પાકિસ્તાનની સુપ્રીમ કોર્ટના નિર્ણય પર વિપક્ષમાં ઉત્સવનો માહોલ, ઈમરાનના મંત્રીએ નિર્ણયમાં દર્શાવી ખામીઓ

મૌલાના ફઝલ-ઉર-રહેમાનનું નિવેદન

ચુકાદા પછી, મૌલાના ફઝલ-ઉર-રહેમાને કહ્યું, આ સમગ્ર દેશની જીત છે. આ સમાજની જીત છે. અમને લાગે છે કે તેમણે સમુદાયની અપેક્ષાઓ પર ખરા ઉતરીને સારો નિર્ણય લીધો છે. લોકોએ શુક્રવારની નમાજમાં પાકિસ્તાન માટે પ્રાર્થના કરવી જોઈએ. કાવતરાખોરોને પાકિસ્તાનમાંથી હાંકી કાઢવામાં આવશે.પાકિસ્તાન પીપલ્સ પાર્ટીના નેતા અને બેનઝીર ભુટ્ટોના પુત્ર બિલાવલ ભુટ્ટો ઝરદારીએ સુપ્રીમ કોર્ટના નિર્ણય પર ટ્વિટ કર્યું. તેમણે કહ્યું, લોકશાહી જ સર્વ શ્રેષ્ઠ બદલો છે.

પીએમએલ-એનના નેતા અને પૂર્વ વડાપ્રધાન નવાઝ શરીફની પુત્રી મરિયમ નવાઝે ઉર્દૂમાં એક ટ્વીટમાં કહ્યું, “સંવિધાનની સર્વોપરિતા પુનઃસ્થાપિત થતાં હું સમગ્ર રાષ્ટ્રને અભિનંદન આપવા માંગુ છું.” જેમણે બંધારણનું ઉલ્લંઘન કર્યું છે, તેમનો હિસાબ કરવામાં આવ્યો છે. અલ્લાહ કરે કે પાકિસ્તાન હંમેશા આમ જ ચમકતું રહે.

આ સાથે જ કાયદા મંત્રી ફવાદ ચૌધરીએ સુપ્રીમ કોર્ટના નિર્ણય અંગે કહ્યું છે કે નિર્ણયમાં ખામીઓ છે. ચુકાદા પછી, આપણે 23 માર્ચ, 1940ની જેમ ફરીથી સ્વતંત્રતા સંગ્રામ શરૂ કરવાની જરૂર છે, તેમણે વિદેશી ધમકી પત્રની તપાસની જાહેરાત કરતા કહ્યું.