એક સાથે ફસાઇ ગયા IPS અનિરુદ્ધ-આરતી, DGPએ કમિશનરને આપ્યો તપાસનો આદેશ, IPS પતિ-પત્ની પર આ છે આરોપો
IPS પત્ની અને પતિ બંને યુપીમાં ફસાયા છે. બંને સામે તપાસ શરૂ કરવામાં આવી છે. પોલીસ કમિશનર વારાણસીને બંને સાથે સંબંધિત મામલાની તપાસ કરીને ત્રણ દિવસમાં રિપોર્ટ સોંપવાનો નિર્દેશ આપવામાં આવ્યો છે.
પોલીસ મુખ્યાલયે મેરઠમાં એસપી રૂરલ તરીકે ફરજ બજાવતા IPS અધિકારી અનિરુધ સિંહ અને વારાણસી કમિશનરેટમાં DCP વરુણા ઝોન તરીકે તૈનાત IPS આરતી સિંહ વિરુદ્ધ તપાસનો આદેશ આપ્યો છે. બંને પતિ-પત્ની છે અને બંને વિરુદ્ધ મળેલી ફરિયાદો વારાણસી સાથે સંબંધિત છે. આ કારણોસર, પોલીસ કમિશ્નર, વારાણસીને બંને સાથે સંબંધિત મામલાની તપાસ કરવા અને ત્રણ દિવસમાં રિપોર્ટ સોંપવા સૂચના આપવામાં આવી છે.
રવિવારે IPS ઓફિસર અનિરુદ્ધ સિંહનો એક વીડિયો વાયરલ થયો હતો જેમાં તેઓ વીડિયો કોલ દ્વારા એક વ્યક્તિ સાથે વાતચીત કરતા જોવા મળે છે. અનિરુદ્ધ પર ભ્રષ્ટાચારના આરોપો લગાવવામાં આવી રહ્યા છે. અનિરુદ્ધ સિંહે કહ્યું કે વીડિયો જૂનો છે, મને ક્લીનચીટ મળી ગઈ છે. કોઈ તેને ફરીથી વાયરલ કરીને મને બદનામ કરવાનો પ્રયાસ કરી રહ્યું છે.
મકાનમાલિકે ભાડું ન ચૂકવવાનો આરતી સિંહ પર લગાવ્યો આરોપ
રવિવારે જ મહિલા IPS આરતી સિંહને સંબંધીત એક ટ્વીટ આવ્યું હતું, જેમાં તેણે પોતાના મકાનમાલિકને ફ્લેટનું ભાડું ન આપવાનો આરોપ લગાવ્યો છે. આરતી સિંહ IPS અનિરુદ્ધ સિંહની પત્ની છે. આ કેસમાં પણ, પૂછપરછ પર, પોલીસ હેડક્વાર્ટરને જાણવા મળ્યું કે આરતી સિંહે તેના મકાનમાલિકને ભાડું ચૂકવ્યું છે અને અને તેનું એક પણ ભાડુ બાકી નથી. પોલીસ હેડક્વાર્ટર દ્વારા પોલીસ કમિશનર વારાણસીને ત્રણ દિવસમાં તપાસ કરવા અને રિપોર્ટ આપવા જણાવ્યું છે.
યુપીએસસીની સફરમાં અનિરુદ્ધ સિંહ -આરતી સિંહ વચ્ચે પાંગર્યો પ્રેમ
જ્યારે આરતી સિંહ દિલ્હી આવી અને સિવિલ સર્વિસની તૈયારી કરવા લાગી ત્યારે તેને મુસાફરીની વચ્ચે અનિરુદ્ધ સિંહનો સાથ મળ્યો. યુપીપીસીએસની તૈયારી દરમિયાન આરતી અને અનિરુધે ઘણી મહેનત કરી અને તેનું પરિણામ એ આવ્યું કે બંનેએ યુપીપીસીએસની પરીક્ષા પાસ કરી અને નોકરી પણ મળી ગઈ, પરંતુ આરતી અને અનિરુધ અહીંથી ન અટક્યા અને યુપીએસસીની તૈયારી કરવા લાગ્યા.
આરતી સિંહ 2016માં આઈપીએસ બની હતી
2015માં આરતી સિંહે અનિરુદ્ધ સિંહ સાથે લગ્ન કર્યા હતા. 2016માં બંનેએ સિવિલ સર્વિસની પરીક્ષા આપી હતી. આરતીને 118મો રેન્ક મળ્યો અને તેણે યુનિફોર્મ પહેરવાનું નક્કી કર્યું. તે IPS બની. જ્યારે અનિરુધને આર્મ્ડ ફોર્સિસ (AFHQ) મળ્યો. અનિરુદ્ધ પણ હિંમત હાર્યો નહીં અને 2017ની પરીક્ષામાં હિન્દી માધ્યમમાં 146માં નંબર સાથે ટોપર બન્યો.
Latest News Updates
