સડકછાપ ટપોરી પણ જાહેરમાં બોલતા પરહેઝ કરે એવી ભદ્દી કોમેન્ટ અમેરિકાના ‘સનકી’ રાષ્ટ્રપ્રતિ ટ્રમ્પે સાઉદી ક્રાઉન પ્રિન્સ વિશે કરી?- વાંચો

શું ટ્રમ્પનું ચસકી ગયુ છે? આ સવાલ એટલે કરાઈ રહ્યો છે કારણ કે રોજ મીડિયા સમક્ષ આવીને ટ્રમ્પ જે બેજવાબદાર નિવેદનો કરી રહ્યા છે તેને જોતા તો હવે વિશ્વના દેશો તેને મેડમેન થિયરી જ ગણાવી રહ્યા છે. ટ્રમ્પ હવે પાગલપનની (ગાંડપણ) હદ વટાવી રહ્યા છે. શુક્રવારે સાંજે જે પ્રકારની વાતો તેમણે મીડિયા સમક્ષ કરી છે તે સાંભળીને એ વહેમ તો નીકળી જ જશે કે ટ્રમ્પ હવે હોશમાં છે. જે પ્રકારની ભદ્દી, વાહિયાત છેલ્લી કક્ષાની વાતો તે  જાહેરમાં કરે છે. તેને આજના કોન્ટેન્ટ ક્રિએશનના સમયમાં એડલ્ટ કેટેગરીમાં રાખવામાં આવતી સામગ્રી ગણવામાં આવે છે. આવી વાતોને OTT પર પણ Age રિસ્ટ્રીક્શન (ઉમર મર્યાદા) સાથે મુકવામાં આવે છે. તેને ટ્રમ્પ ખુલ્લેઆમ દુનિયાની સામે પ્રસ્તુત કરી રહ્યા છે. ચાહે સેક્સ સંબંધી કોઈ વાતો હોય કે સાઉદી ક્રાઉન પ્રિન્સ વિશે તેણે વાપરેલા અશ્લિલ શબ્દો હોય..

સાઉદી ક્રાઉન પ્રિન્સ વિશે અત્યંત ભદ્દી મજાક

શુક્રવારે સાંજે ફ્લોરિડામાં ફ્યુચર ઈન્વેસ્ટમેન્ટ ઈનિશિએટિવ પ્રાયોરિટી સમિટ બાદ પત્રકારો સાથેની વાતચીતમાં ટ્રમ્પ ભદ્દી વાતો કરે છે. સાઉદી અરબના પ્રિન્સ સલમાન બિન જાયેદ વિશે તેમણે એવી ભદ્દી, અશ્લિલ મજાક કરી કે અહીં લખી શકાય તેમ પણ નથી. (અહી આપેલ X પોસ્ટમાં સાંભળી શકો છો) આ એજ ટ્રમ્પ છે જે તેની બીજી ટર્મમાં આવતાની સાથે જ પહેલી યાત્રા પર સાઉદી અરબ ગયા અને તેને મિત્ર ગણાવ્યા અને તેના વિશે આવા ઓબસીન શબ્દોનો પ્રયોગ કરવો એ તેની હલકી માનસિક્તાને છતી કરે છે. અત્યાર સુધીમાં ટ્રમ્પે તેના અનેક સહયોગીઓ વિશે જાહેરમાં મજાક કરી ચુક્યા છે. જર્મનીના ચાન્સેલર, યુરોપને લઈને ગ્રીનલેન્ડની મજાક, નાટો, ઝેલેન્સ્કી, ઝાપાનના પીએમ, તુર્કીયના રાષ્ટ્રપતિ કોઈને તેમણે છોડ્યા નથી. પશ્ચિમ એશિયાના દેશો જે અત્યાર સુધી અમેરિકાની છત્રછાયામાં હતા, દુનિયામાં OIC માં ખુદને મજબુત દર્શાવે છે, ટ્રમ્પે તેમને પણ અરીસો બતાવી દીધો કે અમેરિકા વિના તમારી કોઈ ઓકાત નથી.

Who needs allies?

Trump talking about Saudi Crown Prince Mohammed Bin Salman:

“He didn’t think he would be kissing my ass, he really didn’t. And now he has to be nice to me. He better be nice to me.” pic.twitter.com/jRPBJSVrvO

— Terry Moran (@TerryMoran) March 28, 2026

જે સાઉદી અરેબિયાએ તેમને 600 બિલિયન ડોલરના રોકાણ અને ભવ્ય સન્માન સાથે આવકાર્યા હતા, તેમના નેતા વિશે ટ્રમ્પે કહ્યું કે તેઓ તેમના આદેશોનું પાલન કરે છે અને અપમાનજનક રીતે તેમની મજાક ઉડાવી. પ્રિન્સ સલમાન વિશે ભદ્દી કોમેન્ટ વિચાર્યા વિના કરી નાખે છે. ત્યારે દુનિયાભરમાંથી પ્રતિક્રિયાઓ આવી રહી છે. મુસ્લિમ દેશોએ જ્યારે સાઉદી અરબને લીડરની ભૂમિકામાં રાખ્યુ હોય અને સાઉદી અરબે અમેરિકાને એ દરજ્જો આપ્યો હોય ત્યારે ટ્રમ્પ માત્ર સાઉદી પ્રિન્સનો જ નહીં પરંતુ સંયુક્ત રીતે મુસ્લિમ વર્લ્ડનો મજાક બનાવી રહ્યા છે.

ટ્રમ્પની આ પ્રકારની વાતોથી એક પ્રશ્ન ઉદ્દભવે છે કે જે વ્યક્તિના નિર્ણયોને કારણે આજે સમગ્ર વિશ્વ દંડાઈ રહ્યુ છે, હાલાકી ભોગવી રહ્યુ છે. ઈરાન ઈઝરાયેલ અમેરિકા યુદ્ધને કારણે સમગ્ર વિશ્વ મુશ્કેલીમાં મુકાઈ ગયુ છે. તેનો હાલ ટ્રમ્પ આનંદ લઈ રહ્યા છે, ત્યારે આ વ્યક્તિ કેટલો ઘાતક છે, તે સાબિત થાય છે. ટ્રમ્પનું વર્તન કોઈ સનકી રાજાથી જરા પણ ઓછુ નથી અને આ જ કારણ છે કે હાલ આ વ્યક્તિથી ત્રસ્ત ખુદ અમેરિકાની જનતા આ સનકી રાજાને હટાવવા મોટાપાયે પ્રદર્શનો કરી રહી છે.

ટ્રમ્પની ‘મેડમેન થિયરી’

આ વ્યક્તિએ માત્ર તેની જીદને પોષવા માટે સમગ્ર વિશ્વમાં અરાજક્તામાં ધકેલી દીધુ છે. ટ્રમ્પની આ મેડમેન થિયરીને પૂર્વ અમેરિકી રાષ્ટ્રપતિ રિચર્ડ નિક્સન સાથે જોડીને જોવામાં આવી રહી છે. હાલ ટ્રમ્પનું સનકીપણાની ચર્ચા રોજ હેડલાઈન બની રહી છે. હાલ ઈરાન-ઈઝરાયેલ અમેરિકા યુદ્ધને એક 32 દિવસ થવા જાય છે. સંઘર્ષ અટકી નથી રહ્યો. પરંતુ ટ્રમ્પ ખુદને વિજેતા ઘોષિત કરવામાંથી ઉંચા નથી આવી રહ્યા.

“હું એ રાજનેતાઓ જેવો નથી જે સવાલોથી ભાગે છે, તમે મને કંઈપણ પૂછી શકો”

ફ્યુચર ઈન્વેસ્ટમેન્ટ ઈનિશિએટિવ પ્રાયોરિટી સમિટ બાદ દુનિયા ભવિષ્યમાં ક્યાં રોકાણ કરે એ બાબતે ચર્ચા ચાલી રહી છે અને ટ્રમ્પ મહાશય પત્રકારોને કહે છે કે તમે મને કંઈપણ પૂછી શકો છો, તમે સેક્સ વિશે પણ પૂછી શકો છો. આ વ્યક્તિ અમેરિકાનો રાષ્ટ્રપતિ છે. ચોક્કસપણે તેને પૂછાવુ જોઈએ કારણ કે એપસ્ટાઈન ફાઈલમાં તેની ફાઈલનું શું થયુ? એપસ્ટાઈન સાથે શું સંબંધો હતા? કેવી રીતે એપસ્ટિન ટ્રમ્પનું અને ટ્રમ્પ જેવાઓનું મનોરંજન કરતો હતો.

Trump: “You can ask me anything you want. You can talk sex. Whatever the hell you want” pic.twitter.com/4Emk8V0doF

— Republicans against Trump (@RpsAgainstTrump) March 27, 2026

દુનિયાના નક્શામાં એકમાત્ર અમેરિકા એવો દેશ રહ્યો છે જે અનેક રેફરન્સ સ્થાપિત કરનારો રહ્યો છે. જેમા લોકશાહી, અભિવ્યક્તિની સ્વતંત્રતા, હ્યુમન રાઈટ્સ, ગ્લોબલ પીસ કે WTO ના નિયમોની વાત હોય. આ તમામ સ્તરે અમેરિકા હંમેશા એક ટોર્ચ બેરરની ભૂમિકામાં અત્યાર સુધી રહ્યુ છે. પરંતુ ટ્રમ્પ અમેરિકાની આબરુને સરેઆમ નીલામ કરી રહ્યા છે. બટકબોલા ટ્રમ્પને ગુજરાતીમાં કહેવુ હોય તો ભડભડીયા કહી શકાય. કોઈપણ બાબતે રિએક્ટ કરવામાં ઉતાવળ કરી નાખે છે અને હવે તો એટલી હદ વટાવી દીધી છે કે હવે કોઈ તેને સિરીયસલી પણ લેતા નથી.

ટ્રમ્પનું આ ક્યા પ્રકારનું ગાંડપણ છે?

આટલું જ નહીં, ટ્રમ્પે એક અજીબ નિવેદન આપતા કહ્યું કે તેમને ‘લુઝર્સ’ (હારનારા લોકો) સાથે રહેવું ગમે છે કારણ કે સફળ લોકો પોતાની સિદ્ધિઓ ગણાવે છે, જ્યારે લુઝર્સ તેમની (ટ્રમ્પની) સફળતાની વાતો સાંભળે છે. આ નિવેદનને કારણે પાકિસ્તાનના નેતાઓ સાથેના તેમના સંબંધો પર પણ લોકોએ કટાક્ષ કરવાનું શરૂ કર્યું છે. કદાચ આ જ કારણ છે કે પાકિસ્તાનની સેના પ્રમુખ આસિમ મુનીર અને શાહબાઝ શરીફની સાથે રહે છે. કારણ કે એમને તો લુઝર્સ સાથે રહેવુ ગમે છે.

Trump: I always like to hang around with losers because it makes be feel better pic.twitter.com/DlyuXQtXQP

— Republicans against Trump (@RpsAgainstTrump) March 27, 2026

નેક્સ્ટ ટાર્ગેટ ક્યુબા અને પાછો વૈશ્વિક શાંતિનો દાવો

ટ્રમ્પ કંઈ વિચાર્યા વિના પત્રકારોને કહે છે Cuba is next By the way. પછી કહે કે કે આ વાતને ભૂલી જજો. મે કંઈ નથી કહ્યુ એમ જ સમજજો. આનાથી એટલુ તો સમજમાં આવી જ ગયુ હશે કે હવે તેઓ ક્યુબા પર હુમલો કરશે. આ પહેલીવાર નથી. ફેબ્રુઆરી 1,2,,27, માર્ચ 17 એ ટ્રમ્પ ક્યુબા વિશે બોલી ચુક્યા છે. હવે ફરી કહ્યુ ક્યુબા નેક્સ્ટ. એટલે કે વેનેઝુએલા બાદ ઈરાન અને હવે ક્યુબા. એકસમયે પીસ પ્રેસિડેન્ટ ની ભૂમિકામાં આવનાર ટ્રમ્પ દુનિયાને યુદ્ધની અરાજક્તામાં ધકેલી રહ્યા છે.

Trump “Cuba is next, by the way” pic.twitter.com/P6SSVy8A4G

— Republicans against Trump (@RpsAgainstTrump) March 27, 2026

ટ્રમ્પની આત્મમુગ્ધતા (Narcissism) એટલી હદે પહોંચી છે કે તેમણે ‘સ્ટ્રેટ ઓફ હોર્મુઝ ને ભૂલથી ‘સ્ટ્રેટ ઓફ ટ્રમ્પ’ તરીકે સંબોધવાનું શરૂ કર્યું છે. પછી કહે છે I’m Sorry Strait of Trump, નહીં હું સ્ટ્રેટ ઓફ હોર્મુઝની વાત કરી રહ્યો છુ. જે પ્રકારે તેમણે ગલ્ફ ઓફ મેક્સિકોને ગલ્ફ ઓફ અમેરિકા કહેવાનું શરૂ કર્યુ હતુ એ જ પ્રકારે હોર્મુઝને સ્ટ્રેટ ઓફ ટ્રમ્પ ગણાવી દીધુ. આત્મમુગ્ધતામાં ડૂબેલા ટ્રમ્પને હવે દુનિયા પાગલ કરાર ન આપે તો શું કરે?

Trump: “Iran has to open up the Strait of Trump. I mean Hormuz. I’m So sorry” pic.twitter.com/AFQy5KwO29

— Republicans against Trump (@RpsAgainstTrump) March 27, 2026

હાલ જ્યારે દુનિયા તેમની નીતિઓને કારણે ઈંધણ અને આર્થિક કટોકટીનો સામનો કરી રહી છે, ત્યારે તેઓ આ ગંભીર મુદ્દાઓને મજાકમાં ઉડાવી રહ્યા છે. તેની નીતિઓ, તેના ખોટા નિર્ણયોને કારણે, તેણે થોપેલી અશાંતિને કારણે સેંકડો લોકોને પેટ્રોલ-ડીઝલ, LPG ની લાઈનોમાં ઉભુ રહેવુ પડી રહ્યુ છે. અનેક ઉદ્યોગો ઠપ્પ થઈ ગયા છે. પરંતુ ટ્રમ્પ તેના અહંકારમાં જ મસ્ત છે.

અમેરિકન અર્થતંત્રમાં કડાકો અને જનતાનો આક્રોશ

ટ્રમ્પના આ આચરણની સીધી અસર અર્થતંત્ર પર જોવા મળી રહી છે. અમેરિકાની ટોચની 500 કંપનીઓના સ્ટોક (S&P 500) 1.7% સુધી ગબડી ગયા છે, જેના કારણે બજારને અંદાજે 4.8 ટ્રિલિયન ડોલરનું નુકસાન થયું છે. આ આર્થિક પાયમાલી વચ્ચે પણ ટ્રમ્પ પોતાની જીતના દાવાઓ કરી રહ્યા છે અને સાર્વજનિક સ્થળોએ ડાન્સ કરતા જોવા મળે છે. બીજી તરફ, અમેરિકાના ઇતિહાસમાં 165 વર્ષ બાદ પ્રથમ વખત એવું બનવા જઈ રહ્યું છે કે ડોલરની નોટો પર રાષ્ટ્રપતિના (ટ્રમ્પના) હસ્તાક્ષર (Signature) લેવામાં આવશે, જેનો આદેશ ટ્રમ્પે પોતે જ આપ્યો છે.

In a few years, people will pretend they never supported Trump. It’s already happening. pic.twitter.com/xYIzc1HuuK

— Republicans against Trump (@RpsAgainstTrump) March 30, 2026

‘NO KINGS’ પ્રોટેસ્ટ સાથે અમેરિકાની જનતા રસ્તા પર ઉતરી

ટ્રમ્પના સનકી વલણ સામે અમેરિકામાં અત્યાર સુધીના સૌથી મોટા વિરોધ પ્રદર્શનો શરૂ થયા છે. આ આંદોલનને ‘નો કિંગ્સ પ્રોટેસ્ટ’ (No Kings Protest) નામ આપવામાં આવ્યું છે. અમેરિકાના 50 રાજ્યોમાં 3100 થી વધુ સ્થળોએ અંદાજે 90 લાખ લોકો રસ્તા પર ઉતરી આવ્યા છે. લોકો હાથમાં No Kings લખેલી તખ્તીઓ લઈને સૂત્રોચ્ચાર કરી રહ્યા છે કે “અમને રાષ્ટ્રપતિ જોઈએ છે, રાજા નહીં” અને “ટ્રમ્પે અત્યારે જ પદ છોડવું જોઈએ” હવે અમેરિકાની જનતા પણ તેમના પર જબરદસ્તીથી થોપવામાં આવેલા યુદ્ધો અને ટેરિફથી કંટાળી ગઈ છે.

ઈરાનના તેલ ભંડારોની કરોડરજ્જુ ગણાતા ખર્ગ આઈલેન્ડ તરફ અમેરિકાએ 6000 સૈનિકોની કરી તૈનાતી, શું હવે જમીની હુમલો કરવાની તૈયારીમાં છે ટ્રમ્પ?