USA Shooting: મિનેસોટાના ‘મોલ ઑફ અમેરિકા’માં જોરદાર ગોળીબાર થતા નાસભાગ મચી ગઇ
પોલીસ ઘટના સમયે આસપાસ હાજર લોકોની પૂછપરછ કરીને શંકાસ્પદ બંદૂકધારીને શોધવાનો પ્રયાસ કરી રહી છે. જો કે, હજુ સુધી તેના સંબંધમાં કોઈ માહિતી પ્રાપ્ત થઈ નથી.
અમેરિકા (USA) માં ‘ગન કંટ્રોલ લો’ લાગુ થવા છતાં બંદૂકની હિંસાની ઘટનાઓ ચાલુ છે. હવે નવી ઘટના મિનેસોટાના બ્લૂમિંગ્ટનથી સામે આવી છે. જ્યાં અમેરિકાના મોલમાં જબરદસ્ત ગોળીબાર થયો છે. બ્લૂમિંગ્ટન પોલીસે જણાવ્યું હતું કે ગોળીબારની ઘટના બાદ શંકાસ્પદ હુમલાખોર ઘટના સ્થળેથી ભાગી ગયો હતો. જેથી કોઈ પકડાઈ શક્યું ન હતું. પોલીસ ઘટના સમયે આસપાસ હાજર લોકોની પૂછપરછ કરીને શંકાસ્પદ બંદૂકધારીને શોધવાનો પ્રયાસ કરી રહી છે. જો કે હજુ સુધી તેના સંબંધમાં કોઈ માહિતી પ્રાપ્ત થઈ નથી.
પોલીસે જણાવ્યું કે આ ઘટના ગુરુવારે સાંજે લગભગ 6 વાગે બની હતી. હુમલાખોરે મોલની અંદર ઓછામાં ઓછી ત્રણ ગોળીઓ ચલાવી હતી. ત્યાર બાદ આસપાસ હાજર લોકો અને દુકાનદારો મોલની અંદર દરેક જગ્યાએ છુપાઈ ગયા હતા. પોલીસે જણાવ્યું કે આ ઘટના બાદ કેમ્પસમાં પ્રવૃત્તિઓ થોડા સમય માટે સ્થગિત કરવામાં આવી હતી. જોકે બંદૂકધારી ભાગી જવામાં સફળ રહ્યો હતો. આ ઘટના સાથે જોડાયેલા ઘણા વીડિયો સોશિયલ મીડિયા પર ઝડપથી વાયરલ થઈ રહ્યા છે. ઘણા પ્રત્યક્ષદર્શીઓએ વીડિયો પણ શેર કર્યો છે. જેમાં લોકો પોતાનો જીવ બચાવતા ભાગતા જોઈ શકાય છે. ફાયરિંગ બાદ ઘણા લોકો મોલના ખૂણામાં છુપાયેલા જોવા મળ્યા હતા. એક વિડિયો ફૂટેજમાં બ્લૂમિંગ્ટન પોલીસ બંદૂકધારીને શોધી રહી છે.
વોશિંગ્ટનમાં પણ થઇ ગોળીબારી
પોલીસે જણાવ્યું કે આ ઘટનામાં હજુ સુધી કોઈ જાનહાની થઈ નથી. તો સ્થળ પર હાજર લોકોએ જણાવ્યું કે, તેઓએ ગોળીબારનો અવાજ સાંભળ્યો. એક પ્રત્યક્ષદર્શી જોડીસ પિયરે કહ્યું કે, ‘અમે નાઇકી સ્ટોરમાં જઈ રહ્યા હતા. આ દરમિયાન અમે જોરદાર હંગામો સાંભળ્યો. ત્યાર બાદ એક પછી એક ગોળીબારના અવાજો આવ્યા. ત્યાર બાદ અમે બહારની તરફ દોડ્યા. નોંધનીય છે કે સોમવારે પણ અમેરિકામાં ફાયરિંગની ઘટના સામે આવી હતી. સોમવારે ઉત્તરપૂર્વીય વોશિંગ્ટનમાં ગોળીબાર થયો હતો. જેમાં ઘણા લોકો માર્યા ગયા હતા.
We have secured the scene at the Mall of America and can confirm that shots were fired. This is an isolated incident. The suspect fled the MOA on foot and officers are in the process of interviewing witnesses. At this time we have not located a victim.
— Bloomington Police (@BPD_MN) August 4, 2022
પોલીસે આ ઘટના અંગે જણાવ્યું હતું કે, ફાયરિંગમાં ઓછામાં ઓછા 6 લોકોને ગોળી વાગી હતી. તમને જણાવી દઈએ કે અમેરિકામાં બંદૂકની હિંસા રોકવા માટે ‘ગન કંટ્રોલ લો’ લાવવામાં આવ્યો છે. જો કે તેમ છતાં સતત ફાયરિંગની ઘટનાઓ સામે આવી છે. આ વર્ષે અમેરિકામાં ગોળીબારની 300થી વધુ ઘટનાઓ બની છે.