US military: અમેરિકાના ડ્રોન હુમલામાં ઈસ્લામિક સ્ટેટ સીરિયાના પ્રમુખનું મોત

અમેરિકાના ડ્રોન હુમલામાં ઈસ્લામિક સ્ટેટ (Islamic State) સીરિયાના પ્રમુખનું મોત થયું છે. પેન્ટાગોને (Pentagon) જાણકારી આપી છે. અમેરિકી મીડિયા મુજબ સીરિયામાં (Syria) ઈસ્લામિક સ્ટેટનો ટોપના નેતા મહેર અલ-અગલનું મંગળવારે સવારે અમેરિકી હવાઈ હુમલામાં મોત થયું છે. પેન્ટાગોન સેન્ટ્રલ કમાન્ડના પ્રવક્તાએ એએફપીને જણાવ્યું હતું કે સીરિયામાં જિંન્દારિસ નજીક મોટરસાઈકલ ચલાવતી વખતે મહેર અલ-અગલનું મૃત્યુ થયું હતું અને તેનો એક સહયોગી ગંભીર રીતે ઘાયલ થયો હતો.

યુએસ સેન્ટ્રલ કમાન્ડ સેન્ટકોમના પ્રવક્તાના જણાવ્યા મુજબ મહેર અલ-અગલ આઈએસઆઈએસના ટોપના ચાર નેતાઓમાંનો એક હતો. નિવેદન મુજબ એક અલ-એગલ ડેપ્યુટીને પણ નિશાન બનાવવામાં આવ્યું હતું. પરંતુ તે સ્પષ્ટ નથી થયું કે તે માર્યો ગયો કે ઘાયલ થયો. તેના સફળ અમલને સુનિશ્ચિત કરવા માટે આ ઓપરેશનમાં વ્યાપક આયોજન કરવામાં આવ્યું હતું. પ્રારંભિક સમીક્ષા સૂચવે છે કે કોઈ નાગરિકને જાનહાનિ થઈ નથી.

સીરિયાઈ નાગરિક સુરક્ષા દળે શું કહ્યું?

સીરિયન ઓબ્ઝર્વેટરી ફોર હ્યુમન રાઈટ્સે પણ પુષ્ટિ કરી છે કે અગલ ડ્રોન હુમલામાં માર્યો ગયો હતો. સીરિયાઈ નાગરિક સુરક્ષા દળે જણાવ્યું હતું કે અલેપ્પોની બહાર એક મોટરસાઈકલને નિશાન બનાવતા હુમલામાં એક વ્યક્તિનું મોત થયું હતું અને અન્ય ઘાયલ થયો હતો, પરંતુ પીડિતોની ઓળખ કરી નથી.

આ પણ વાંચો

આ હુમલો ઉત્તર સીરિયાના અતમે શહેર પર અમેરિકાના હુમલાના પાંચ મહિના પછી થયા છે, જેમાં ઈસ્લામિક સ્ટેટના નેતા અબુ ઈબ્રાહિમ અલ-કુર્શી માર્યા ગયા હતા. અમેરિકી અધિકારીઓએ જણાવ્યું હતું કે કુરેશીએ પકડવાથી બચવા બોમ્બ વિસ્ફોટ કર્યો, ત્યારે તેનું મૃત્યુ થયું હતું. હુમલાના આ સમાચાર અમેરિકી રાષ્ટ્રપતિ જો બાઈડેનની મધ્ય પૂર્વની મુલાકાત પહેલા આવ્યા છે. સાઉદી અરેબિયા જતા પહેલા તેઓ બુધવારે ઈઝરાયેલમાં મળવાના છે.

યુનાઇટેડ સ્ટેટ્સ પાસે સીરિયામાં આશરે 900 સૈનિકો છે, મોટાભાગે દેશના પૂર્વમાં એક દાયકાના ગૃહયુદ્ધથી વિભાજિત છે, પરંતુ પ્રમુખ જો બાઈડેનના વહીવટીતંત્રે હજુ સુધી આઠ વર્ષ જૂના મિશન માટેની તેની લાંબા ગાળાની યોજનાની વિગતો આપી નથી.