London News: બાળકો પર છત તૂટી પડવાથી દક્ષિણ લંડનની એક ખાનગી શાળાને £80,000 નો દંડ ફટકારવામાં આવ્યો

દક્ષિણ લંડનની (London) એક ખાનગી શાળામાં (Private School) વર્ગખંડની છત તૂટી પડવાથી 15 બાળકો અને તેમના શિક્ષકને ઈજા થતાં એક સ્કૂલ ટ્રસ્ટને £80,000નો દંડ ફટકારવામાં આવ્યો છે. 2021 માં ડુલવિચમાં રોઝમીડ પ્રિપેરેટરી સ્કૂલની છત વિદ્યાર્થીઓ પર તૂટી પડી હતી. જેના કારણે બાળકો અને તેમના શિક્ષકના હાથ અને પગ પર ઈજા થઈ હતી અને તેઓને હોસ્પિટલમાં ઈલાજ માટે દાખલ કરવામાં આવ્યા હતા.

2.5 થી 11 વર્ષની વયના બાળકોને ભણાવે છે

થર્લો એજ્યુકેશનલ ટ્રસ્ટ, જે પ્રેપ સ્કૂલ ચલાવે છે, તેણે સ્વાસ્થ્ય અને સલામતીના નિયમોના ભંગ બદલ ગુનો કબૂલ્યો હતો. તેમને વેસ્ટમિન્સ્ટર મેજિસ્ટ્રેટ કોર્ટમાં ખર્ચ તરીકે £7,116.31 ચૂકવવાનો પણ આદેશ આપવામાં આવ્યો હતો. રોઝમીડ પ્રિપેરેટરી સ્કૂલ અને નર્સરી જે પ્રતિ સત્ર £5,606 સુધી ચાર્જ કરે છે અને 2.5 થી 11 વર્ષની વયના બાળકોને ભણાવે છે.

નવેમ્બર 2021માં છત તૂટી પડી હતી

હેલ્થ એન્ડ સેફ્ટી એક્ઝિક્યુટિવ (HSE) દ્વારા કરવામાં આવેલી તપાસમાં જાણવા મળ્યું કે, ડેસ્ક અને ખુરશીઓ જેવી વસ્તુઓ એવી જગ્યાએ સંગ્રહિત કરવામાં આવી રહી હતી જે લોડ વહન કરવા માટે બનાવવામાં આવી ન હતી અને નવેમ્બર 2021માં છત તૂટી પડી હતી.

આ પણ વાંચો : Toronto News: ટોરોન્ટોમાં આ અઠવાડિયે દુર્લભ ‘બ્લુ સુપરમૂન’ જોવા મળશે, આ ઘટના ફરી જોવા દોઢ દાયકા રાહ જોવી પડશે

HSE તપાસમાં એવું પણ જાણવા મળ્યું છે કે ટ્રસ્ટ વસ્તુઓને સંગ્રહિત કરવા માટે ઉપયોગમાં લેવાતા વિસ્તારની કોઈપણ માળખાકીય અથવા લોડ-બેરિંગ ક્ષમતાનું મૂલ્યાંકન કરવામાં નિષ્ફળ રહ્યું હતું અને તે વિસ્તાર સંગ્રહ માટે યોગ્ય છે કે કેમ તે મૂલ્યાંકન કરવામાં પણ નિષ્ફળ ગયો હતો.

માનસિક અને ભાવનાત્મક અસર

HSE ઇન્સ્પેક્ટર સેમ્યુઅલ બ્રાઉને જણાવ્યું હતું કે, આ ઘટનાના પરિણામે સંખ્યાબંધ નાના બાળકો ઘાયલ થયા હતા, કારણ કે શાળા તેમના વર્ગખંડની ઉપર ખુરશીઓ અને ટેબલ સુરક્ષિત રીતે મૂકવામાં આવે તે સુનિશ્ચિત કરવામાં નિષ્ફળ રહી હતી. શાળા એવી જગ્યા હોવી જોઈએ જ્યાં બાળકો તેમની સુરક્ષાની ચિંતા કર્યા વિના શિક્ષકો પાસેથી શીખી શકે. સદભાગ્યે, આ ઘટનાથી કોઈ વધુ ગંભીર ઈજાઓ થઈ નથી, પરંતુ આવી ઘટનાની માનસિક અને ભાવનાત્મક અસર જરૂરથી થાય છે.

આંતરરાષ્ટ્રીય તમામ સમાચાર વાંચવા માટે અહીં ક્લિક કરો