અષાઢી બીજે પવનના સૂસવાટા સાથે ‘ધોધમાર વરસાદ’, અસહ્ય ગરમી બાદ વાતાવરણમાં પ્રસરી ઠંડક – જુઓ Video

અમરેલી જિલ્લામાં લાંબા વિરામ બાદ ફરી એકવાર ધોધમાર વરસાદનું આગમન થયું છે. અષાઢી બીજના પવિત્ર દિવસે જ પવનના સૂસવાટા સાથે મેઘરાજાની પધરામણી થતાં સમગ્ર પંથકમાં ખુશીનો માહોલ જોવા મળી રહ્યો છે. સાવરકુંડલા, અમરેલી અને બગસરા પંથકમાં ધોધમાર વરસાદી ઝાપટું તૂટી પડ્યું હતું.

છેલ્લા કેટલાક સમયથી પડી રહેલા અસહ્ય બફારા અને ગરમી બાદ વરસાદ આવતા સ્થાનિક લોકોને ગરમીથી મોટી રાહત મળી છે. ખાસ વાત એ છે કે, આ વરસાદ બાદ વાતાવરણમાં ઠંડક પ્રસરી ગઈ છે. શહેર ઉપરાંત આસપાસના ગ્રામ્ય વિસ્તારોમાં પણ સાર્વત્રિક વરસાદ નોંધાયો છે, જેમાં વડેરા અને રંગપુર સહિતના ગામોમાં ભારે વરસાદ ખાબક્યો હતો.

આ ધોધમાર વરસાદને પગલે રસ્તાઓ પર પાણી વહી નીકળ્યા હતા, જેના કારણે રસ્તા પરથી પસાર થતા વાહન ચાલકોને ભારે હાલાકીનો સામનો કરવો પડ્યો હતો. ખૂબ જ રાહ જોયા બાદ વરસતા આ વરસાદથી ધરતીપુત્રો અને સ્થાનિક લોકોમાં ખુશીનો માહોલ જોવા મળી રહ્યો છે.

Breaking News: આફ્રિકામાં 45 કરોડની તોતિંગ ખંડણી ચૂકવ્યા બાદ આખરે મુક્ત થયા સુરતના હીરા વેપારી, 3 મહિના સુધી રખાયા હતા બંધક