કારો તણાઈ, પાવર કટ, અંધારામાં વિતાવી રાત… કરાચીમાં વરસાદે મચાવી તબાહી, જુઓ પાકિસ્તાનની બરબાદીના વીડિયો

પાકિસ્તાનમાં ભારે વરસાદને કારણે સ્થિતિ વધુ ખરાબ થઈ ગઈ છે. કરાચી સહિત પાકિસ્તાનના અનેક શહેરોમાં આખી રાત વરસાદ પડી રહ્યો છે. ભારે વરસાદ બાદ પૂર જેવી સ્થિતિ સર્જાઈ છે. તે દરમિયાન વીજ પુરવઠો ખોરવાઈ ગયો હતો અને લોકોની રાત અંધારામાં વીતવી પડી હતી. તે જ સમયે, રસ્તાઓ પર વાહનો તરતા જોવા મળ્યા છે.

કરાચી શહેરના અનેક વિસ્તારોમાં પાણી ભરાયા હતા. આ પછી, રસ્તાઓ પર જામના કારણે સ્થિતિ વધુ વણસી હતી. પાકિસ્તાનના હવામાન વિભાગે 4 ફેબ્રુઆરીએ શહેરની આસપાસ ભારે વરસાદની ચેતવણી જાહેર કરી હતી.

શનિવાર સાંજથી જ ભારે વરસાદ શરૂ થયો હતો, જે બાદ સ્થિતિ વધુ ખરાબ થવા લાગી હતી. કરાચીના 700 પાવર ફીડરો બંધ થઈ ગયા હતા. આ પછી અડધાથી વધારે શહેર અંધારામાં ડૂબી ગયું હતું અને લોકોને ભારે હાલાકીનો સામનો કરવો પડ્યો હતો.

یہ ڈوبتی گاڑیاں.. یہ ڈوبتے گھر.. لیکن بھٹو اب بھی.. زندہ ہے!!#KarachiRain pic.twitter.com/aknOERzR3c

— Ahmed (@ThisahmedR) February 3, 2024

સ્થાનિક મીડિયા અનુસાર વરસાદી પાણી ઘરો અને હોસ્પિટલોમાં ઘૂસી ગયા હતા. જે વિસ્તારોમાં ભારે વરસાદ થયો છે તેમાં બાલ્દી ટાઉન, ઓરંગી ટાઉન, નોર્થ કરાચી, સુરજની ટાઉન, ગુલશન-એ-મેમર, ઓરંગી ટાઉન, બહરિયા ટાઉન, સદર, નોર્થ નાઝીમાબાદ, ટાવર, લિયાકતાબાદ અને નાઝીમાબાદનો સમાવેશ થાય છે.

کراچی کی بارش میں بلاول کی کمپین بہہ گئی ہے. پنجاب والوں پی پی پی کو ووٹ دینے سے پہلے کراچی اور سندھ میں پی پی پی کی 15 سالہ کارگردگی ضرور دیکھ لینا #KarachiRain pic.twitter.com/ullxjDf1rF

— M waqas khan (@1waqss) February 4, 2024

یہ ابلتے گٹر کا پانی بتاتا ہے کہ پیپلز پارٹی اور اسکے اتحادیوں نے اس شہر کو کیا دیا اور دوبارہ منتخب ہوکر کیا دے سکتے ہیں, کراچی ایک گھنٹے کی بارش میں ڈوب گیا- #KarachiRain pic.twitter.com/WOVsvn31uZ

— Arsalan Khan (@TheArsalanKhan2) February 3, 2024

The situation of Karachi is showing the performance of PPP and their allies. Just vote for Pti to get away from these rascals and bastards. #DUCKY #KarachiRain #Nikkah #ImranKhan #BushraBibi pic.twitter.com/2RHCXzjXOd

— Matin Khan (@matincantweet) February 3, 2024

મળતી માહિતી મુજબ, શહેરના ઘણા રસ્તાઓ પાણીથી ભરાઈ ગયા હતા અને મુસાફરો તેમના વાહનોમાં ફસાઈ ગયા હતા કારણ કે પાકિસ્તાનના હવામાન વિભાગ (PMD) એ એક દિવસ અગાઉ ભારે વરસાદની ચેતવણી આપી હતી અને આગાહી કરી હતી. છતાં, શહેરના વહીવટીતંત્રે વરસાદને પહોંચી વળવા માટે કોઈ પગલાં લીધા ન હતા. કરાચીના મેયર મુર્તઝા વહાબે ભારે વરસાદ પછી શહેરની સ્થિતિને ધ્યાનમાં રાખીને લોકોને ખુબ જરૂરી કામ સિવાય બહાર ન નીકળવાની ચેતવણી આપી હતી.

پانچ منٹ کی بارش اور پانچ گھنٹے کی زحمت، یہ کراچی کا حال ہے#KarachiRain pic.twitter.com/o8nPxAZjdi

— Mehreen Ali (@MehreenAli99) February 3, 2024

હોસ્પિટલના ઓપરેશન થિયેટરમાં પાણી ઘુસી ગયા હતા

તેમણે કહ્યું કે કેટલાક વોટર પમ્પિંગ સ્ટેશનોએ કામ કરવાનું બંધ કરી દીધું છે. વરસાદી નાળાઓ તેમની સંપૂર્ણ ક્ષમતાથી વહી રહ્યા છે. મેયરે શહેરના તમામ વિસ્તારોની મુલાકાત લઈ પરિસ્થિતિનો તાગ મેળવ્યો હતો. તેમણે તમામ જિલ્લા મ્યુનિસિપલ કોર્પોરેશનોને માર્ગો પરથી વરસાદી પાણી દૂર કરવા સૂચના આપી હતી.

પાકિસ્તાનના હવામાન વિભાગની આગાહી છતાં સિંધ સરકારે વરસાદને પહોંચી વળવા માટે કોઈ પગલાં લીધાં નથી. જિન્નાહ પોસ્ટ ગ્રેજ્યુએટ મેડિકલ સેન્ટર (JPMC) અને સિવિલ હોસ્પિટલના વોર્ડ નંબર 3ના ગાયનેકોલોજી વોર્ડના ઓપરેશન થિયેટરમાં વરસાદી પાણી ઘૂસી ગયા હતા.

આ પણ વાંચો: પાકિસ્તાનમાં ચૂંટણી પહેલા ફરી હિંસા, કરાચીમાં પાર્ટીના કાર્યકરો વચ્ચે અથડામણમાં એકનું મોત