Russia Ukraine War: રશિયન સૈનિકોની અત્યાચારની હદ પાર, મહિલાઓ અને બાળકો પર બળાત્કાર કર્યા બાદ પુરુષો અને છોકરાઓને બનાવી રહ્યા છે નિશાન
પૈટને (Pramila Patten) કહ્યું કે ઘણાં કેસ તપાસ હેઠળ છે. તેમણે બચેલા લોકોને આગળ આવવા વિનંતી કરી. પૈટને આંતરરાષ્ટ્રીય સમુદાયને ગુનેગારોને શોધવા અને તેમને જવાબદાર ઠેરવવા અપીલ કરી હતી.
Russia Ukraine War: યુક્રેનમાં રશિયન સૈનિકોનો (Russian Soldiers) અત્યાચાર સતત વધી રહ્યો છે. મહિલાઓ અને બાળકો પર બળાત્કાર કર્યા બાદ રશિયન સૈનિકો હવે પુરુષો અને છોકરાઓને પણ નિશાન બનાવી રહ્યા છે. સંયુક્ત રાષ્ટ્ર અને યુક્રેને આ અંગે માહિતી આપી છે. કિવમાં એક પ્રેસ કોન્ફરન્સમાં યુએનના વિશેષ પ્રતિનિધિ પ્રમિલા પૈટનને (Pramila Patten, UN special representative) ‘ધ ગાર્ડિયન’ દ્વારા ટાંકવામાં આવ્યું હતું કે, મને એવા અહેવાલો મળ્યા છે કે યુક્રેનમાં પુરુષો અને છોકરાઓ સાથે આવો વ્યવહાર કરવામાં આવે છે. જો કે, તેમણે કહ્યું કે હજુ સુધી યૌન હિંસાના કેસની ચકાસણી થઈ નથી.
પૈટને જણાવ્યું હતું કે મહિલાઓ અને છોકરીઓ માટે બળાત્કારની જાણ કરવી મુશ્કેલ હોઈ શકે છે કારણ કે તેઓ કલંક અને ડરને કારણે બોલવામાં શરમાતા હોય છે, પરંતુ પુરુષો અને છોકરાઓ માટે જાણ કરવી વધુ મુશ્કેલ છે. અમારે તમામ પીડિતો માટે જાતીય હિંસાના કેસની જાણ કરવા માટે સુરક્ષિત જગ્યા બનાવવી પડશે, એમ તેમણે જણાવ્યું હતું. તેમણે બચેલા લોકોને આગળ આવવા વિનંતી કરી. પૈટને આંતરરાષ્ટ્રીય સમુદાયને ગુનેગારોને શોધવા અને તેમને જવાબદાર ઠેરવવા હાકલ કરી હતી.
ટીમ યૌન હિંસાના પુરાવા એકત્ર કરી રહી છે
યુક્રેનના પ્રોસીક્યુટર જનરલ ઈરીના વેનેડિક્ટોવાએ મંગળવારે જણાવ્યું હતું કે તેમની ઓફિસે બાળકોથી લઈને વૃદ્ધો સુધી તમામ ઉંમરના પુરુષો અને સ્ત્રીઓ સામે રશિયન સૈનિકો દ્વારા જાતીય હિંસાનો અહેવાલ એકત્ર કર્યો છે. તેણીએ કહ્યું કે ઘણા બચી ગયેલા લોકોએ દેશ છોડી દીધો છે, જ્યારે ઘણા તેમના અનુભવો વિશે બોલવામાં ડરતા હોય છે. જો કે, ફરિયાદીઓ અને તપાસકર્તાઓની ટીમ રશિયન સૈન્યની પીછેહઠ પછી વ્યાપક જાતીય હિંસાના પુરાવા એકત્ર કરી રહી છે. સામૂહિક બળાત્કાર, ગન પોઈન્ટ હુમલાઓ અને બાળ બળાત્કાર પીડિતો અને તેમના પરિવારો પાસેથી એકત્ર કરાયેલા ગંભીર પુરાવાઓમાંના એક છે, તેમણે કહ્યું.
હત્યા પહેલા કેટલીક મહિલાઓ પર બળાત્કાર ગુજારવામાં આવ્યો હતો
ગાર્ડિયનના અહેવાલ મુજબ, દેશના માનવાધિકાર કમિશનર લ્યુડમિલા ડેનિસોવાએ સત્તાવાર રીતે 25 મહિલાઓના કેસોનું દસ્તાવેજીકરણ કર્યું છે જેમને બુચામાં ભોંયરામાં રાખવામાં આવી હતી અને બળાત્કાર કરવામાં આવ્યો હતો. રિપોર્ટ મુજબ, ફોરેન્સિક નિષ્ણાતો સામૂહિક કબરોમાં મહિલાઓના મૃતદેહોની તપાસ કરી રહ્યા છે અને તેમને પુરાવા મળ્યા છે કે રશિયન સૈનિકો દ્વારા માર્યા ગયા પહેલા કેટલીક મહિલાઓ પર બળાત્કાર કરવામાં આવ્યો હતો. આ કેસમાં યુક્રેનના તપાસકર્તાઓ દ્વારા કેટલાક રશિયન સૈનિકોની ઓળખ થઈ ચૂકી છે અને આરોપીઓ વિરુદ્ધ ધરપકડ વોરંટ પણ જાહેર કરવામાં આવ્યું છે.