3 એપ્રિલ 1973ના રોજ વાગી હતી મોબાઈલ ફોનની પહેલી રિંગ, 1 કિલોનો હતો ફોન, જાણો ભારતમાં મોબાઈલ ફોનની સફર

આપણે આપણા ઘરે કે ગમે ત્યાં બેસીને કોઈપણ સમયે આપણા સંબંધીઓ, મિત્રો કે ફોનમાં સેવ કરેલા કોઈપણ સંપર્કો સાથે વાત કરી શકીએ છીએ. પરંતુ શું તમે જાણો છો કે દુનિયામાં સૌપ્રથમ મોબાઈલ કોલ ક્યારે અને ક્યાં કરવામાં આવ્યો હતો? જો નહીં, તો આજે અમે તમને તેના વિશે જણાવવા જઈ રહ્યા છીએ.

Cell Phone Inventor Martin Cooper

TV9 Gujarati | Edited By: Pankaj Tamboliya | Updated on: Apr 03, 2023 | 6:30 PM

આજના સમયમાં દરેક વ્યક્તિ પાસે મોબાઈલ ફોન છે. આપણે મોબાઈલ ફોનમાં કોલથી લઈને શોપિંગ સુધીના તમામ પ્રકારના કામ કરી રહ્યા છીએ. મોબાઈલ ફોનની મદદથી આપણે આપણા ઘરે કે ગમે ત્યાં બેસીને કોઈપણ સમયે આપણા સંબંધીઓ, મિત્રો કે ફોનમાં સેવ કરેલા કોઈપણ સંપર્કો સાથે વાત કરી શકીએ છીએ. પરંતુ શું તમે જાણો છો કે દુનિયામાં સૌપ્રથમ મોબાઈલ કોલ ક્યારે અને ક્યાં કરવામાં આવ્યો હતો? જો નહીં, તો આજે અમે તમને તેના વિશે જણાવવા જઈ રહ્યા છીએ.

આ પણ વાંચો: ChatGPT અને આર્ટિફિશિયલ ઈન્ટેલિજન્સ આપશે કરોડોના પેકેજ, આ જોબની માંગમાં થશે વધારો

વિશ્વનો પ્રથમ મોબાઈલ કોલ

લગભગ 50 વર્ષ પહેલા, 3 એપ્રિલ 1973 ના રોજ, આ દિવસે, મોબાઇલ ફોનમાંથી પ્રથમ કોલ કરવામાં આવ્યો હતો. આ ફોનનો ઉપયોગ અમેરિકન એન્જિનિયર માર્ટિન કૂપરે ન્યૂયોર્કમાં કર્યો હતો. માર્ટિન કૂપર મોટોરોલા કંપનીના એન્જિનિયર હતા અને લાંબા સમયથી વાયરલેસ મોબાઈલ ટેક્નોલોજી પર કામ કરતા હતા. માર્ટિને ન્યૂયોર્કની સ્ટ્રીટમાંથી બેલ લેબ્સમાં કામ કરતા તેના હરીફ એન્જિનિયર જોએલ એન્ગલને કોલ કર્યો હતો.

પહેલો મોબાઈલ ફોન આટલો ભારે હતો!

માર્ટિન જે મોબાઈલ ફોન પર વાત કરી રહ્યા હતા તે મોડલનું નામ DYNATAC 800XI હતું. તેનું વજન લગભગ 1.1 કિલો હતું અને તેને પાવર આપવા માટે બેટરી લગાવવામાં આવી હતી. આ હેન્ડહેલ્ડ ફોન સંપૂર્ણપણે વાયરલેસ હતો અને તેને છત, રોડ, બસ કે ટ્રેનમાં ગમે ત્યાં લઈ જઈ શકાતો હતો. આ મોબાઈલ પ્રોટોટાઈપને તૈયાર કરવામાં માર્ટિનને ત્રણ મહિના લાગ્યા હતા.

10 વર્ષ પછી સામાન્ય લોકો માટે સેલ ફોન આવ્યો

મોબાઈલ ફોન 1973માં તૈયાર થઈ ગયો હતો, પરંતુ સામાન્ય લોકો સુધી પહોંચતા તેને 10 વર્ષ લાગ્યા હતા. અનેક પ્રકારના સંશોધનો અને ફેરફારો બાદ મોબાઈલ ફોનને 1983માં સામાન્ય લોકો માટે બજારમાં ઉતારવામાં આવ્યો હતો. તે તેના પ્રોટોટાઈપ મોડલ કરતા નાનું અને હલકું હતું. તેનું વજન 790 ગ્રામ અને લંબાઈ 10 ઈંચ હતી. કંપનીએ મૂળ મોડલને વિકસાવવા માટે 800 કરોડ રૂપિયાનો ખર્ચ કર્યો હતો.

તેને પાવર કરવા માટે બેટરીનો ઉપયોગ કરવામાં આવ્યો હતો. આ કારણે, તેને પ્રથમ ‘સેલ ફોન’ પણ કહેવામાં આવતું હતું. મજાની વાત એ છે કે 10 કલાક સુધી ચાર્જ કર્યા પછી માત્ર 35 મિનિટ માટે જ તેનો ઉપયોગ કરી શકાતો હતો, પરંતુ તેમ છતાં તેની કિંમત 3,990 ડોલર હતી. આજની તારીખે, તેની કિંમત આશરે 10,000 ડોલર છે, જેનું ભારતીય ચલણમાં મૂલ્ય રૂ. 8 લાખથી વધુ છે.

ભારતમાં મોબાઈલ ફોનની સફર

ભારતમાં મોબાઈલ ફોનના પ્રથમ ઉપયોગની કહાની પણ રસપ્રદ છે. ભારતમાં મોબાઈલ ફોન પરથી પ્રથમ કોલ 31 જુલાઈ 1995ના રોજ કરવામાં આવ્યો હતો. આ કોલ પશ્ચિમ બંગાળના તત્કાલિન મુખ્યમંત્રી જ્યોતિ બસુ અને કેન્દ્રીય ટેલિકોમ મંત્રી સુખ રામ વચ્ચે થયો હતો.

આ કોલ પશ્ચિમ બંગાળમાં રાઈટર્સ બિલ્ડીંગથી દિલ્હી સંચાર ભવન સાથે જોડાયેલો હતો. આપને જણાવી દઈએ કે મોદી ટેલસ્ટ્રા મોબાઈલનેટે ભારતમાં મોબાઈલ ફોન સેવા શરૂ કરી હતી. આ સેવા સૌપ્રથમ કોલકાતામાં શરૂ કરવામાં આવી હતી.

ટેકનોલોજીના તાજા સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર

ફોન અને ગેઝેટ સાથે જોડાયેલા તમામ સમાચાર વાંચવા માટે જોડાયેલા રહો…