Pakistan News: ‘હથિયારો’ બન્યા ભિખારી પાકિસ્તાનનો સહારો, આ રીતે બેલઆઉટ પેકેજ માટે IMFની આંખમાં ધૂળ નાખી !

પાકિસ્તાનની અર્થવ્યવસ્થાની હાલત એવી છે કે મોંઘવારી દરરોજ નવા રેકોર્ડ બનાવી રહી છે. લોકો પાસે રાશન ખરીદવા માટે પૈસા બચ્યા નથી. સર્વત્ર ગરીબી છે. તેમ છતાં, તેનો 'શસ્ત્ર ઉદ્યોગ' IMFની આંખોમાં ધૂળ નાખવાનો પ્રયાસ કરી રહ્યો છે અને તેને બેલઆઉટ પેકેજો મળી રહ્યો છે.

Anwar-ul-Haq, the new acting Prime Minister of Pakistan

TV9 Gujarati | Edited By: Pinak Shukla | Updated on: Sep 19, 2023 | 8:51 AM

રોકડ સંકટનો સામનો કરી રહેલા પાકિસ્તાનની ગરીબી શબ્દોમાં વ્યક્ત કરી શકાય તેમ નથી. રાશનથી લઈને સામાન્ય આવશ્યક ચીજવસ્તુઓ સુધીના ભાવ આસમાને છે. આમ છતાં પાકિસ્તાને અમેરિકા સાથે હથિયારોના સોદા કર્યા હોવાના અહેવાલો છે. આ હથિયાર ઉદ્યોગના નામે પાકિસ્તાન IMFની આંખમાં ધૂળ નાખીને બેલ આઉટ પેકેજ મેળવી રહ્યું છે.

અમેરિકાની એક નોન-પ્રોફિટ ડિજિટલ ન્યૂઝ ઓર્ગેનાઈઝેશન ઈન્ટરસેપ્ટે એક અહેવાલ પ્રકાશિત કર્યો છે કે પાકિસ્તાન પડદા પાછળ અમેરિકા સાથે હથિયારોનો સોદો કરી રહ્યું છે. રશિયા-યુક્રેન યુદ્ધમાં યુક્રેનિયન આર્મીને આ હથિયારો પૂરા પાડવામાં આવી રહ્યા છે, જેથી તે રશિયા સામેની લડાઈને વધુ મજબૂત કરી શકે.

પાકિસ્તાની સેનાના રેકોર્ડમાંથી માહિતી બહાર આવી છે

ઈન્ટરસેપ્ટે પાકિસ્તાની સેના સાથે જોડાયેલા સૂત્રોને ટાંકીને અહેવાલ આપ્યો છે કે પાકિસ્તાન અને અમેરિકા વચ્ચે ગુપ્ત હથિયારોની ડીલ થઈ છે. આનાથી સંબંધિત એક અહેવાલમાં પાકિસ્તાન અને અમેરિકાએ 2022ની ઉનાળાની ઋતુ અને 2023ની વસંતઋતુમાં વેચાણ માટે જે હથિયારો પર હસ્તાક્ષર કર્યા છે તેની વિગતો છે.

રિપોર્ટમાં એક સૂત્રને ટાંકીને કહેવામાં આવ્યું છે કે આ સંબંધિત દસ્તાવેજોમાં પાકિસ્તાની કોન્ટ્રાક્ટરો અને અમેરિકન અધિકારીઓ વચ્ચેની વાટાઘાટો અને નાણાકીય લેવડદેવડના પુરાવા છે. આમાં, યુક્રેન માટે પાકિસ્તાની સેનાના હથિયારો ખરીદવા સંબંધિત લાયસન્સ અને વિનંતી દસ્તાવેજોનું પગેરું દેખાઈ રહ્યું છે.

IMFને વિશ્વાસમાં લેવાની વાત

ઇન્ટરસેપ્ટ રિપોર્ટમાં જણાવવામાં આવ્યું છે કે યુએસ સ્ટેટ ડિપાર્ટમેન્ટ આ આર્મ્સ ડીલ માટે IMFને વિશ્વાસમાં લેવા માટે તૈયાર છે. આ સમાચાર ચોંકાવનારા છે કારણ કે પાકિસ્તાનમાં ગરીબીને કારણે ખાવા-પીવાના પૈસા નથી. તે જ સમયે, તે IMF તરફથી મળેલા પેકેજને આવા હથિયારોના સોદા પર ખર્ચ કરી રહ્યો છે.

આ વર્ષે જુલાઈમાં IMFએ પાકિસ્તાનને 1.2 અબજ ડોલરની રકમ ટ્રાન્સફર કરી હતી. તે $3 બિલિયનના બેલઆઉટ પેકેજના હપ્તા તરીકે પ્રાપ્ત થયું હતું.