USA: અફઘાનિસ્તાન સંકટ પર વ્હાઇટ હાઉસની બહાર લોકોએ કર્યો વિરોધ, ‘બાઈડેને કર્યો વિશ્વાસઘાત’ એવા સૂત્રોચ્ચાર કર્યા

અફઘાનિસ્તાન (Afghanistan) સાથે જોડાયેલા લોકોએ રવિવારે વ્હાઈટ હાઉસની (White House) બહાર પ્રદર્શન કર્યું હતું. પ્રદર્શનકારીઓએ રાષ્ટ્રપતિ જો બાઈડન (Joe Biden) પર યુદ્ધગ્રસ્ત દેશના લોકો સાથે વિશ્વાસઘાત કરવાનો આરોપ લગાવ્યો હતો અને પાકિસ્તાન પર પ્રતિબંધની માંગ કરી હતી. આ દરમિયાન ‘બાઈડને અફઘાનિસ્તાનને દગો આપ્યો’નો સૂત્રોચ્ચાર પણ કરવામાં આવ્યો હતો. આ દેખાવો ત્યારે થઈ રહ્યો છે.

જ્યારે તાલિબાનને કાબુલમાં રાષ્ટ્રપતિ ભવન સોંપવામાં આવ્યું હતું. રાષ્ટ્રપતિ અશરફ ગની (Ashraf Ghani) સહિત દેશના અગ્રણી અધિકારીઓ દેશ છોડીને ભાગી ગયા છે. ત્યારથી લડવૈયાઓ રાષ્ટ્રપતિ ભવનમાં જોઈ શકાય છે.

વ્હાઈટ હાઉસના ટોચના સલાહકારો ચર્ચા કરી રહ્યા છે કે, રાષ્ટ્રપતિ બાઈડેને અફઘાનિસ્તાનમાં ગહન સંકટને કેવી રીતે ઉકેલવું જોઈએ. અધિકારીઓએ આ અંગે માહિતી આપી છે. પરંતુ કેમ્પ ડેવિડ ખાતે આયોજિત ઓગસ્ટ વેકેશન બાદ રાષ્ટ્રપતિ વોશિંગ્ટન પરત ફરશે કે, કેમ તે અંગે હજુ સુધી કોઈ અંતિમ નિર્ણય લેવામાં આવ્યો નથી. રાષ્ટ્રપતિ જો બાઈડેને રવિવારે અફઘાનિસ્તાનમાં વધારાના 1,000 અમેરિકી સૈનિકો તૈનાત કરવાનો નિર્ણય કર્યો છે. આ રીતે, સલામત સ્થળાંતરની ખાતરી કરવા માટે લગભગ 6,000 સૈનિકો તૈનાત કરવામાં આવ્યા છે.

આંદોલનકારીઓએ પોતાની પીડા વ્યક્ત કરી હતી

એક ન્યૂઝ એજન્સી સાથે વાત કરતા એક પ્રદર્શનકારી ફરઝના હાફિઝાએ કહ્યું કે, અફઘાનિસ્તાનની મહિલાઓને આઝાદી નહીં હોય. અમે બુરખા પર પાછા જવા માંગતા નથી કારણ કે, તે સ્વતંત્રતા નથી. હાફિઝા ઉત્તર વર્જિનિયામાં રહે છે. પરંતુ તેનું વતન અફઘાનિસ્તાન છે. તેણીએ કહ્યું કે, મારો પરિવાર ત્યાં છે અને હું દર મિનિટે મરી રહી છું. તેણે કહ્યું, હું ગઈકાલ રાતથી સૂતી નથી.

Afghan-Americans are gathering near the White House after the loss of Kabul to the Taliban. “Afghanistan is bleeding, don’t let history repeat itself,” they’re chanting.

One of the signs out here: “We will never forget how you sold our people and left our families to die.” pic.twitter.com/8d0PrHRimq

— Alejandro Alvarez (@aletweetsnews) August 15, 2021

મારા લોકો માટે આ આપત્તિ છે. હું ઉંઘી શકતી નથી. હાફિઝાનું કહેવું છે કે, તેનો 21 વર્ષનો ભત્રીજો અફઘાનિસ્તાન ભાગી જવાની અણી પર છે. તેઓએ કહ્યું કે, તેને તેનો વિઝા મળી ગયો છે અને તે અમારી પાસે આવશે, પરંતુ હવે અમને ખબર નથી કે તેનું ભવિષ્ય શું છે.

પાકિસ્તાન પ્રાયોજિત આતંકની નિંદા

વિરોધમાં ભેગા થયેલા ઘણા લોકોએ કહ્યું કે, તેઓ પશ્ચિમી શક્તિઓની સફળતા પર વિશ્વાસ કરે છે અને આશા સાથે જીવે છે કે એક દિવસ અમેરિકા પાકિસ્તાન સામે તેની કથિત દ્વિપક્ષી અને પ્રોક્સી વોર માટે કાર્યવાહી કરશે. ડાયસ્પોરાએ અફઘાનિસ્તાનમાં કથિત પાકિસ્તાન પ્રાયોજિત આતંકવાદની એકતા કરી અને તેની નિંદા કરી.

એક પ્રદર્શનકારીએ કહ્યું કે, પાકિસ્તાન તાલિબાનને મદદ કરે છે અને વિશ્વને આ માટે જાગવાની જરૂર છે. નોંધપાત્ર બાબત એ છે કે, પાકિસ્તાન પર લાંબા સમયથી તાલિબાનને તેની ધરતી પરથી પ્રોત્સાહિત કરવાનો આરોપ છે.

આ પણ વાંચો: AIL Recruitment 2021: એર ઇન્ડિયામાં આસિસ્ટન્ટ મેનેજર સહિત અનેક પદ પર નોકરી મેળવવાની તક, આ રીતે અરજી કરો

આ પણ વાંચો: CRPF Recruitment 2021: CRPFમાં પેરામેડિકલ સ્ટાફની 2439 જગ્યાઓ માટે જાહેર થઈ ભરતી, જાણો સિલેક્શનની સમગ્ર પ્રક્રિયા