બ્રિટન, ગ્રેટ બ્રિટન અને યુકે વચ્ચે શું તફાવત છે ? નામને લઈને કેમ થાય છે ગુંચવણ ?

ભારતીય મીડિયા જગતમાં હાલમાં બ્રિટન સમાચારમાં ચમકી રહ્યું છે. આનું કારણ બ્રિટિશ પીએમ કીર સ્ટારમરની એક વિશાળ પ્રતિનિધિમંડળની સાથે ભારત મુલાકાત છે. મુંબઈમાં, તેમણે જાહેરાત કરી હતી કે બ્રિટન ભારતમાં નવ યુનિવર્સિટીઓ ખોલશે. પીએમ મોદી સાથેની તેમની મુલાકાત દરમિયાન, બંને નેતાઓએ વિઝન 2030 હેઠળ ભારત-યુકે સંબંધોને મજબૂત બનાવવા વિશે વાત કરી અને વેપાર કરાર પર હસ્તાક્ષર કર્યા. વિવિધ જાહેરાતોએ બ્રિટિશ પીએમની ભારત મુલાકાતને ઘણી રીતે ખાસ બનાવી છે. આવા સંજોગોમાં ઘણાલોકો બ્રિટન, ગ્રેટ બ્રિટન અને યુનાઈટેડ કિંગડમ એટલે કે યુકેને લઈને મૂંઝવણ અનુભવે છે.

બ્રિટન માટે ભારત સહિત વિશ્વના અનેક દેશમાં ઘણીવાર અલગ અલગ નામનો ઉલ્લેખ અને ઉપયોગ થાય છે. જેમ કે બ્રિટન, ગ્રેટ બ્રિટન અને યુનાઇટેડ કિંગડમ (યુકે). હવે પ્રશ્ન એ છે કે, આ ત્રણેય વચ્ચે શું તફાવત છે અને આના માટે મૂંઝવણ કેવી રીતે ઊભી થઈ? જાણો

બ્રિટન, ગ્રેટ બ્રિટન અને યુનાઇટેડ કિંગડમ વચ્ચે શો તફાવત છે?

ગ્રેટ બ્રિટન અને બ્રિટન વચ્ચે ખાસ કોઈ નોંધપાત્ર તફાવત નથી. ગ્રેટ બ્રિટન એક ભૌગોલિક શબ્દ છે. તે એક મોટો ટાપુ છે. જેમાં ત્રણ દેશોનો સમાવેશ થાય છે: ઇંગ્લેન્ડ, સ્કોટલેન્ડ અને વેલ્સ. આમ, એવું કહી શકાય કે ગ્રેટ બ્રિટન એ ઇંગ્લેન્ડ, સ્કોટલેન્ડ અને વેલ્સથી બનેલું છે.

બ્રિટન શબ્દનો ઉપયોગ રાજકીય અને બોલચાલની ભાષામાં થાય છે. પરંતુ એ નોંધવું મહત્વપૂર્ણ છે કે બ્રિટનમાં ઉત્તર આયર્લેન્ડનો સમાવેશ થતો નથી. આમ, જો તમે કહો છો, “મેં ગ્રેટ બ્રિટનની મુલાકાત લીધી,” તો તેનો અર્થ એ છે કે તમે ઇંગ્લેન્ડ, સ્કોટલેન્ડ અથવા વેલ્સમાં ક્યાંક મુલાકાત લીધી હતી.

હવે ચાલો યુકે એટલે કે, યુનાઇટેડ કિંગડમ સમજીએ. તેનું પૂરું નામ યુનાઇટેડ કિંગડમ ઓફ ગ્રેટ બ્રિટન અને ઉત્તર આયર્લેન્ડ છે. તેમાં ચાર દેશોનો સમાવેશ થાય છે: ઇંગ્લેન્ડ, સ્કોટલેન્ડ, વેલ્સ અને ઉત્તર આયર્લેન્ડ. એટલે કે, યુકે = ગ્રેટ બ્રિટન + ઉત્તર આયર્લેન્ડ.

ત્રણ નામને લઈને મૂંઝવણ શા માટે છે?

બ્રિટન, ગ્રેટ બ્રિટન અને યુકે નામની આસપાસની મૂંઝવણનું કોઈ એક કારણ નથી. આ મૂંઝવણમાં વધારો કરતા ઘણા પરિબળો છે. ચાલો કારણો સમજીએ. બ્રિટનનું કોઈ સત્તાવાર નામ નથી. આ જ કારણ છે કે લોકો ગ્રેટ બ્રિટન અને યુકે બંનેનો એકબીજાના બદલે ઉપયોગ કરે છે. ઉદાહરણ તરીકે, રમતગમતમાં, “ટીમ બ્રિટન” શબ્દનો ઉપયોગ થાય છે, જેના કારણે તેમની વચ્ચે તફાવત કરવો મુશ્કેલ બને છે.

ઓલિમ્પિકમાં, રમતવીરોની ટીમ ગ્રેટ બ્રિટન નામથી સ્પર્ધામાં ઉતરે છે, પરંતુ તેમાં ઉત્તર આયર્લેન્ડના કેટલાક ખેલાડીઓનો સમાવેશ થાય છે. ગ્રેટ બ્રિટન એક ભૌગોલિક નામ છે, જ્યારે યુનાઇટેડ કિંગડમ એક રાજકીય નામ છે. જો કે, લોકો ઘણીવાર બંનેને લઈને અનેક મૂંઝવણમાં મૂકાય છે, ભલે તેમના અર્થ અલગ હોય. અંગ્રેજી નામોનો ઉપયોગ કરવાની આદત પણ મૂંઝવણ વધારે છે. ઉદાહરણ તરીકે, લોકો ઘણીવાર “હું યુકેથી છું,” “હું બ્રિટનથી છું,” અને “હું ગ્રેટ બ્રિટનથી છું,” હવે જે લોકો બહારના છે તે લોકો ધારે છે કે આ બધા તો એક જ નામ છે, પછી ભલે ને તેઓ ખરેખર અલગ અલગ હોય.

આ જ કારણ છે કે, ત્રણેય નામ અલગ હોવા છતાં, મૂંઝવણ ઊભી થાય છે. દરેકની પોતાની ઓળખ અને મહત્વ છે, અને આ સમજવાની ખાસ જરૂર છે.

બ્રિટન, ગ્રેટ બ્રિટન, યુનાઈટેડ કિંગડમને લગતા તમામ સમાચાર જાણવા માટે તમે અહીં ક્લિક કરો.