આકાશમાં જોવા મળ્યો ચોંકાવનારો નજારો, 6 ગ્રહોની એકસાથે પરેડ.. જુઓ Video
આજે રાત્રે આકાશમાં એક અદ્ભુત દૃશ્ય જોવા મળ્યું. જ્યારે છ ગ્રહો સળંગ પરેડ કરતા જોવા મળશે. તમે નરી આંખે ચાર ગ્રહો જોઈ શકશો.
આજે રાત્રે એટલે કે મંગળવારે અવકાશમાં એક મહત્વપૂર્ણ ખગોળીય ઘટના બની. જેમાં છ ગ્રહો એક સીધી રેખામાં એકસાથે જોવા મળ્યા, એટલે કે છ ગ્રહો એકસાથે પરેડ કરી. તમે આમાંથી ચાર ગ્રહોને ટેલિસ્કોપ વિના એટલે કે નરી આંખે જોઈ શકો છો.
તમે ઘરે બેઠા નરી આંખોથી અવકાશમાં આ ચાર ગ્રહોને જોઈ શકો છો. અહેવાલો અનુસાર, પ્લેનેટરી પરેડ 21 જાન્યુઆરીથી શરૂ થઈ રહી છે અને ગ્રહોની પરેડનો આ નજારો ભારત સહિત સમગ્ર વિશ્વમાં દેખાશે.
આજે રાત્રે લગભગ 8:30 વાગ્યાથી ભારતમાં ગ્રહોની આ પરેડ જોવા મળી હતી. કેટલાક મીડિયા રિપોર્ટ્સ અનુસાર આ પરેડ જોવાનો શ્રેષ્ઠ સમય રાત્રે 8 થી 11 વાગ્યાનો કચે. આ પછી, તમે 8 માર્ચે ફરી એકવાર આ પરેડ જોઈ શકશો.
ગ્રહોની પરેડ એ ગ્રહોની એક ખાસ સ્થિતિ છે જ્યારે પૃથ્વી સહિત ઘણા ગ્રહો સૂર્યની એક બાજુ સીધી રેખામાં આવે છે અને તેમાંથી એક સીધી રેખા આકાશમાં દેખાય છે, જેને ગ્રહોની ગોઠવણી કહેવામાં આવે છે. આ ઘટના 2025 માં બે વાર બનવાની છે. આજે પહેલી વાર, શુક્ર, મંગળ, ગુરુ, શનિ, નેપ્ચ્યુન અને યુરેનસ એક સીધી રેખામાં એકસાથે જોવા મળશે. નાસા અનુસાર, તમે ટેલિસ્કોપ વિના શુક્ર, મંગળ, ગુરુ અને શનિ ગ્રહોને જોઈ શકો છો. પરંતુ નેપ્ચ્યુન અને યુરેનસ જોવા માટે તમારે ટેલિસ્કોપની જરૂર પડશે.
અવકાશમાં ગ્રહોની આ પરેડને સ્પષ્ટ રીતે જોવા માટે, હવામાન સ્પષ્ટ હોવું જરૂરી છે, તો જ તમે આકાશમાં આ અદ્ભુત દૃશ્ય જોઈ શકશો અને તેને સ્પષ્ટ રીતે જોવા માટે, એવી જગ્યા પસંદ કરો જ્યાં ઘોર અંધારું હોય અને બહુ પ્રકાશ નથી.
