ભારત UNSCનું કાયમી સભ્ય બનશે ! જો બાયડેનના આ નિવેદને આશાઓ વધારી
સંયુક્ત રાષ્ટ્ર સુરક્ષા પરિષદના (UNSC) નવા કાયમી સભ્ય બનવાની રેસમાં ભારત સૌથી આગળ છે. બાયડેનના આ નિવેદન બાદ ભારતની કાયમી સભ્ય બનવાની આશા ઘણી વધી ગઈ છે.
અમેરિકી (US)રાષ્ટ્રપતિ જો બાયડેને (Joe biden)સંયુક્ત રાષ્ટ્ર મહાસભાને (UN)સંબોધિત કરતી વખતે સુરક્ષા પરિષદના સ્થાયી સભ્યોની સંખ્યા વધારવા પર વિશેષ ભાર મૂકવાની હિમાયત કરી છે. તેમણે કહ્યું કે જો સંયુક્ત રાષ્ટ્રને અસરકારક બનાવવું હોય તો સ્થાયી સભ્યોની સંખ્યા વધારવી પડશે. તમને જણાવી દઈએ કે સંયુક્ત રાષ્ટ્ર સુરક્ષા પરિષદના નવા સ્થાયી સભ્ય બનવાની રેસમાં ભારત સૌથી આગળ છે. બાયડેનના આ નિવેદન બાદ ભારતની કાયમી સભ્ય બનવાની આશા ઘણી વધી ગઈ છે.
યુનાઈટેડ નેશન્સ જનરલ એસેમ્બલીને સંબોધતા યુએસ પ્રમુખ જો બાયડેને કહ્યું કે રશિયાએ યુક્રેન સાથે ક્રૂર અને બિનજરૂરી યુદ્ધ કરીને સંયુક્ત રાષ્ટ્ર ચાર્ટરના મૂળભૂત સિદ્ધાંતોનું શરમજનક રીતે ઉલ્લંઘન કર્યું છે. સંયુક્ત રાષ્ટ્રમાં તેમના સંબોધન દરમિયાન, બાયડેને રશિયન હુમલાની સખત નિંદા કરતા કહ્યું કે યુક્રેનમાં નાગરિકો પર રશિયાના અત્યાચારના “ધ્રુજારી આપતા અહેવાલો” છે. તેમણે કહ્યું કે રશિયાના રાષ્ટ્રપતિ વ્લાદિમીર પુતિન દ્વારા યુરોપ પર પરમાણુ શસ્ત્રોથી હુમલો કરવાની નવી ધમકી દર્શાવે છે કે રશિયા પરમાણુ અપ્રસાર સંધિ (NPT) પર હસ્તાક્ષર કરનાર હોવા છતાં બેજવાબદારીપૂર્વક તેની જોગવાઈઓનું ઉલ્લંઘન કરી રહ્યું છે. બાયડેને કહ્યું, અમે રશિયાના હુમલા સામે એકજુટ થઈને ઊભા રહીશું.
યુક્રેન પર રશિયાના સતત હુમલા વચ્ચે અમેરિકી રાષ્ટ્રપતિ જો બાયડેને રશિયન રાષ્ટ્રપતિ પુતિન પર આકરા પ્રહારો કર્યા છે. તેમણે કહ્યું કે અમેરિકા પહેલાની જેમ યુક્રેનને મદદ કરતું રહેશે. તેમણે કહ્યું કે સંયુક્ત રાષ્ટ્ર ઇચ્છે છે કે યુદ્ધનો અંત આવે. અમેરિકા પણ ઈચ્છે છે કે બંને દેશો વચ્ચે ચાલી રહેલા યુદ્ધનો અંત આવે. જો કે અમેરિકા પણ ઇચ્છે છે કે યુદ્ધ સમાપ્ત થાય તે પહેલા ન્યાય મળવો જોઇએ. વિશ્વના તમામ દેશોએ યુક્રેનને સમર્થન આપવું જોઈએ.
જો બાયડેને કહ્યું, દુનિયાભરના દેશોએ એવું વાતાવરણ બનાવવું પડશે કે આપણે એકબીજાના દુશ્મન ન બનીએ. બાયડેનનો આરોપ છે કે રશિયાએ યુએન ચાર્ટરનું ઉલ્લંઘન કર્યું છે. પુતિનના આ કૃત્ય માટે સંયુક્ત રાષ્ટ્રે તાત્કાલિક પગલાં લેવાની જરૂર છે. તેમણે કહ્યું, રશિયા સાથે ચાલી રહેલા યુદ્ધમાં અમેરિકાએ હંમેશા યુક્રેનની મદદ કરી છે. પુતિનના નિવેદન પરથી સ્પષ્ટ થાય છે કે તેમનો ઈરાદો શું છે. આંતરરાષ્ટ્રીય સમાચાર અહીં વાંચો.
Latest News Updates
