શું તમારાથી PhonePe, Paytm અથવા GPay પર ખોટું UPI ટ્રાન્જેક્શન થયું છે? તમારા પૈસા આવી રીતે પાછા મેળવવો

જો તમે ભૂલથી PhonePe, GPay અથવા Paytm મારફતે ખોટી UPI ID પર પૈસા ટ્રાન્સફર કરી દીધા હોય, તો સૌથી પહેલા એપ મારફતે ફરિયાદ નોંધાવો. જો તેમ છતાં સમસ્યાનો ઉકેલ ન આવે, તો NPCI અથવા તમારી બેંકનો સંપર્ક કરો. જરૂર પડે તો ડિજિટલ લેવડદેવડ માટે RBIના લોકપાલનો સંપર્ક કરો. આ પગલાં તમને તમારા પૈસા પાછા મેળવવામાં અને ભવિષ્યમાં આવી ભૂલોથી બચવામાં મદદરૂપ થશે.

સૌપ્રથમ પ્રાપ્તકર્તા સાથે સંપર્ક કરવાનો પ્રયાસ કરો

આ ભૂલને સુધારવાનો સૌથી ઝડપી અને સરળ ઉપાય એ છે કે જે વ્યક્તિએ પૈસા પ્રાપ્ત કર્યા છે તેની સાથે સંપર્ક કરો. જો UPI ID કોઈ ઓળખીતા વ્યક્તિની હોય, તો એક સરળ વિનંતીથી સમસ્યા ઉકેલી શકાય છે. જોકે, જો પ્રાપ્તકર્તા સહકાર ન આપે અથવા તેનો સંપર્ક ન થઈ શકે, તો તમને અન્ય વિકલ્પો પર વિચાર કરવો પડશે.

પેમેન્ટ એપ પર સમસ્યાની ફરિયાદ નોંધાવો

પ્રથમ ઔપચારિક પગલું એ છે કે તમે જે એપનો ઉપયોગ કર્યો છે, જેમ કે PhonePe, Google Pay અથવા Paytm તેમાં ખોટી લેવડદેવડની ફરિયાદ નોંધાવો. મદદ અથવા સપોર્ટ વિભાગમાં જઈને ફરિયાદ દાખલ કરો. તેમાં તમને ટ્રાન્ઝેક્શન આઈડી, પ્રાપ્તકર્તાની UPI આઈડી, ટ્રાન્સફર કરેલી રકમ અને તારીખ જેવી જરૂરી માહિતી આપવી પડશે. મોટાભાગના પ્લેટફોર્મ પર આવી ફરિયાદો સંભાળવા માટે વિશેષ ટીમો હોય છે.

NPCI પોર્ટલ મારફતે ફરિયાદ નોંધાવો

જો એપ દ્વારા તમારી સમસ્યાનો ઉકેલ ન આવે, તો નેશનલ પેમેન્ટ્સ કોર્પોરેશન ઓફ ઇન્ડિયા (NPCI)નો સંપર્ક કરો. NPCIની વેબસાઇટ પર જઈને ‘વિવાદ નિવારણ તંત્ર’ વિભાગમાં પ્રવેશ કરો. ફોર્મમાં તમારા ટ્રાન્ઝેક્શનની વિગતો ભરો, જેમાં UPI ID, રકમ, તારીખ, સંપર્ક માહિતી અને કાપ દર્શાવતું બેંક સ્ટેટમેન્ટની નકલ સામેલ કરો. કારણ તરીકે “ભૂલથી બીજા ખાતામાં ટ્રાન્સફર” વિકલ્પ પસંદ કરો.

સમસ્યા નિવારણ પ્રક્રિયાનું પાલન કરો

NPCIના વિવાદ નિવારણ ફ્રેમવર્ક મુજબ, ફરિયાદ તબક્કાવાર રીતે આગળ વધે છે, – સૌપ્રથમ, થર્ડ પાર્ટી એપ્લિકેશન પ્રોવાઇડર (TPAP)નો સંપર્ક કરો — એટલે કે તમે જે પેમેન્ટ એપનો ઉપયોગ કર્યો હતો.

• જો સમસ્યાનો ઉકેલ ન મળે, તો આ મુદ્દાને તમારા એપ સાથે જોડાયેલા પેમેન્ટ સર્વિસ પ્રોવાઇડર (PSP) બેંક સુધી લઈ જાઓ.
• ત્યારબાદ, તમારી બેંકનો સંપર્ક કરો, ખાસ કરીને જો તે PSPથી અલગ હોય.
• અંતમાં, જો ઉપરોક્ત તમામ પગલાં નિષ્ફળ જાય, તો તમે આ મામલો NPCI સમક્ષ ઉઠાવી શકો છો.

RBI લોકપાલનો સંપર્ક કરો

જો તમારી ફરિયાદ 30 દિવસથી વધુ સમય સુધી ઉકેલાઈ ન હોય અથવા તમને મળેલા ઉકેલથી સંતોષ ન હોય, તો તમે RBIના ડિજિટલ લેવડદેવડ લોકપાલનો સંપર્ક કરી શકો છો. ફરિયાદ તમારી બેંક શાખા અથવા પેમેન્ટ પ્લેટફોર્મના કાર્યાલયના અધિકારક્ષેત્ર હેઠળ નોંધાવો. તમારા તમામ દસ્તાવેજો તૈયાર રાખો — ઈમેઈલ્સ, સ્ક્રીનશોટ્સ, ફરિયાદના રેફરન્સ અને બેંક સ્ટેટમેન્ટ. 

સ્થિતિની નિયમિત રીતે દેખરેખ રાખો

ફરિયાદ પ્રક્રિયા દરમિયાન, તમારા કેસની સ્થિતિ પર સતત નજર રાખવી મહત્વપૂર્ણ છે. એપ મારફતે હોય કે તમારી બેંકની સહાય ટીમ દ્વારા, નિયમિત અપડેટ્સ મેળવવાથી સમસ્યા આગળ વધે ત્યારે તમે ઝડપી રીતે પ્રતિસાદ આપી શકશો.

ભવિષ્યમાં આવી ભૂલોથી બચવા માટે સૂચનો

ભવિષ્યમાં આવી ભૂલો ન થાય તે માટે, ‘Send/ભેજો’ બટન દબાવતા પહેલા પ્રાપ્તકર્તાની UPI ID અથવા મોબાઇલ નંબર હંમેશા ફરીથી ચકાસો. વારંવાર ઉપયોગમાં લેવાતા સંપર્કોને સેવ કરી રાખો જેથી ટાઇપિંગની ભૂલો ઘટે. ઉપરાંત, પેમેન્ટ કન્ફર્મેશન (ચુકવણીની પુષ્ટિ) વિકલ્પ ચાલુ રાખો અને મોટી રકમની ખોટી ટ્રાન્સફર થવાની શક્યતા ઘટાડવા માટે ટ્રાન્ઝેક્શન લિમિટ નક્કી કરો.

વેનેઝુએલાના તેલથી અમેરિકાને ફાયદો, ભારતને શું થશે નુકસાન?, વાંચવા માટે અહીં ક્લિક કરો