Russia Ukraine Crisis: ભારતીય વિદ્યાર્થીઓ સાથે એર ઈન્ડિયાની પાંચમી ફ્લાઈટ આજે દિલ્હી પહોંચી, અત્યાર સુધીમાં 1100થી વધુ પરત ફર્યા

|

Feb 28, 2022 | 7:17 AM

Russia Ukraine Crisis: યુક્રેનથી ભારતીય વિદ્યાર્થીઓને પરત લાવવા એર ઈન્ડિયાની પાંચમી ફ્લાઈટ આજે દિલ્હીના ઈન્દિરા ગાંધી ઈન્ટરનેશનલ એરપોર્ટ પર લેન્ડ થઈ છે.

Russia Ukraine Crisis: ભારતીય વિદ્યાર્થીઓ સાથે એર ઈન્ડિયાની પાંચમી ફ્લાઈટ આજે દિલ્હી પહોંચી, અત્યાર સુધીમાં 1100થી વધુ પરત ફર્યા
Before boarding the special Air India flight, Indian citizens posed for photographs holding the tricolor

Follow us on

Russia Ukraine Crisis: યુક્રેન અને રશિયા વચ્ચેનું યુદ્ધ (Russia Ukraine War) દિવસેને દિવસે ભયાનક સ્વરૂપ લઈ રહ્યું છે. સ્થિતિ એટલી ગંભીર બની ગઈ છે કે રશિયાના રાષ્ટ્રપતિ વ્લાદિમીર પુતિને(Russian President Vladimir Putin) પણ પરમાણુ હથિયારો તૈયાર રાખવાનો આદેશ આપી દીધો છે. આવી સ્થિતિમાં યુક્રેનમાંથી મોટી સંખ્યામાં લોકો હિજરત કરી રહ્યા છે અને પડોશી દેશોમાં શરણ લઈ રહ્યા છે. તે જ સમયે, ભારત સરકાર(Indian Government) યુક્રેનમાં ફસાયેલા તેના નાગરિકોને સુરક્ષિત બહાર કાઢવા માટે અભિયાન પણ ચલાવી રહી છે.

અત્યાર સુધીમાં 1100થી વધુ ભારતીયો કિવથી સુરક્ષિત પરત ફર્યા છે. જો કે હજુ પણ મોટી સંખ્યામાં નાગરિકો ત્યાં ફસાયેલા છે. મળતી માહિતી મુજબ, યુક્રેનથી ભારતીય વિદ્યાર્થીઓને પરત લાવવા એર ઈન્ડિયાની પાંચમી ફ્લાઈટ આજે દિલ્હી એરપોર્ટ પર ઉતરી છે. બુકારેસ્ટ (રોમાનિયા) થઈને યુક્રેનમાં ફસાયેલા 249 વિદ્યાર્થીઓ અને અન્ય ભારતીય નાગરિકોને લઈને એર ઈન્ડિયાની ફ્લાઈટ (AI 1942) સોમવારે સવારે 6:30 વાગ્યે દિલ્હીના ઈન્દિરા ગાંધી ઈન્ટરનેશનલ એરપોર્ટ પર ઉતરી હતી.

અત્યાર સુધી પાંચ વિમાનોએ ભરી ઉડાન

‘ઓપરેશન ગંગા’ હેઠળ બુકારેસ્ટથી 219 નાગરિકોને લઈને એર ઈન્ડિયાની પ્રથમ ફ્લાઈટ શનિવારે (26 ફેબ્રુઆરી) મુંબઈમાં ઉતરી હતી. જ્યારે 250 ભારતીય નાગરિકો સાથે બુકારેસ્ટથી બીજી ફ્લાઇટ રવિવારે રાત્રે (27 ફેબ્રુઆરી) લગભગ 2.45 વાગ્યે દિલ્હી એરપોર્ટ પર ઉતરી હતી. તે જ સમયે, 240 લોકોને લઈને ત્રીજી ફ્લાઇટ રવિવારે (27 ફેબ્રુઆરી) સવારે 9.20 વાગ્યે દિલ્હીમાં ઉતરી હતી.

શરીરમાં આયર્નની કમી હોય તો કેવા લક્ષણો જોવા મળે ?
સરફરાઝ ખાન બન્યો પિતા, જુઓ ફોટો
રોજ સવારે 1 કાચું આમળું ખાવાથી જાણો શું થાય છે?
માત્ર 20 રૂપિયામાં તમને મળશે સોના જેવો નિખાર, સ્કીન માટે વરદાન છે આ વસ્તુ
ગુલાબના છોડમાં નાખી દો આ વસ્તુ, ફુલોનો થશે ઢગલો
Lawrence : લેટિન ભાષાનો શબ્દ છે લોરેન્સ, આ નામનો અર્થ શું થાય?

1156 ભારતીયો સુરક્ષિત વતન પરત ફર્યા

બુકારેસ્ટથી ટાટા ગ્રુપ દ્વારા સંચાલિત કંપનીની ફ્લાઇટ (ચોથી) 198 ભારતીય નાગરિકો સાથે રવિવારે સાંજે 5.35 વાગ્યે રાષ્ટ્રીય રાજધાની પહોંચી હતી. 13,000 થી વધુ ભારતીય નાગરિકો હજુ પણ યુક્રેનમાં ફસાયેલા છે, જેમને સુરક્ષિત રીતે બહાર કાઢવાના પ્રયાસો કરવામાં આવી રહ્યા છે. સોમવારે સવારે પાંચમી ફ્લાઈટ ભારતમાં લેન્ડ થતાની સાથે જ યુક્રેનથી ‘ઓપરેશન ગંગા’ હેઠળ બચાવાયેલા ભારતીય નાગરિકો અને વિદ્યાર્થીઓની સંખ્યા વધીને 1156 થઈ ગઈ છે.

Next Article