પીએમ બોરિસ જોહ્ન્સને 5 નવેમ્બરથી ઇંગ્લેન્ડમાં બીજા તબક્કાનાં લોકડાઉનની કરી જાહેરાત, શાળાઓ અને જરૂરી કારોબાર ચાલુ રહેશે
બ્રિટનમાં કોવિડ -19 ના કેસોમાં થયેલા વધારાને ધ્યાનમાં રાખીને વડા પ્રધાન બોરીસ જોહ્ન્સનને 5 નવેમ્બરથી 2 ડિસેમ્બર સુધી દેશમાં લોકડાઉન લાગુ કરવાની જાહેરાત કરી છે. ઇંગ્લેન્ડમાં કોરોના વાયરસના કેસની સંખ્યા ૧૦ લાખને પાર પહોંચતા સરકાર ચિંતિત બની છે. બ્રિટનમાં કોવિડ -19 ના કેસોમાં થયેલા વધારાને ધ્યાનમાં રાખીને વડા પ્રધાન બોરીસ જોહ્ન્સનને 5 નવેમ્બરથી 2 ડિસેમ્બર […]
પીએમ બોરિસ જહોન્સને સત્તાવાર ટ્વિટર એકાઉન્ટ પર એક વીડિયો ટ્વીટ કરવામાં આવ્યો છે જેમાં તેમને ઘરોમાં રહેવાની વિનંતી કરવામાં આવી છે. ટ્વીટમાં જણાવાયું છે કે 4 અઠવાડિયા પછી પરિસ્થિતિની સમીક્ષા કરી લોકડાઉન વધારવા અથવા દૂર કરવા અંગે નિર્ણય લેવામાં આવશે. સરકાર દ્વારા ખાવા – પીવાની ચીજો લાવવા ,તબીબી હેતુઓ, કસરતો, અભ્યાસ અથવા જરૂરી કામ માટેજ ઘરમાંથી નીકળવા જણાવાયું છે. લોકોને શક્ય હોય તો ઘરેથી કામ કરવા અને બિનજરૂરી મુસાફરી ટાળવાનું પણ કહેવામાં આવ્યું છે.
બાંધકામ અને મેન્યુફેક્ચરિંગ વર્ક ઘરેથી થઈ શકતા નથી. આ ક્ષેત્ર ખુલ્લા રહેશે. જોહ્ન્સનને કહ્યું હતું કે કાર્યવાહી કરવાનો સમય આવી ગયો છે કારણ કે કોઈ વિકલ્પ બાકી નથી. લોકડાઉન દરમિયાન આર્થિક રીતે નબળા કર્મચારીઓની સહાય વધારવામાં આવશે. દરરોજ 20,000 થી વધુ નવા કોરોના વાયરસના કેસ બ્રિટનમાં આવી રહ્યા છે. 31 જાન્યુઆરીથી 31 ઓક્ટોબર 2020 ની વચ્ચે ઇંગ્લેન્ડમાં 10,11,660 પોઝિટિવ કેસ મળી આવ્યા છે. યુરોપમાં ફરી એકવાર કોરોના કેસમાં ઉછાળો જોવા મળી રહી છે તેને દૂર કરવા માટે લોકડાઉન લાદવામાં આવી રહ્યું છે. ફ્રાન્સ, જર્મનીએ કોરોનાની સેકન્ડ વેવને ધ્યાનમાં રાખીને લોકડાઉન લાગુ કરાયું છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો