INS ‘વિરાટ’ને અંતિમ વિદાય! સૌ કોઇ થયા ભાવુક!

57 વર્ષ સુધી ભારતીય નૌકાદળમાં સેવા આપ્યા બાદ INS ‘વિરાટ’ને અંતિમ વિદાય આપવામાં આવી છે. અલંગની શ્રીરામ શિપબ્રેકિંગ કંપનીના પ્લોટ નંબર-9 ખાતે INS ‘વિરાટ’ને દરિયામાંથી ટગ દ્વારા ખેંચી લવાયું હતું અને આન, બાન, શાન સાથે INS ‘વિરાટ’ને વસમી વિદાય અપાઇ છે. આ પ્રસંગે કેન્દ્રીય પ્રધાન મનસુખ માંડવીયા, રાજ્યના શિક્ષણ પ્રધાન ભુપેન્દ્રસિંહ ચુડાસમા સહિત નેવીના ઉચ્ચ […]

Utpal Patel | Edited By: Bhavesh Bhatti | Updated on: Sep 28, 2020 | 8:33 PM

57 વર્ષ સુધી ભારતીય નૌકાદળમાં સેવા આપ્યા બાદ INS ‘વિરાટ’ને અંતિમ વિદાય આપવામાં આવી છે. અલંગની શ્રીરામ શિપબ્રેકિંગ કંપનીના પ્લોટ નંબર-9 ખાતે INS ‘વિરાટ’ને દરિયામાંથી ટગ દ્વારા ખેંચી લવાયું હતું અને આન, બાન, શાન સાથે INS ‘વિરાટ’ને વસમી વિદાય અપાઇ છે. આ પ્રસંગે કેન્દ્રીય પ્રધાન મનસુખ માંડવીયા, રાજ્યના શિક્ષણ પ્રધાન ભુપેન્દ્રસિંહ ચુડાસમા સહિત નેવીના ઉચ્ચ અધિકારીઓએ ખાસ હાજરી આપી છે. મહત્વપૂર્ણ છે કે, 1987માં INS વિરાટને ઈન્ડિયન નેવીમાં સામેલ કરવામાં આવ્યું હતું. જોકે વિરાટની વિદાય પ્રસંગે તેને ખરીદનાર શિપબ્રેકર ભાવૂક થયા હતા. અહીં, કેન્દ્રીયપ્રધાને INS વિરાટને ભારતનું ગૌરવ ગણાવ્યું છે. મનસુખ માંડવીયાએ INS વિરાટની સિદ્ધિઓને વાગોળવાની સાથે ભારતની રક્ષામાં વિરાટના સિંહફાળાને યાદ કર્યો છે.