, પોટેશિયમ અને ખનિજોમાં ખૂબ જ ઘટાડો થાય છે.

પર્વત મીઠું હોય છે સિંઘવ મીઠું

સિંઘવ મીઠાને રોક સોલ્ટ અથવા પર્વત મીઠું (ROck Salt) કહેવામાં આવે છે. તે પ્રકૃતિમાંથી મળતું સંપૂર્ણ શુદ્ધ માનવામાં આવે છે. તેમાં ઘણા પોષક તત્વો હોય છે, જે શરીર માટે ખૂબ ફાયદાકારક છે. આ સિવાય સિંઘવ મીઠામાં મીઠું ઓછું હોય છે અને આયોડિનનું પ્રમાણ પણ ઓછું હોય છે, આને કારણે હાઈ બ્લડ પ્રેશર અને આંખની બળતરાની સમસ્યાને અંકુશમાં લેવામાં કામ આવે છે.

આ કારણે તેને ઉપવાસ દરમિયાન ખાવામાં આવે છે

હકીકતમાં સિંધવ મીઠું એ મીઠાનું સિંધવ સૌથી શુદ્ધ સ્વરૂપ છે કારણ કે તેને બનાવવા માટે કોઈપણ પ્રકારની ભેળસેળ કરવામાં નથી આવતી. તેથી તેને ઉપવાસ દરમિયાન ખાવામાં આવે છે. આ સિવાય ઉપવાસ કરનારને ઘણા બધા પોષક તત્વોની જરૂર હોય છે, રોક મીઠામાં આયર્ન, જસત, મેગ્નેશિયમ સહિત ઘણા પોષક તત્વો હોય છે, જે ઉપવાસ કરનારના શરીરમાં પોષક તત્વોની ઉણપને પૂર્ણ કરે છે.

જાણો ફાયદા

1. રોક મીઠું પચવામાં હળવું હોય છે. તેનાથી પાચન સુધરે છે. આ ઉપરાંત તે રોગપ્રતિકારક શક્તિમાં પણ સુધારો કરે છે.

2. રોક મીઠાનું સેવન કરવાથી શરીરમાં ઉર્જા આવે છે કારણ કે તે જરૂરી પોષક તત્ત્વો અને ખનિજો શોષી લેવામાં શરીરને મદદ કરે છે.

3. સામાન્ય દિવસોમાં સામાન્ય મીઠાને બદલે સિંધવ ખાવાથી શરીરમાં લોહીનું પરિભ્રમણ સારું રહે છે. આ સાથે તે શરીરમાં પીએચ સ્તર જાળવવામાં પણ અસરકારક છે.

4. સિંધવ મીઠું શરીરમાંથી ચરબીવાળા કોષોને દૂર કરવામાં મદદ કરે છે, તેમજ ભૂખને કાબૂમાં રાખે છે. આ રીતે, તે વજન ઘટાડવા માટે પણ ખૂબ સારી રીતે કાર્ય કરે છે.

આ પણ વાંચો: Health Tips: 99 ટકા લોકો જમતા સમયે કરે છે આ ભૂલો! આજે સુધારો આદત, નહીં તો પડી જશે ભારે

આ પણ વાંચો: Ayurvedic Tips : કબજિયાતથી રાહત મેળવવા માટે અજમાવો આ આયુર્વેદિક ઉપાયો

(નોંઘ: આ લેખ પ્રાથમિક માહિતીઓના આધારે તૈયાર કરવામાં આવ્યો છે. અહી સૂચવેલા કોઈ પણ પ્રયોગ-ઉપાયને અજમાવતા પહેલા નિષ્ણાંતની સલાહ લેવી)