IPL 2020: યુવા ખેલાડીઓના દમ પર દિલ્હી કેપિટલ્સની ટીમ, સિઝન-13માં નસીબ બદલાશે?
ઈન્ડિયન પ્રીમિયર લીગની 12મી સીઝનના પ્લે ઓફમાં પહોંચેલી દિલ્હી કેપિટલ્સ ફરી એકવાર મેદાનમાં ઉતરવા માટે તૈયાર છે. યુવા કેપ્ટન શ્રેયસ ઐયરે દિલ્હીને ચેમ્પિયન બનાવવાનું લક્ષ્ય રાખ્યું છે. ગયા વર્ષે દિલ્હીના શાનદાર પ્રદર્શનથી ફ્રેન્ચાઈઝીના ચાહકોનો વિશ્વાસ જીત્યો હતો. આ વખતે ટાઈટલ જીતવાનો વારો છે. શ્રેયસ પાસે યુવાનીના ઉત્સાહથી લઈને અનુભવના ‘ડોઝ’ સુધીની દરેક વસ્તુ છે. પરંતુ […]
ઈન્ડિયન પ્રીમિયર લીગની 12મી સીઝનના પ્લે ઓફમાં પહોંચેલી દિલ્હી કેપિટલ્સ ફરી એકવાર મેદાનમાં ઉતરવા માટે તૈયાર છે. યુવા કેપ્ટન શ્રેયસ ઐયરે દિલ્હીને ચેમ્પિયન બનાવવાનું લક્ષ્ય રાખ્યું છે. ગયા વર્ષે દિલ્હીના શાનદાર પ્રદર્શનથી ફ્રેન્ચાઈઝીના ચાહકોનો વિશ્વાસ જીત્યો હતો. આ વખતે ટાઈટલ જીતવાનો વારો છે. શ્રેયસ પાસે યુવાનીના ઉત્સાહથી લઈને અનુભવના ‘ડોઝ’ સુધીની દરેક વસ્તુ છે. પરંતુ છેલ્લી સીઝનમાં આ ટીમના યુવા ખેલાડીઓ રુષભ પંતની ઝડપી બેટિંગ પર સ્ટેડિયમની સીટીઓ અને કાગીસો રબાડાની રફતાર સૌથી વધુ ચમકતી જોવા મળતી હતી.
દિલ્હીના જોશીલા જાબાંઝ
દિલ્હી કેપિટલ્સ અગાઉ દિલ્હી ડેરડેવિલ્સ તરીકે ઓળખાતું હતું. 2012 પછી સતત છ વર્ષ સુધી તે એક પણ વખત પણ ટોપ-4 માં પહોંચી શક્યું નહીં. દર સિઝનમાં ચાહકોને દિલ્હીનું પ્રદર્શન નિરાશ કરતુ રહ્યું. ફ્રેન્ચાઈઝીએ ઘણા પ્રયોગો પણ કર્યા. ઘણા ખેલાડીઓ મોંઘાદાટ ભાવે ખરીદ્યા, પરંતુ પરિણામ જેમ ને તેમ જ રહ્યું. 2018 માં દિલ્હીએ 23 વર્ષીય શ્રેયસ ઐયર પર દાવ લગાવ્યો અને તેને કેપ્ટન બનાવ્યો હતો. 2019માં તે જ કેપ્ટન 6 વર્ષ પછી દિલ્હીને પ્લે ઓફમાં લાવ્યો હતો. આ ટીમ તેના યુવા ખેલાડીઓને તક પણ આપે છે અને વિશ્વાસ પણ કરે છે. જો તમે આ ટીમના ટોચના યુવા ખેલાડીઓ પર નજર નાખો તો સુકાની શ્રેયસ ઐયર, રુષભ પંત, પૃથ્વી શો અને કાગીસો રબાડા મેચ વિનર ખેલાડીઓ પણ ટીમમાં સામેલ છે. સિઝન-12ના ટોપ-10 બેટ્સમેનની યાદીમાં દિલ્હીની ટીમના ત્રણ બેટ્સમેન સામેલ થયા હતા. શિખર ધવન ઉપરાંત રુષભ પંત અને શ્રેયસ ઐયરના નામ શામેલ હતા. બોલરોની વાત કરીએ તો દિલ્હીનો રબાડા 2019માં ચેન્નાઈના ઈમરાન તાહિરના સૌથી વિકેટ ઝડપનારાઓમાં ફક્ત એક વિકેટ પાછળ હતો. રબાડાએ 25 વિકેટ લીધી હતી.
દિલ્હી એ યુવા ખેલાડીઓ પર કર્યો કરોડોનો વરસાદ:
માત્ર યુવા ખેલાડીઓ પર વિશ્વાસ જ નહીં, પરંતુ દિલ્હી કેપિટલ્સ પણ તેમના પર કરોડો રૂપિયા ખર્ચ કરવામાં ઘણી આગળ છે. આ વર્ષે દિલ્હીનો સૌથી મોંઘો ખેલાડી રુષભ પંત છે, જેને 15.5 કરોડ રૂપિયામાં જાળવી રાખ્યો છે તો 23 વર્ષીય શિમરોન હેટમિયરને 7.75 કરોડમાં આરસીબીમાંથી તેમની ટીમમાં શામેલ કરવામાં આવ્યો છે. હેટમિયર દિલ્હીનો બીજો સૌથી મોંઘો ખેલાડી છે. કેપ્ટન ઐયરને પણ સાત કરોડમાં જાળવી રાખ્યો છે. જ્યારે શિખર ધવન અને ઈશાંત શર્મા આ કરતા ઓછી રકમમાં જાળવી રાખવામાં આવ્યા છે. દિલ્હી કેપીટલ્સમાં હાલમાં વિજય માટે જરૂરી દરેક હથિયાર છે. એ જોવાનું રહેશે કે ઐયરે દુશ્મન સામે પોતાના હથિયારનો પ્રયાસ કેવી રીતે કરે છે અને દુશ્મનને કેવી રીતે મહાત કરે છે.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો