Russia Ukraine War: જાપાન પર રશિયાની મોટી કાર્યવાહી, PM કિશિદા સહિત 63 જાપાનીઓના પ્રવેશ પર લગાવ્યો પ્રતિબંધ
રશિયાએ જાપાનના વડાપ્રધાન ફ્યુમિયો કિશિદા ( PM Fumio Kishida) સહિત દેશના 63 અધિકારીઓ પર પ્રતિબંધ મૂક્યો છે. જેમાં વિદેશ મંત્રી યોશિમાસા હયાશી અને સંરક્ષણ મંત્રી નોબુઓ કિશી અને અન્ય ઘણા અધિકારીઓ સામેલ છે.
Russia Ukraine War: યુક્રેન સાથેના યુદ્ધ વચ્ચે રશિયાએ જાપાન પર મોટી કાર્યવાહી કરી છે. રશિયાએ જાપાનના વડાપ્રધાન ફ્યુમિયો કિશિદા ( PM Fumio Kishida) સહિત દેશના 63 અધિકારીઓ પર પ્રતિબંધ મૂક્યો છે. જેમાં વિદેશ મંત્રી યોશિમાસા હયાશી (Yoshimasa Hayashi) અને સંરક્ષણ મંત્રી નોબુઓ કિશી અને અન્ય ઘણા અધિકારીઓ સામેલ છે. રશિયાના વિદેશ મંત્રાલયે બુધવારે આની જાહેરાત કરી હતી. મંત્રાલયના આ પ્રતિબંધ પાછળનું કારણ અનિયંત્રિત રેટરિક હોવાનું કહેવાય છે. રશિયાના વિદેશ મંત્રાલયે કહ્યું કે આ લોકોના પ્રવેશ પર અનિશ્ચિત સમય માટે પ્રતિબંધ લગાવી દેવામાં આવ્યો છે. મંત્રાલયનું કહેવું છે કે આ લોકો મોસ્કો વિરુદ્ધ ખોટા નિવેદનો આપે છે. આ જ કારણ છે કે જાપાન સામે આ પ્રકારનું વલણ અપનાવવામાં આવ્યું છે.
તમને જણાવી દઈએ કે આ પહેલા રશિયાએ અમેરિકા પર આવી કાર્યવાહી કરી હતી. ગયા મહિને રશિયાએ યુએસ કોંગ્રેસના 398 સભ્યો સામે પ્રતિબંધોની જાહેરાત કરી હતી. ઉલ્લેખનીય છે કે, યુક્રેન પર રશિયન હુમલાને લઈને અમેરિકા, બ્રિટન, જાપાન સહિત ઘણા દેશો પુતિનની વિરુદ્ધ છે અને યુક્રેન પર રશિયન હુમલાની નિંદા કરી રહ્યા છે. પરિણામે, પુતિન આ દેશોની વિરુદ્ધ છે અને પોતાની મરજી મુજબ તેમની સામે પગલાં લે છે. જોકે, જ્યારથી રશિયાએ યુક્રેન પર હુમલો કરવાનું શરૂ કર્યું છે ત્યારથી ઘણા દેશોએ રશિયા પર વિવિધ પ્રકારના પ્રતિબંધો લગાવ્યા છે.
પ્રતિબંધોથી નારાજ રશિયા વળતો પ્રહાર કરી રહ્યું છે
જોકે, જ્યારથી રશિયાએ યુક્રેન પર હુમલો કરવાનું શરૂ કર્યું છે ત્યારથી ઘણા દેશોએ રશિયા પર વિવિધ પ્રકારના પ્રતિબંધો લગાવ્યા છે. વાસ્તવમાં, પુતિન પશ્ચિમી દેશો દ્વારા લાદવામાં આવેલા પ્રતિબંધોનો એક પછી એક જવાબ આપી રહ્યા છે. ગયા મહિને રશિયાએ બ્રિટિશ વડા પ્રધાન બોરિસ જોન્સન, વિદેશ પ્રધાન લિઝ ટ્રસ, સંરક્ષણ સચિવ બેન વોલેસ અને અન્ય 10 વરિષ્ઠ રાજકારણીઓ પર પ્રતિબંધ મૂક્યો હતો. મોસ્કોએ કહ્યું હતું કે યુક્રેન પર હુમલા બાદ બ્રિટન દ્વારા લાદવામાં આવેલા પ્રતિબંધોના જવાબમાં આ પગલું લેવામાં આવ્યું છે.
બંને દેશો વચ્ચે છેલ્લા બે મહિનાથી યુદ્ધ ચાલી રહ્યું છે
તમને જણાવી દઈએ કે રશિયા અને યુક્રેન વચ્ચે ચાલી રહેલા યુદ્ધને બે મહિનાથી વધુ સમય વીતી ગયો છે. આ યુદ્ધમાં ન તો પુતિનની સેના પીછેહઠ કરી રહી છે અને ન તો યુક્રેન હાર માની લેવા તૈયાર છે. આવી સ્થિતિમાં આ યુદ્ધ કેટલો સમય ચાલશે તે કહેવું ખરેખર મુશ્કેલ છે. આટલા દિવસોના યુદ્ધ દરમિયાન રશિયાએ યુક્રેનમાં તબાહી મચાવી છે. રશિયન હુમલામાં યુક્રેનના ઘણા શહેરો સ્મશાન ગૃહમાં ફેરવાઈ ગયા હતા. લાખો લોકોએ દેશ છોડી દીધો. ઘણી જગ્યાએ હત્યાકાંડની ઘટના સામે આવી. આ હોવા છતાં, રશિયા હજી પણ યુક્રેન પર હુમલાખોર છે.
