Kaynes Tech IPO : 10 નવેમ્બરથી મળી રહી છે રોકાણ માટેની તક, જાણો યોજનાની સંપૂર્ણ વિગતો અહેવાલમાં

આઇપીઓ બજારમાં  ચાલુ વર્ષના બીજા ભાગમાં તેજી દેખાઈ રહી છે. એક પછી એક આઇપીઓ ખુલી રહ્યા છે. જો તમે અત્યાર સુધી પબ્લિક ઈશ્યુમાં પૈસાનું રોકાણ કરવાનું ચૂકી ગયા છો તો તમારા માટે વહુ એક તક આવી રહી છે. Kaynes Technology India Limited (KTIL) નો આઇપીઓ આ અઠવાડિયે ખુલી રહ્યો છે. આ માટે પ્રાઇસ બેન્ડ પણ નક્કી કરવામાં આવી છે. Kaynes Technology એ મૈસુર સ્થિત કંપની છે જે ઈલેક્ટ્રોનિક્સ ઉત્પાદનના વ્યવસાય સાથે સંકળાયેલી છે. આ કંપની ઈલેક્ટ્રોનિક સિસ્ટમ ડિઝાઈનિંગ, મેન્યુફેક્ચરિંગ સર્વિસનો બિઝનેસ કરે છે.કંપની IPO દ્વારા રૂપિયા 530 કરોડ એકત્ર કરવા માંગે છે.

IPO માટે પ્રાઇસ બેન્ડ

ડ્રાફ્ટ રેડ હેરિંગ પ્રોસ્પેક્ટસ (DRHP) અનુસાર કંપની IPO દ્વારા રૂપિયા 530 કરોડ એકત્ર કરવા માંગે છે. આ માટે પ્રતિ શેર 559-587 રૂપિયાની પ્રાઇસ બેન્ડ નક્કી કરવામાં આવી છે. આ અર્થમાં, એક લોટમાં 25 શેર હશે. રિટેલ રોકાણકારોએ ઓછામાં ઓછા એક લોટ માટે બિડ કરવા માટે 14,675 રૂપિયા ચૂકવવા પડશે. જ્યારે તમે વધુમાં વધુ 13 લોટ માટે બિડ કરી શકો છો. આ IPO 10મી નવેમ્બરથી ખુલશે અને 14મી નવેમ્બરે બંધ થશે. IPO 9 નવેમ્બરથી એન્કર રોકાણકારો માટે ખુલશે.

પ્રમોટર અને વર્તમાન રોકાણકારો તેમનો હિસ્સો વેચશે

IPOમાં પ્રમોટર અને વર્તમાન રોકાણકારો ઓફર ફોર સેલ (OFS) દ્વારા ઇક્વિટી શેરનું વેચાણ કરશે. DRHP મુજબ OFSમાં 55.85 લાખ ઇક્વિટી શેર વેચવામાં આવશે. જેમાં પ્રમોટર રમેશ કુન્હીકન 20.84 લાખ અને રોકાણકાર ફ્રેન્ઝી ફિરોઝ ઈરાની 35 લાખ ઈક્વિટી શેર વેચશે.

Web Stories View more

આ મેદાન પર રમાશે ભારત અને પાકિસ્તાનની મેચ, જુઓ વીડિયો

First Ballot Box વિશે જાણો, તેના દ્વારા થઈ હતી દેશની પ્રથમ ચૂંટણી

Knowledge : ચાલતી ટ્રેનમાં ધડક-ધડક અવાજ કેમ આવે છે? જાણો કારણ

જયા કિશોરીએ તેની નાની બહેન ચેતના શર્મા સાથે થતા ઝઘડા વિશે કર્યો ખુલાસો, જાણો

આજનું રાશિફળ તારીખ : 19-05-2024

અમિત શાહે આપી શેરબજારની મોટી ટીપ, લોકસભામાં ભાજપની જીત બાદ આ 5 સ્ટોક થશે શૂટ અપ

IPO માંથી એકત્ર કરાયેલા નાણાંનો ઉપયોગ ક્યાં થશે

પબ્લિક ઓફરિંગ દ્વારા એકત્ર કરાયેલા નાણાંનો ઉપયોગ દેવાની ચુકવણી અને અન્ય કોર્પોરેટ હેતુઓ માટે કરવામાં આવશે. આ સિવાય તેનો ઉપયોગ મૈસૂર અને માનેસરમાં મેન્યુફેક્ચરિંગ પ્લાન્ટ માટે કરવામાં આવશે. આ સાથે કર્ણાટકના ચામરાજનગરમાં નવો પ્લાન્ટ સ્થાપવા પાછળ પણ ખર્ચ કરવામાં આવશે. IPO માટે બુક રનિંગ લીડ મેનેજર્સ IIFL સિક્યોરિટીઝ અને DAM કેપિટલ એડવાઈઝર્સ છે.

કંપનીનો વ્યવસાય શું છે?

Kaynes Technology એ મૈસુર સ્થિત કંપની છે જે ઈલેક્ટ્રોનિક્સ ઉત્પાદનના વ્યવસાય સાથે સંકળાયેલી છે. આ કંપની ઈલેક્ટ્રોનિક સિસ્ટમ ડિઝાઈનિંગ, મેન્યુફેક્ચરિંગ સર્વિસનો બિઝનેસ કરે છે. કંપનીની સેવાઓ ઓટોમોટિવ, ઈન્ડસ્ટ્રીયલ, એરોસ્પેસ, ડિફેન્સ, આઉટરસ્પેસ, ન્યુક્લિયર, મેડિકલ, રેલવે, ઈન્ટરનેટ ઓફ થિંગ્સ, ઈન્ફોર્મેશન ટેકનોલોજી અને અન્ય સેક્ટરમાં છે. કંપનીના દેશભરમાં કુલ 8 મેન્યુફેક્ચરિંગ પ્લાન્ટ છે. આ કર્ણાટક, હરિયાણા, હિમાચલ પ્રદેશ, તમિલનાડુ અને ઉત્તરાખંડમાં છે.

IPO ની અગત્યની તારીખ