આધાર કાર્ડ અસલી છે કે નકલી? ચેક કરવા માટે આ છે સરળ રીત

આજના સમયમાં કોઈપણ સરકારી કે બિનસરકારી કામ માટે આધાર કાર્ડ સૌથી મહત્વપૂર્ણ દસ્તાવેજ છે. સિમ કાર્ડ મેળવવાથી લઈને બેંક ખાતું ખોલાવવા સુધીની ઘણી બધી સેવાઓ માટે તે જરૂરી છે. આધારનો 12 અંકનો નંબર કોઈપણ ભારતીય નાગરિક માટે ઓળખના પુરાવા તરીકે કામ કરે છે.

જો તમારી પાસે આધાર કાર્ડ છે, તો તે અસલી છે કે નકલી તેની ખાતરી કરવી મહત્વપૂર્ણ છે. નકલી આધાર કાર્ડ તમને સરકારી લાભોથી વંચિત રાખવાની સાથે મુશ્કેલીનું કારણ પણ બની શકે છે. તેથી તમારા આધાર કાર્ડની અધિકૃતતાની પુષ્ટિ કરવા માટે તેની ચકાસણી કરવી મહત્વપૂર્ણ છે.

તમારું આધાર કાર્ડ ચકાસવા માટે, તમે ઓનલાઈન કે ઓફલાઈન કોઈપણ વિકલ્પનો ઉપયોગ કરી શકો છો. તમને જણાવી દઈએ કે યુનિક આઈડેન્ટિફિકેશન ઓથોરિટી ઓફ ઈન્ડિયા (UIDAI) આધાર કાર્ડ જારી કરવા માટે જવાબદાર છે અને તેણે ગ્રાહકોને ચકાસણીની બંને પદ્ધતિઓ ઉપલબ્ધ કરાવી છે, જેથી કોઈને કોઈ સમસ્યાનો સામનો ન કરવો પડે.

આધાર કાર્ડ ઓનલાઈન કેવી રીતે વેરીફાઈ કરવું?

• સૌપ્રથમ UIDAIની વેબસાઈટ પર જાઓ.
• અહીં “માય આધાર” ઓપ્શન પર ક્લિક કરો.
• ત્યાર બાદ “સર્વિસ” ઓપ્શનમાંથી “Verify an Aadhaar Number” પસંદ કરો.
• ત્યાર બાદ તમારો આધાર નંબર અને કેપ્ચા દાખલ કરો.
• હવે “Verify Aadhaar” પર ક્લિક કરો.
• જો તમારું આધાર કાર્ડ અસલી છે તો વેબસાઈટ પર “EXISTS” દર્શાવશે.
• જો તે નકલી હશે તો એક એરર મેસેજ દેખાશે.

આધાર કાર્ડ ઓફલાઈન વેરીફાઈ કરવાની રીત

તમે આધાર કાર્ડ પર ડિજિટલ હસ્તાક્ષર ચકાસવા માટે QR કોડ સ્કેનરનો ઉપયોગ કરી શકો છો અથવા તમે mAadhaar એપ દ્વારા કાર્ડને પ્રમાણિત કરી શકો છો. આ પદ્ધતિઓ ઝડપી અને સરળ છે અને ખાતરી કરે છે કે તમારું આધાર કાર્ડ અસલી છે અને કોઈપણ જરૂરી સેવાઓ માટે સ્વીકારવામાં આવશે.

આ પણ વાંચો Paytm માટે આવ્યા રાહતના સમાચાર, અમેરિકન કંપની મોર્ગન સ્ટેનલીએ પેટીએમના 50 લાખ શેર ખરીદ્યા