રશિયન ફાઇટર પ્લેન સાઇબિરિયામાં રહેણાંક મકાન પર ક્રેશ થયું, બે પાયલોટના મોત
રશિયાના(Russia) સાઇબેરીયન પ્રદેશના ઇરકુત્સ્કમાં રવિવારે એક રશિયન ફાઇટર જેટ(Fighter Jet) રહેણાંક મકાન પર ક્રેશ થયું હતું. જેમાં બોર્ડ પરના બંને પાઇલોટ(Piolet)માર્યા ગયા હતા. એક અઠવાડિયામાં આ બીજી ઘટના છે જ્યારે આ પ્રદેશના રહેણાંક વિસ્તારમાં ફાઇટર જેટ ક્રેશ થયું હોય
રશિયાના(Russia) સાઇબેરીયન પ્રદેશના ઇરકુત્સ્કમાં રવિવારે એક રશિયન ફાઇટર જેટ(Fighter Jet) રહેણાંક મકાન પર ક્રેશ થયું હતું. જેમાં બોર્ડ પરના બંને પાઇલોટ(Piolet)માર્યા ગયા હતા. એક અઠવાડિયામાં આ બીજી ઘટના છે જ્યારે આ પ્રદેશના રહેણાંક વિસ્તારમાં ફાઇટર જેટ ક્રેશ થયું હોય. જેમાં ઇરકુત્સ્કના ગવર્નર ઇગોર કોબજેવે જણાવ્યું હતું કે વિમાન બે માળની રહેણાંક ઇમારત સાથે અથડાયું હતું જેમાં બે પરિવારો રહે છે. આ દુર્ઘટનાને કારણે ઈમારતમાં રહેતા કોઈપણ વ્યક્તિના જાનહાનિ અંગે કોઈ માહિતી નથી.
રશિયાના કટોકટી મંત્રાલયની સ્થાનિક શાખાએ જણાવ્યું હતું કે સુખોઈ-30 ફાઇટર જેટ તાલીમ ઉડાન દરમિયાન ક્રેશ થયું હતું, જેના કારણે આગ લાગી હતી. રશિયન સોશિયલ નેટવર્ક પર પોસ્ટ કરવામાં આવેલા વિડિયોમાં ફાઈટર પ્લેન લગભગ ઊભી રીતે પડતા જોઈ શકાય છે. આ અકસ્માતના અન્ય એક વિડિયોમાં, આગની જ્વાળાઓમાં લપેટાયેલી ઇમારત અને આગને કાબૂમાં લેવા માટે તૈનાત ફાયર ફાઇટર જોઈ શકાય છે.
થોડા દિવસો પહેલા, રશિયન યુદ્ધ વિમાન યેઇસ્કમાં રહેણાંક મકાનની નજીક ક્રેશ થયું હતું, જેમાં 15 લોકોના મોત થયા હતા અને 19 અન્ય ઘાયલ થયા હતા. છ મિલિયનથી વધુની વસ્તી ધરાવતું ઇરકુત્સ્ક શહેર રશિયાનું એક મોટું ઔદ્યોગિક કેન્દ્ર છે, જ્યાં સુખોઇ-30 ફાઇટર જેટનું ઉત્પાદન થાય છે. જેમાં સુખોઈ-30 એ ટ્વીન એન્જિનનું સુપરસોનિક ફાઈટર એરક્રાફ્ટ છે જેનો ઉપયોગ રશિયન એરફોર્સ દ્વારા કરવામાં આવે છે. આ એરક્રાફ્ટ ભારત અને અન્ય ઘણા દેશોની વાયુસેનામાં પણ સામેલ છે.
Latest News Updates
